airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Sumiiffinni qinigassani misilitsinneq

Sumiiffinni qinigassani misilitsinneq atuartup nammineq misilitsiffigissallugu toqqagarivaa. Atuartup atuarunnaartussap toqqarsinnaavaa Sumiiffinni qinigassani oqaluttariarsorluni-suliaqarluni misilitsinnissaq pinngitsoorani misilitsiffissat ingerlanneqartussat tapullugit.
Misilitsinnermut paasissutissat

Sumiiffinni qinigassani oqaluttariarsorluni-suliaqarluni misilitsinnermut ilaapput piareersarneq aamma saqqummiussineq. Misilitsinnerit atuartut ataasiakkaarlugit suleqatigiikkaarlugilluunniit ingerlanneqarsinnaapput.

Atuartitsissutit misilitsittoqarfiusussat

  • Assassorneq ilusilersuinerlu
  • Eqqumiitsuliorneq illussanillu titartaaneq
  • Timersorneq silamiinnerlu
  • Nipilersorneq, erinarsorneq, timip aalatinnera isiginnaartitsinerlu

Sumiiffinni qinigassani misilitsinnerup imaa, ingerlanneqarnera naliliinerlu pillugit malittarisassanik kommunalbestyrelsi aalajangersaassaaq. Kommunalbestyrelsi malittarisassaliorsimanngippat, ilikkagassatut pilersaarummi ilitsersuutaasumi ilikkagassatut anguniagassat aamma misilitsinnermi ilitsersuummiit malittarisassatut atuuttuussapput.

Misilitsinnerup ingerlanneqarnera

Kisimiilluni misilitsinnermi piareersarnissamut minutsit 20-40-t saqqummiussinermullu minutsit 20-40-t piffissaliunneqassapput.

Suleqatigiilluni misilitsinnermi piareersarnissamut minutsit 40-80-it saqqummiussinermullu minutsit 40-80-it piffissaliunneqassapput.

Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaanni atuarneqarsinnaavoq - kap. 9, § 86.

Misilitsinnermi ilitsersuut

Sumiiffinni qinigassiissutini atuartitsissummi misilitsissutinut ilitsersuutip uuma siunertaraa, meeqqat atuarfianni inaarutaasumik naliliinerit pillugit Namminersornerullutik Oqartussat nalunaarutaanni misilitsinnerni piumasaqaatit ersarissarnissaat itisilernissaallu.

Ilitsersuutip misilitsinnerni piumasaqaatit ersarissarneqarnerisa saniatigut Sumiiffinni qinigassiissutini misilitsissutit suliarineqarnerinut imarisaannullu assersuutit arlallit kiisalu atuartitseriaatsit siunnersueriaatsillu inassutigineqartut imarivai.

Ilitsersuut

Ilikkagassatut pilersaarutit
Takuuk
Ukiumut pinngitsoorani misilitsiffissat atuartullu namminneq toqqaakkatut misilitsiffii
Takukkit
Misilitsinnernut pilersaarutit, piffissat ullorsiutillu
Takukkit
Censoreqarneq
Takuuk
Kingullermik nutarterneqarpoq: 28.februar 2022