airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Ukiumut pilersaarut 

Misilitsinnermut nalunaarut naapertorlugut ukiumut inaarutaasumik naliliinermut pilersaarut.

Ukiumut pilersaarummi immikkoortuni ingerlatsinermut malitassat piffissaagallartillugu aallarnisarneqartarput, paasissutissat piffissaliussami atuarfimmi, ilinniartitsisunut kiisalu Ilinniartitaanermut Aqutsisoqarfimmut annguttarnissaat pingaaruteqarmat.

 

1

 

 

Aggusti

 

Atuarfiup pisortaa

 

Misilitsinneq pillugu nalunaarummi §§ 17 aamma 18:

Atuarfiup ILA-mut 1. juli nalunaarutaa tunngavigalugu immikkut ittumik oqaluttariarsorluni misilitsinneq ingerlatissavaa, tak. imm. 29.

Malittarisassat atuuttut naapertorlugit karakteerit allattorsimaffii aamma atuarsimanermut uppernarsaatit suliarineqassapput. Karakteerit pillugit nalunaarut il.il. misilitsinneq naammassiinnartoq nassiunneqassapput, tak. imm.

26-29.

Pisassiissutinik nutaanik sanasoqassanngilaq. Atuartumut pisassiissutit upernaakkut suliarineqartut misilitsinnermi tunngaviussapput, aamma misilitsissutigineqartut. Misilitsissutissat qassiunissaat pillugu misilitsinnermut nalunaarummi § 49 innersuussutigineqarpoq.

Censorip misilitsinnissaq ullunik 14-inik sioqqullugu misilitsissutit tigoreersimassavai.

2

Aggusti

 

Atuarfiup pisortaa

 

Skemat atugassat Tabulex TEA-miipput, atuarfiit allaffissornermut programmianni.

Aamma takuuk ”Ilitsersuut ilassutaasumillu oqaaseqaatit”.

3

Aggusti

 

Atuarfiup pisortaata

 

atuartut atuartinneqarnerannut ilagitillugu misilitsiffiusartuni misilitsinnermi piumasaqaatinik atuartitsissutini misilitsiffiusartuni atuuttunik ilisimatinneqarnissaat isumagissavaa.

Misilitsinneq pillugu nalunaarummi §1 aamma §2, imm. 2: Atuartitsineq atuartitsissutit siunertaannik atuartitsissutinilu ilikkagassatut anguniagassanik aallaa-veqarpoq. Misilitsinnerit ulluinnarni atuartitsinermi sulineq takutittussaavaat.

 

Pisassiissutit immersorneqarnissaat eqqarsaatigalugu 10. klassimi atuartitsinerup tamakkiisumik imaqartinneqarnissaa siunertaralugu iliuusissatut

pilersaaruteqarnissaq qularnaarneqassaaq, tak. imm. 17, tamannalu peqatigalugu misilitsissutissanik katersisoqassalluni, tak. misilitsinneq pillugu nalunaarummi §§ 47 aamma 48.

Ilinniartitsisut atuartitsissummi misilitsiffiusumi ilinniartitsisuusut pisassiissutit misilitsissutissallu imarisassaannut ilusissaannullu piumasaqaatit ilisimassavaat.

 

Oktobarip aallaqqaataa

Atuarfiup pisortaa / atuarfimmik ingerlatsivik

 

Oktobarip aallaqqaataanut nalunaarsuut (1. oktober-indberetning – Tabulex TRIO) tamakkiisumik immersorlugu ILA-mut nassiunneqassaaq.

4

Novembarip allaqqaataani

ILA

 

Misilitsinneq pillugu nalunaarummi § 7, § 8, imm. 1 aamma 2, aamma § 9, imm. 1 aamma 2:

Nalinginnaasumik misilitsinnissami misilitsinnerit ingerlannissaannut pilersaarut nassiunneqassaaq.

5

Novembarip allaqqaataani

Atuarfiup pisortaa

 

Misilitsinneq pillugu nalunaarummi § 9, imm. 3 aamma 4:

Misilitsinnissat ingerlannissaannut pilersaarut nassiuteriiginnartoq atuartunut angajoqqaanullu ilisimatitsissutigineqassaaq, atuartut namminneerlutik toqqakkaminnik oqaluttariarsornermi imaluunniit oqaluttariarsorluni-sulilluni misilitsinnissaminnut ataatsimut nalunaarsinnaaniassammata.

Taamatuttaaq atuartut aalajangissavaat, allamiut oqaasiini namminneerlutik toqqakkaminni misilitsikkumanerlutik.

Atuartut ilitsersorneqarnissaat nalunaarnissaallu pillugu takuuk ”Ilitsersuut ilassutaasumillu oqaaseqaatit”, qupp. 3.

NB! Misilitsinnermut nalunaarneq atuarfimmi atuartup mappianiitinneqassaaq.

6

Novembari

 

Atuarfiup pisortaa

 

Misilitsinneq pillugu nalunaarummi § 6, § 54, imm. 1 aamma 2, aamma § 55: Atuartut aalajangersimasumik qulequtaqarlutik suliassaata qulequtassaanik pingaarnermik il.il. toqqaanissamut, atuartut kikkut misilitseqatigiittussaanerinik aalajangiinissamut kiisalu atuartut ilitsersuunnissaannut pilersaarusiorneq aallartinneqassaaq.

7

Novembari

 

Atuarfiup pisortaata

 

Misilitsinneq pillugu nalunaarummi § 91 aamma 92:

Aalajangersimasumik qulequtaqarluni saqqummiisoqareerpat ilinniartitsisut tamatuminnga ILA-mut nalunaaruteqarnissaannik ilisimatissavai.

Karakteerit pillugit nalunaarutit juuni naatinnagu nassiunneqassapput – takuuk ukiumut pilersaasummi imm. 27.

8

Decembari

nallertinnagu

 

Atuarfiup pisortaa

 

Misilitsinneq pillugu nalunaarummi § 24:

Atuarfimmi inaarutaasumik misilitsinnerni maleruagassanik

naammassisaqarsinnaannginneq pillugu iliuusissamut qinnuteqaammik nassiussisoqassaaq (atuartut piginnaanikkillisimasut (innarluutillit)). Atuartut immikkut tamarmik qinnuteqaatigineqassapput.

Qinnuteqaat makkuninnga imaqassaaq:

  1. Qinnuteqaammut tunngaviusoq, siornatigut akuersissutaasimasinnaasut ilanngullugit.
  2. Atuartitsissut misilitsiffiusussarlu.
  3. Naammassinninnginnerup ilusaa annertussusaalu.

Qinnuteqaammut PPR-ip oqaaseqaataa/naliliinera ilanngunneqassaaq.

9

Decembarip

aallaqqaataani

 

Atuarfiup pisortaa

 

Misilitsinneq pillugu nalunaarummi § 11, imm. 2:

Atuartunik, atuarfiup pisortaata atuartitsissummi ataatsimi arlaqartuniluunniit misilitsinnissani peqataannginnissaannik akuerisaanik nalunaarsuiffik, kingusinnerpaamik 10. decemberimi ILA-mit tigoreerneqartussaq.

Nalunaarsuiffimmi allassimassapput atuartup inuup-normua, klasse atuarfigisaa kiisalu atuartitsissummi/-tini sorlermi/-ni peqataasussaannginnersoq.

Atuartitsissutit ataasiakkaat nalaanni PPR-ip inassutaa +-imik (plus inassutaa) aamma (minus inassuteqannginnera) nalunaarneqassaaq.

 

Atuartitsissummi misilitsiffiusussami arlalinnik immikkoortulimmi

misilitseqataannginnissaq atuartitsissummi tassani immikkoortunut tamanut atuuppoq. Atuartitsissutip ataatsip immikkoortuini ataasiinnarmi misilitseqataanngitsoqarsinnaanngilaq.

10

Decembarip

aallartinnerani

Atuarfiup pisortaa

 

Misilitsinneq pillugu nalunaarummi § 2, imm. 1, § 6, §§ 11, 12, 13 aamma 14 kiisalu § 59, imm. 4:

Atuarfimmi inaarutaasumik misilitsinnernut nalunaaruteqarnermut misilitsissutissanillu inniminniinermut immersugassaq immersorneqassaaq. Atuarfiit tamarmik, atuarfiit atuarfiillu allat misilitsiffiusartut, namminneq GR/skolekodertik atorlugu, nalunaarummik ILA-mut nassiussissapput. Ullut aalajangersimasumik qulequtaqarluni saqqummiussiffissat ilanngunneqassapput.

Nalunaaruteqarneq misilitsissutissanillu inniminniineq nassiunneqassaaq, ILA-mit kingusinnerpaamik 10. december tiguneqartussanngorlugu.

Aamma takuuk “Ilitsersuut ilassutaasumillu oqaaseqaatit”.

11

Decembarip

aallartinnerani

Atuarfiup pisortaa / Ingerlatsivimmi pisortaq

 

Immikkut allagaqaateqarlutik paasissutissiissapput, atuartitsissutini sorlerni oqaluttariarsorluni misilitsinnerni nammineq ilinniartitsisorisat censoriunissaat naatsorsuutigineqarsinnaanngitsoq. Kommunini ataasiakkaani misilitsiffiusartunik atuarfilinni ilinniartitsisut taakkua ataatsimut nalunaarutigineqassapput.

12

Decembarip

aallartinnerani

Atuarfiup pisortaa

 

Allagaqaatigalugu atuarfiup pisortaata ilinniartitsisut censoriusinnaallutik nalunaarutaat oqaaseqarfigalugit nassiutissavai.

Aamma takuuk “Ilitsersuut ilassutaasumillu oqaaseqaatit”, imm XII.

13

Januaari

 

ILA

 

Ukiuni atuarfiusuni tulleriinni marlunni atuarfinni misilitsiffiusussat, alloriarfinni inaarutaasumillu misilitsinnissanik piffissalersuummik imaqartoq, nassiutissavaa.

14

Januaari

 

ILA

 

Misilitsinneq pillugu nalunaarummi § 52:

Oqaluttariarsorluni misilitsinnissani censoriusussat nalunaarutigineqassapput. Oqaluttariarsorluni misilitsinnerni censoriunissamut toqqagaanermut allagaq, assigiimmik oqaasertalik, censorimut, censorip atuarfimmi pisortaanut ingerlatsivimmullu nassiunneqassaaq.

15

Februaari

 

Atuarfiup pisortaa / Ingerlatsivik

 

Misilitsinneq pillugu nalunaarummi §§ 52 aamma 53:

Oqaluttariarsornermi censoriunissamut pilersaarsiorneq aallartinneqassaaq – aamma takuuk ukiumut pilersaarummi imm. 24.

16

Marsi

 

ILA

 

Misilitsinneq pillugu nalunaarummi § 43:

Allattariarsorluni misilitsinnerni censorissat allattorsimaffiat nassiunneqassaaq. Allattariarsorluni misilitsinnerni censoriunissamut toqqagaanermut allakkat, assigiimmik oqaasertallit, censorimut, censorip atuarfimmi pisortaanut ingerlatsivimmullu nassiunneqassapput.

17

Marsip naanerani

Atuarfiup pisortaata

 

Pisassiissutit suliarineqarnissaat piareersalissavaa.

Pisassiissutinut skema elektroniskiusoq atuartitsissutini tamani oqaluttariarsorluni aamma oqaluttariarsorluni-sulilluni misilitsiffiusartunut klassinullu/holdimut tamanut immersorneqassaaq.

 

NB! Censori, atuarfik censorip suliffia, ulloq misilitsiffik il.il. skemani taakkunani paasissutissatut allanneqassapput.

 

Pisassiissutit aamma oqaluttariarsorluni oqaluttariarsorlunilu-sulilluni misilitsinnerit ingerlannissaat pillugit “Ilitsersuut ilassutaasumillu oqaaseqaatit” takuuk.

 

ILA-mut nassiussat immikkut allakkatigut, atuartitsissutinut immikkuutaartumik

pisassiissutit klassinut atuartitsissutinullu tamanut suliaasut ilanngullugit, nassiunneqassapput. Nassiussisoqannginnerani atuarfiup pisortaata pisassiissutit eqqortumik immersorsimanissaat qularnaassavaa.

 

Pisassiissutit pingasunngorlugit naqinneqassapput.

Naqitaq siulleq kingusinnerpaamik 1. maj ILA-mit tiguneqartussanngorlugu nassiunneqassaaq.

Naqitat aappaat kingusinnerpaamik 1. maj censorimit tiguneqartussanngorlugu nassiunneqassaaq, ilanngussat suullu allat pisassiissutinut attuumassuteqartut ilanngullugit. Tamatumunnga peqatigitillugu misilitsinnermi apeqqutissat imaluunniit misilitsinnermi suliassat censorimut nassiunneqassapput. Malugiuk misilitissutissat ataasiakkaat ima suliaassammata, atuartitsissummi ilikkagassatut anguniagassat immikkoortui arlallit misilitsiffiusinnaasunngorlugit.

Misilitsinnernut pisassiissutit kompendianeersut imaluunniit ilassutigalugit atortussianit allanit tigusat censorimut nassiunneqassapput.

Naqitat pingajuat atuarfiup tigummissavaa (atuarfiup, ilinniartitsisup atuartullu). Matumani eqqaasitsissutigineqassaaq, pisassiissutit assingat atuartunut 1. maj tunniunneqassammat.

18

Marsip naanerani

ILA

 

Misilitsinneq pillugu nalunaarummi § 29:

Nassiussat allakkap puuinik atuartitsissutini taakkualu immikkoortuini allattariarsorluni misilitsinnerni suliassanik imallit atuarfinnut timmisartukkut tammatsaaliukkatut nassiunneqassapput.

19

Apriili aallartinnerani

Atuarfiup pisortaa

 

Misilitsinneq pillugu nalunaarummi § 32:

Timmisartukkut tammatsaaliukkatut nassiussat tiguinnarlugit allakkat-puuisa misilitsissutissanik imaat kisinneqarlutillu misissorneqassapput. Atuartitsissutini taakkualu immikkoortuini ataasiakkaani misilitsissutissat kisitat poortukkat allattorsimaffiinut nalunaarsukkat ILA-mut nassiunneqassapput.

Atuarfiit allattariarsorluni misilitsinnissat aallartinnissaat naammaginartumik sioqqullugu misilitsissutissat tigusimanngikkunikkit, tamanna ILA-mut piaartumik nalunaarutigissavaat.

20

Apriilip aallartinnerani

 

Atuarfiup pisortaa

 

Misilitsinneq pillugu nalunaarummi § 91:

Holdinut/klassinut nalunaarutigineqarsimasunut karakteerit allassimaffii Tabulex

TEA-mi suliarineqassapput, imaluunniit karakteerit allattorsimaffiini elektroniskiusuni. Malugeqquneqarpoq, klassimi/holdimi atuartut tamarmik karakteerit allattorsimaffianni allassimasussaammata. Aamma takuuk “Ilitsersuut ilassutaasumillu oqaaseqaatit”

21

Apriili

 

Atuarfiup pisortaa

 

Misilitsinneq pillugu nalunaarummi §§ 20, 21 aamma 92.

Nunap immikkoortuini kommuninilu atuarfinni ataasiakkaani oqaluttariarsorluni misilitsinnerit piareersarnerat ingerlannerallu ataqatigiissaassavai. Oqaluttariarsorluni misilitsinnerit nalunaarutiginissaannut skemat ILA-p nittartagaaniittut censorinut toqqarneqartunut najugarisameersunut agguaanneqassapput, tak. ukiumut pilersaarummi imm 29.

 

NB! Oqaluttariarsorluni misilitsinnerit aasakkut feeriarnissap aallartinnissaa sapinngisamik sioqqutitsiarlugu inissinneqassapput.

Censorit angalanissaat, najugaqarfissaat il.il pillugit suleqatigiittoqassaaq pisariaqartitsinerlu naapertorlugu ilisimatitseqatigiittoqartassalluni.

Oqaluttariarsorluni misilitsinnissani ullut ineqarnissamut kissaatit ilanngullugit ILAmut nalunaarutigineqassapput. ILA-mit bilitsit, ineqarneq ullormusiassallu isumaqagineqassapput.

22

Apriilip qeqqani

Atuarfiup pisortaa

 

Misilitsinneq pillugu nalunaarummi §§ 89 aamma 91.

10. klassimi atuartut tamarmik angusamikkut karakteerii (ukiumut karakteerii) kingulliit ulloq misilitsiffissaq kingulleq sioqqullugu Meeqqat Atuarfianni angusat misilitsinnerillu allanneqassapput.

Aamma takuuk “Ilitsersuut ilassutaasumillu oqaaseqaatit”.

23

Apriilip

qeqqani

 

Atuarfiup pisortaa

 

Misilitsinneq pillugu nalunaarummi §§ 21, 22, 23 aamma 42:

Allattariarsorluni misilitsinnerit sioqqutitsiarlugit atuartut ataasiakkaat nakkutilliisussallu malittarisassat il.il. pillugit ilisimatinneqassapput. Allattariarsorluni misilitsinnerit ingerlanneqassapput allattariarsorluni misilitsinnernut pilersaarut kiisalu malittarisassat atuuttut naapertorlugit. Misilitsinnerit naammassiinnartut atuarfiup allattariarsorluni misilitsissutit censorimut nassiutissavai, karakteerinut allattuiffissaq ilanngullugu.

Misilitsissutit tammatsaaliukkatut timmisartukkut nassiunneqassapput.

24

Maaji

Atuarfiup pisortaa

 

Misilitsinneq pillugu nalunaarummi § 21:

Oqaluttariarsorluni misilitsinnernut pilersaarut malinneqarsinnaanngippat, soorlu censori angallanneq patsisigalugu piffissamut aalajangikkamut anngutinngippat, atuarfiup pisortaata allannguutissat pisariaqartut aalajangiiffigissavai. Taamaattoq censorit ILA-mit toqqarneqartut pillugit ILA isumasioqatigineqaqqaassaaq.

25

Juunip

naannginnerani

 

Atuarfiup pisortaata

 

Misilitsinneq pillugu nalunaarummi §§ 17 aamma 18:

Pappiara nalinginnaasoq A-4 atorlugu atuartut misilitseqqinnissaminnut akuerisaasut aqqisa inuullu normuisa allattorsimaffiat ILA-mut nassiutissavaa. Taamatuttaaq immikkut misilitsittoqarnissaanut piffissaliussat nalunaarutigineqassapput (atuartitsissut, ullut misilitsiffissat, censori aamma ilinniartitsisoq).

26

Juuni

naannginnerani

 

Atuarfiup pisortaa

 

Misilitsinneq pillugu nalunaarummi § 93:

 

 

Misilitsinnerit naammassiinnartut atuartut atuarnerminnik naammassinnittut tamarmik nalunaarsorneqarnerat ILA-mut nassiunneqassaaq, ukua krydsimik immikkut nalunaarlugit:

Atuartut atuarfimmit anisut tamarmik aqqi inuullu normui ammut tulleriillugit allattorsimasut, ukuninnga tunineqarsimasut:

  1. Atuarsimanermut uppernarsaatit misilitsissimasunut (atuarfimmi atuartut) imlt.                                                   Uppernarsaatit (Majoriami il.il. atuartut)
  1. Atuarsimanermut uppernarsaatit misilitsissimanngitsunut (atuarfimmi atuartut – atuartut immikkut klassimi atuartitaasut)
  2. Atuartut atuarfimmit ‘tammakkat’.

NB! Atuartut atuarfimmit anippata aatsaat uppernarsaatit atsiorneqassapput. Uppernarsaatit immersornissaat pillugu takuuk “Ilitsersuut ilassutaasumillu oqaaseqaatit”.

Uppernarsaatit assingi Nunatta allagaateqarfianut nassiunneqarsinnaanissamik tungaannut atuarfimmi/kommunimi toqqorsimaneqassapput. Atuarfiup aamma/imlt. Allagaateqarfiup inuit misilitsissimanerminut uppernarsaammik assinganik pisariaqartut sullississavaat.

27

Juuni

naannginnerani

 

Atuarfiup pisortaa

 

Misilitsinneq pillugu nalunaarummi § 91:

Misilitsinnerit naammassiinnartut ILA-mut immikkut allagaqarluni karakteerit nalunaarutigineqassapput, ukiumut karakteerit misilitsinnermilu karakteerit ilanngullugit. Misilitsinnermut tamarmut atuartitsissutikkuutaartumillu nalunaarusiortoqassaaq.

NB! Malugeqquneqarpoq, atuartut misilitsinnermi peqataasimanngitsut ukiumut karakteerii aamma ilanngunneqassammata.

Aamma takuuk “Ilitsersuut ilassutaasumillu oqaaseqaatit”.

28

Juuni naannginnerani

Atuarfiup pisortaa

 

Misilitsinneq pillugu nalunaarummi § 91:

Misilitsinnerit naammassiinnartut misilitsinnerit ingerlanneqarsimasut takussutissaat (aflagte prøver) immersugassaq elektroniskiusoq ILA-mut immikkut allagaqarluni nassiunneqassaaq.

Atuarfiit ilinniartoqarfiillu misilitsiffiusut tamarmik namminneq nassiussissapput.

Aamma takuuk “Ilitsersuut ilassutaasumillu oqaaseqaatit”.

29

Juuni

naannginnerani

 

Atuarfiup pisortaa

 

Misilitsinneq pillugu nalunaarummi § 91:

Censorit atuarfinnit toqqagaasut nalunaarutaat atuarfiup misilitsiffiusup pisortaata katersussavai ataatsimullu ILA-mut nassiullugit.

 

Juulip aallaqqaataani

Atuarfiup piortaa

 

1. oktobarimi tunniussap naanera immersorlugu ILA-mut nassiunneqassaaq.

 


Alloriarfinni inaarutaasumillu naliliineq
Takuuk
Misilitsinnernut ullorsiutit
Takukkit
Censoreqarneq karakteriliinerlu
Takuuk
Immersugassat
Takukkit
Kingullermik nutarterneqarpoq: 10. marts 2020