airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Ukiumut pinngitsoorani misilitsiffissat atuartullu namminneq toqqaakkatut misilitsiffii

Pinngitsoorani misilitsiffiusussanik atuartullu misilitsiffissatut toqqagaannik qanoq ingerlatsisoqarnissaanut tunngasut maani atuarsinnaavatit, 2022-milu fagit misilitsiffissat misilitsittoqarnissaanullu pilersaarut takusinnaallugit.
Pinngitsoorani misilitsiffissat

Pinngitsoorani misilitsiffigineqartussat fagiupput atuartut naammassisussat 10. klassip naammassilernerani allattariarsorlutik aamma/imaluunniit oqaluttariarsorlutik misilitsiffigisassaat. Fagit pinngitsooratik misilitsiffiusussat aalajangersimasumik misilitsiffiusartuunngikkaangamik makitsinikkut misilitsiffiusarput. Fagit pinngitsooratik misilitsiffiusussat ukiut tamaasa misilitsiffiusarput, makitsinikkullu misilitsiffiusartut ukiumit ukiumut allanngorsinnaasarput.

Allattariarsorluni misilitsiffissat

Fagit pinngitsooratik misilitsiffiusussat

Fagit makitsinikkut misilitsiffiusussat

Atuarfinni aalajangersimasuni makitsinikkut misilitsiffiusussat sorliussanersut naalakkersuisoqarfiup aalajangertarpai.

Oqaluttariarsorluni misilitsiffissat

Pinngitsoorani oqaluttariarsorluni misilitsiffiusussat tamarmik makitsiffiusussaapput. Ukiut tamaasa naalakkersuisoqarfik kolonniniittuni tamani ataatsimik makitsisarpoq:

 Kolonne 1  Kolonne 2  Kolonne 3

Kalaallit oqaasii

Matematikki

Uumassuseqartulerineq

Danskit oqaasii

Fysik/Kemi

Pinngortitamik nunalerineq

Tuluit oqaasii

 

Inuiaqatigiilerineq

 

 

Upperisalerineq isumalioqqissaarnerlu

Atuartut allattariarsorlutik oqaluttariarsorlutillu misilitsinnissaannik nalunaarutiginninneq suliassanillu piniarnerit Ilinniartitaanermut Aqutsisoqarfiup kingusinnerpaamik decembarip qulinganni pissarsiarissavai, naleqq. Ukiumut pilersaarut.

Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaanni paasissutissat amerlanerusut atuakkit - kap. 1, §§ 7-9

Misilitsissutissat atuartut nammineq toqqagai

Pinngitsoorani oqaluttariarsorluni misilitsiffiusussat saniatigut atuartup toqqarsinnaavaa Sumiiffinni qinigassiissutit imaluunniit misilitsiffigineqartussatut aalajangiunneqarsimanngitsuni oqaluttariarsorluni misilitsissalluni.

Assersuutigalugu Kalaallit oqaasii, Matematikkimi Inuiaqatigiilerinermilu misilitsittussap oqaluttariarsorluni misilitsiffigisassamisut toqqarsinnaavaa Eqqumiitsuliorneq illussanillu titartaaneq imaluunniit Pinngortitalerineq. Aammattaaq atuartut allamiut oqaasii oqaatsit pingajuattut fageqarsimasut atuartitsissummi oqaluttariarsorlutik misilitsinnissartik toqqarsinnaavaat.

Atuartut namminneq toqqaanermikkut misilitsiffigisassaasa pinngitsooratik misilitsiffigineqartussat taarsersinnaanngilaat, taakkununngali tapertaritinneqassapput. Immersugassap ataaniittup immersorneratigut atuartup misilitsiffigisassani toqqassavai - misilitsiffigisassatut toqqaaneq unioqqutinneqarsinnaanngilaq. Atuarfiit atuartut namminneq toqqaanermikkut misilitsiffigisassaannik novembarip qaammataani toqqaatitsissapput, naleqq. Ukiumut pilersaarut.

Atuartut namminneq toqqagaat

Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaanni paasissutissat amerlanerusut atuakkit - kap. 1, § 9.

iPad allattariarsorluni misilitsinnermi 

Pages aamma Numbers misilitsinnerni allattariarsorfiusuni nal.ak. pingasuni sisamanilu atorneqassapput.

Pagesimut inissititerutit:

  • Standard dokumentformat
  • Allannerup qanoq ittuunera/Skrifttype: Calibri Regular
  • Qulequtaa allanneqassaaq naqinnerit angissusaat: 14 -16
  • Sinnerini naqinnerit angissusaat: 11-14
  • Titarnerit akuttussusiat/Linjeafstand: 1,2-1,5
  • Quppernerit allatsinneqassapput, ass. 1 af 2, 2 af 2

IPadi misilitsinnerup nalaani internetimut attaveqassanngilaq attavilerneqassananilu

Taamaattumik atuarfiup pisortaata inimi misilitsiffiusumi internetimut attavilertoqarsinnaannginnissaa qulakkiissavaa. Taamaattoqartillugu inimi misilitsiffimmi routerit/modemi/wi-fi qaminneqassaaq/-ssapput. IPadip ’Flytilstand’-imut aamma/imaluunniit ’wi-fi fra’ iPadimi nammineerluni inissinneri naammanngilaq.

Taamatullu aamma atuarfiup pisortaata misilitsinnissaq sioqqutingaarlugu atuartut nakkutilliisullu tamarmik Pagesimi aamma Numbersimi tigusinermut (modtage) aamma nuussinermut (eksporter) sungiussisimalluassasut qulakkiissavaa.

Nakkutilliisuutitap malitassaa

Akunnerni pingasuni sisamanilu misilitsinnernut ilinniartitsisup nakkutilliisuutitallu malitassaat:

  • iPadi misilitsinnermi piffissaq tamaat internetimut attavilerneqarsinnaassanngilaq
  • iPadi oqaatsinik atuartitsissutini oqaloqatigiittoqareerpat aatsaat atorneqarsinnaalissaaq
  • Tastatur (naqitassat) atorneqarsinnaavoq atuartup tamanna kissaatigippagu piareersimasuuteqarunilu
  • Atuartut tamarmik Pages aamma/imaluunniit Numbers atussavaat
  • Pagesimiittoq kukkuniiaat aamma ordbogit App’it atorneqarsinnaapput
  • Misilitsinnermi piffissaq tamaat iPadinut ilisimasalimmik inimi misitsiffimmiittoqassaaq

1) Oqaloqatigiinnerup kingorna dokument sidehovedileriigaq1 tunniunneqassaaq (Airdrop/USB)
2) Dokument App’imi Pagesimi ammarneqassaaq
3) Atuartup sidehovedimi immersugassat immersussavai. Atuarfiup aqqa aamma GR normua immersuiffissami allassimariissapput
4) Atuartup atussavai:
- Standard dokumentformat
- Allannerup qanoq ittuunera/Skrifttype: Calibri Regular
- Qulequtaanut naqinnerit angissusaat: 16
- Sinneri naqinnerit angissusaat: 12-14
- Titarnerit akuttussusiat/Linjeafstand: 1,2-2,0
- Quppernerit taaneqartassapput ass. 1 af 2, 2 af 2
5) Naatsorsukkat il.il. Numbersimi suliarineqarsimasut Pagesimi dokumentimut ilineqassapput
6) Atuartup suliani naammassippagu akissutaa PDF-formatinngorlugu Pagesimit nakkutilliisumut nuunneqassaaq (eksporter). (Airdrop/USB)
7) Akissut anillatsinneqassaaq malittarisassallu atuuttut malillugit censorimut nassiunneqarluni
8) Akissut atuartup nakkutilliisullu iPadiannit peerneqassapput (slettes)

Arlaatigut iPadi ajornartooruteqalissappat atuartup pappiala qaqortoq atussavaa allaallu piiarneqarsinnaanngitsoq (kuglepenni) atorlugu allalluni. Misilitsinnerup sivisussusaa piffissaliussat sinnerlugit sivitsorneqassanngilaq.

Sidehovedimi piareeriigaq

Atuarfik normualu / Skolens navn og GR-nr:

 

Ulloq / Dato:

Atuartup aqqa / Elevens navn:

Inuup-normua / CPR-nr:

 

 Fagi / Fag:

Immikkoortua / Disciplin:

 

Nakkutilliisup aqqa / Tilsynsførendes navn:

 

iPad allattariarsorluni misilitsinnermi
Hent Pages iPadskabelon til skriftlig prøve her (brug iPad): 

Ilikkagassatut pilersaarutit
Takuuk
Fagit misilitsinnerillu
Takuuk
Misilitsinnermut ilitsersuutit
Takukkit
Censoreqarneq
Takuuk
Kingullermik nutarterneqarpoq: 28. februar 2022