airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Atuarfimmi naliliissutit

Alloriarfiit siunertaat, atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat tunngavigalugu atortorissaarutit assigiinngitsut atuarfinnit ilinniartitsisunillu atuartut suliassanik paasisimasaqarnerinut nalilersuinermut atorneqartartut pillugit uani atuarsinnaavutit.
Atuarnermut misiligutit

Matuma ataani allaaserineqartut tassaapput kalaallisut atuarnermut misiligutissat. Malugiuk atuarnermut misiligutissat naqiterneqarunnaarmata, taamaattumillu inniminnerneqarsinnaanatik. Atortussat nutaat maanna inerisarneqarput.

Atuarnermut misiligutissat meeqqat atuarfianni nukarlernut angajullernullu atugassianngorlugit inerisagaapput, atuartullu atuarnermik piginnaasaasa nalilersornerannut atorneqartarlutik.

OAM 1+2

OAM tassaavoq Oqaaseqatigiinnik Atuarnermut Misiligut. OAM 1+2 meeqqat atuarfianni 2. klassimi 3. klassimilu atuartunut atuarnermut misiligutissaapput. Taakku ilinniartitsisut atuartut atuarnermut piginnaasaasa nalilersornissaannut atugassaraat – aamma atuartut atuarnermut piginnaasaminnik namminneq nalilersuinerminni atorsinnaavaat.

OAM atuartunut nukarlernut atugassianngorlugit inerisagaapput.

OAM 1 - 2012
OAM 1 - Nalunaarsuivik - Atuaqatigiit - Immersugassaq B
OAM 1 Nalunaarsuivik Atuartut ataasiakkat Immersugassaq A Side 1 2
OAM 1 OAM 2 Ilinniartitsisumut ilitsersuut
OAM 2 - 2005
OAM 2 - nalunaarsuivik - Atuaqatigiit - Immersugassaq B

ONAM + SL

ONAM 64 / ONAM 120
ONAM tassaavoq Oqaatsinik Nipaqanngitsumik Atuarnermut Misiligut. Atortussat ONAM 64-inik, 3. klassinut 4. klassinullu naleqqussagaasunik, aamma ONAM 120-nik, 4. klassinut 5. klassinullu naleqqussagaasunik, imaqarput. ONAM 120-ttaaq atuartut angajullerni atuartuusut immikkut pisariaqartitsisut misilinneqarnissaannut atorneqarsinnaapput.

ONAM 120

SL 60
SL 60 atortussiaavoq atuartut oqaaseqatigiinnik atuarnermut piginnaasaqassusiinik misiliinissamut naleqqussagaasut.

Atortussat taakku nukarlernut akullernullu atugassianngorlugit inerisagaapput.

SL 60

Atuarit 5
Atuarit 5 atortussiaapput 5. klassimi atuartunut inerisagaasut. Taakku ilinniartitsisup atuartut atuarnermik piginnaasaasa nalilersornissaannut atorsinnaasaattut inerisagaapput. Aamma atuartut atuffarissutsiminnik namminneq nalilersuinerminni atorsinnaavaat.

Atuarit 5 akullernut atugassianngorlugit inerisagaapput.

Atuarit 5
Atuarit 5 - Ilinniartitsisumut ilitsersuut
Atuarit 5 Immersugassaq A Side 1 2
Atuarit 5 - Nalunaarsuivik - Atuaqatigiit - Immersugassaq B

Angusakka

Angusakka nalilersuinermut atortorissaarutaavoq ilinniartitsisunit, atuartunit angajoqqaanillu atorneqarsinnaasoq. Angusakka atuartup atuarnermini ilikkagaanik atuarnermilu ingerlanerani ineriartorneranut nalilersuinermut atorneqartarpoq.

Angusakka ukuninnga imaqarpoq:

Atuartup imminut nalilersornera

Atuartup imminut pisinnaasaminik nalilersornera, pisinnaatitsivoq eqqarsaatigissallugu nammineq soqutigisaminik kissaatiminillu ersersitsisinnaaneranut, atuartitaanermut tunngatillugu.
Atuartut, ilinniartitsisut angajoqqaallu atuartup imminut nalilersornera atorsinnaavaat makkununnga sanilliullugu:

  • Aalajangersimasumik qulequtsiilluni suliaqarnerit
  • Atuartitsissutit ingerlannerat
  • Atuarfiup angerlarsimaffiullu akornanni oqaloqatigiinnerit
  • Inuttut piginnaasanillu inerikkiartornerit

Atuartup ilinniartitsisoq peqatigalugu allattuiffik immersussavaa.

1.-3. klasse
4.-7. klasse
8.-10. klasse

Ilinniartitsisup immersugassaa

Ilinniartitsisup immersugassaata atuartup ilinniartitsisua periarfississavaa atuartup atuartitsissutinut piginnaasai inuttullu ineriartornera ataatsimut isigisinnaalersillugit. Ilinniartitsisisup immersugassaa, atuaqatigiit atuartitsisissutini ilinniartitsisuinik immersorneqassaaq, ilinniartitsisut atuartumik naliliinissaannut tunngavittut ilaalluni.

1.klasse
2.-3. klasse
4.-7. klasse
8.-10. klasse

Nalunaarusiaq angusat tunngavigalugit karakteerillu

Nalunaarut angusallu tunngavigalugit karakteeriliineq ilinniartitsisumit Tabulex TEA-mi immersorneqassapput, immersukkallu atuartumit angerlaanneqassapput angajoqqaat atuarfiullu oqaloqatigiinnissaat sioqqullugu immersugaq angajoqqaanit atsiorneqassammat. Atsiorneqarsimasup assilinera atuarfimmi toqqortaatigineqassaaq.

Ilinniartitsisut nalunaarusiaat atuartup atuartitsissutinut piginnaasaanut naliliineruvoq, ilikkagassatut anguniagassanut tunngatillugit, Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat naapertorlugu. Taassumalu saniatigut ilinniartitsisut atuartup inuttut atuartitaanerani piginnaasai nalilissavaat – taakkununnga atuartoq pillugu uku ilaallutik:

  • Atuarfimmi suliassat atuartitsissutinilu peqataanera
  • Ilinniartitsisunut atuartunullu allanut inuttut akuunera
  • Atuarfiup sammisassarititaanut peqataanera

Karakteerit tunniunneqassapput GGS - Greenlandic Grading System – malillugu - Naliliisarneq uppernarsaasiortarnerlu pillugit Namminersornerullutik Oqartussat Nalunaarutaat naapertorlugu.

Tabulex TEA-mik ajornartorsiuteqarnermi immersugassat uuma ataaniittut atorneqassapput.

1. klasse
2.-3. klasse
4.-7. klasse
8.-10. klasse Nalunaarusiaq
8.-10. klasse Angusat tunngavigalugit karakteerit

Angerlarsimaffimmi immersugassaq

Angerlarsimaffimmi immersugassaq atuartumut angajoqqaanullu periarfissiissaaq, atuartup atuarfimmi atugarissaarnera pillugu oqaatiginissaanut. Angerlarsimaffimmi immersugassaq atuartup angerlaatissavaa, atuartumit angajoqqaanillu immersorneqariarluni, atuarfiup angerlarsimaffiullu akornanni oqaloqatigiinnissamut nassarneqassaaq.

1.-3. klasse
4.-7. klasse
8.-10. klasse

Iliusissatut pilersaarutisiaq

Iliuusissatut pilersaarusiaq suliarineqassaaq atsiorneqarlunilu atuarfiup angerlarsimaffiullu akornanni oqaloqatigiinnissaq sioqqullugu, kopiilu atsiugaq atuarfimmi toqqorneqassalluni.

Iliuusissatut pilersaarusiaq atuartumut angajoqqaanullu atuartup ilikkariartorneranik, atuartitsissutinik inuttullu ineriartorneranik kiisalu siunissami ilinnigassatut kissaatinik takussutissiissaaq. Iliuusissatut pilersaarusiaq, ilinniartitsisut nalunaarusiaannik, atuartup angusat tunngavigalugit karakteeriinik kiisalu angerlarsimaffimmi immersugaannik tunngavilersorneqarpoq, atuarfik ilinniartisitsullu atuartup ilikkagassanik pitsanngorsaanissaanut atorneqarsinnaalluni, atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat naapertorlugu.
Iliuusissatut pilersaarusiaq atuartumit, ilinniartitsunit kiisalu angajoqqaanik peqateqarlutik suliarissavaat, atuartoq angajoqqaallu kopiimik angerlaassissapput.

Iliuusissatut pilersaarut pilersaarutaasinnaavoq atuartitsissutinut tamanut, imaluunniit atuartitsissutinut ataasiakkaanut agguarneqarluni.

Atuartitsissutinut tamanut ataatsimoortillugit iliuusissatut pilersaarut

1.-7. klasse
8.-10. klasse

Atuartitsissutinut ataasiakkaanut iliuusissatut pilersaarut

2.-3. klasse
4.-7. klasse
8.-10. klasse

Nersornaat

3. klasse
7. klasse

Ilinniagaqalernissamut toqqaanissamut pilersaarusiaq

Ilinniagaqalernissamut toqqaanissamut iliuusissatut pilersaarusiaq suliarineqassaaq atsiorneqarlunilu atuarfiup angerlarsimaffiullu akornanni oqaloqatigiinnissaq sioqqullugu, kopiilu atsiugaq atuarfimmi toqqorneqassalluni.

Ilinnigaqalernissamik toqqaanissamut iliuusissatut pilersaarut 10. klassini atuartunut tunngavoq, ilinniartitsisunillu atorneqassalluni atuartut ilinniagaqalernissamik toqqaanissaannut.

Ilinniagaqalernissamut iliuusissatut pilersaarusiaq 
Ilinniartitsisumut ilitsersuut
Atuartumut ilitsersuut

3. klassimi atuartut namminneq suliaminnik saqqummiussinerat
Atuartup suliaqarnermut peqataanerata suliamullu tunngatillugu ineriartornerata saniatigut nammineq suliarisimasamik saqqummiussineq ilikkagassatut anguniakkat ataasiakkaat, alloriarfinni misilitsinnernut ilanngunneqarsimanngitsut, eqqarsaatigalugit atuartup fagimi killiffianik takutitsissaaq. Atuartup suliarisimasaminik saqqummiussinermini ass. portfolio atorsinnaavaa.
7. klassimi aalajangersimasumik sammisaqarluni suliaqarneq
Aalajangersimasumik sammisaqarluni suliaqarneq tassaavoq faginik suliaqarfinnillu arlariinnik taakkunanilu periaaserineqartartunik ilalimmik suliaqarnerup inernera. Fagit alloriarfinni misilitsinnermut ilaasut suliami aamma ilanngunneqarsinnaapput. Suliaq sammisanik, periaatsinik, suleriaatsinik saqqummiusseriaatsinillu, atuartumut kisimiilluni sulisumut atuartunulluunniit eqimattaallutik suleqagiittunut unammilligassaqartitsisunik, imaqassaaq.
Alloriarfinni misilitsinnerit
Alloriarfinni misilitsinneq 3. aamma 7. klassimi atuartunut misilitsitsissutigineqartarpoq. Alloriarfinni misilitsinnerit atuartut alloriarfimmut tullermut pinissaannut fagini ataasiakkaani piginnaassusiannik nalilersuinermut atorneqassapput.
Fagit atuartitsinerlu
Takuuk
Ilikkagassatut pilersaarutit
Takuuk
Projektit
Takukkit
Alloriarfinni inaarutaasumillu naliliineq
Takuuk
Kingullermik nutarterneqarpoq: 11. juni 2021