airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Upperisarsiornermut aamma Kalaallit Nunaanni Danmarkimilu kulturit naapinnerannut tunngasumik projekteqarneq

Hans Egedep Kalaallit Nunaannut nunalinneranit ukiut 300-nngornerannut atatillugu upperisarsiornermut aamma Kalaallit Nunaanni Danmarkimilu kulturit naapinnerannut tunngasumik projektimik suliaqarnissaq neqeroorutigineqarpoq. Projekti 5. klassimi 6. klassimilu atuartunut naleqquttuuvoq, ilinniartitsisullu kingusinnerpaamik peqataanissamut nalunaarsinnaapput septemberip aallaqqaataani 2021.
12. august 2021

Kalaallit Nunaanni aammalu  Danmarkimi qanoq juullisiortarpat? Qanorlu taakkunani nunani marlunni oqaluttuatoqqat oqaluttuallu pingaarnerusut upperisaannut kulturiannullu ilusilersueqataasimappat? 

2021-mi qallunaap Norgimiup ajoqersuiartortitap Hans Egede-p Kalaallit Nunaannut tikinneraniit ukiut 300-t qaangiupput. Qallunaatsiaat vikingit nalaanni nunasisimasut   kinguaavi kristumiussutsimik lutherikkuusumik ajoqersorneqarnissaai siunertaralugu tikissimagaluarpoq, taakkuli nanisimanngilai. Naapissimavaali inuiaat issittormiut Inuit. Taamaalillutik kristumiussuseq/skandinaviamiut kulturiat inuillu upperisaat kulturiallu naapipput.

Tassa taanna upperisakkut kulturikkullu naapinneq, aammalu naapinnerup oqaluttuarisaanermi  kingunerisai atuartunit projektimi sammineqassapput.
Taakku nunat marluk naatsunnguamik  ilisaritinneqareerpata aammalu oqaluttuarisaanermi kristumiussutsip Danmarkimut Kalaallit Nunaannullu anngunneranut tunngaviusut saqqummiunneqareerpata atuartut ukuninnga oqaluttuanik suliaqassapput: Balderip toqunera, Jiisusip inunngornera, toqunera toqusunillu makinnera, aammalu Sassuma arnaa. Taakkunani oqaluttuani takutinniagassat ilaat ukuupput: Inuunermi atugassarititaasunik naggatissamillu takorluuineq, illuatungaanillu  toqusunik makinneq inuunerlu naassaanngitsoq, tassungalu ilanngullugu immami inuuneq naassaanngitsoq, illuatungaanillu qilammi inuuneq naassaanngitsoq.

Kulturikkut uppernikkullu naapinnermut atatillugu piviusumik ullutsinnullu naleqquttumik sammisassanut assersuutitut juulli ukkatarineqassaaq, kalaallit danskillu kulturianni nalliuttorsuit pingaarnersaannut ilaammat. Juullip imarisaata pingaarnersaa, upperisamik sammisalinniit qiviarniaraanni, oqaluttuaavoq  Jiisusip inunngornera pillugu. Kisianni juullisiortarnerput aamma itsaq oqaluttuatoqqaniit ilisarnartunik  imaqarpa? Taanna apeqqut atuartut sammissavaat, “vox-pops” nutaat  aallariaatissutigalugit. Taakku ikiuutigalugit qallunaajaqqat kalaaliaqqallu qanoq juullisiortarnertik oqaluttuarissavaat.

Projektimi ilaavoq aamma tegneseria, Hans Egede-p kalaallinik naapitsinera pillugu oqaluttuaq. Peqataasut tamarmik klassinut naammattunik pissapput, aammalu nittartakkamut isersinnaallutik. Taanna filminik takussutissanik qiukkanik aammalu kajungernartunik assiliartaliussassanik imaqarpoq.

Atortussat tamarmik kalaallisut pineqarsinnaapput. Peqataaneq akeqanngilaq.

Klassit siunertarisat: 5. - 6. kl.

Fagit: Qallunaatoorneq, oqaluttuarisaaneq, formninngi aammalu kristumiussutsimut ilisimasaqarneq

Nalunaaquttap akunneri atuartitsivissat: 10 - 15

Piffissaq: Efterårsfeeriap juullillu akornanni

Nalunaarfissaq: Kingusinnerpaamik 1. september

Ilinniartitsisut soqutiginnittut peqataanissaminnut ugguuna nalunaarsinnaapput.