airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Qanoq iliorluni meeqqat atuarfianni censoriutitanngortoqartarpa?

Oqaluttariarsorluni misilitsittoqarnissaanut censoriusussat atuarfiit pisortaasa Ilinniartitaanermut Aqutsisoqarfiullu ukiut tamaasa ataqatigiissartarpaat. Censorinngortitaanissannut illit ilinniartitsisutut suut piginnaaneqarfigisassarinerlugit uani atuarsinnaavat.
Nalunaarneq censorinngortitaanerlu

Ilinniartitsisut soqutiginnittut nalunaarnissamut immersugassaq atuarfiup pisortaata atsiugassaa immersussavaat.

Kingusinnerpaamik qaqugu tunniussisoqassanersoq Ukiumut pilersaarummi takuuk, pkt. 12.

Atuarfiup pisortaa, ilinniartitsisut kikkut suliassamut piukkunnarnerpaanerannik nalilersuisuusussaq, nalunaarsuinermigut atsiornermigullu ilinniartitsisup censorissanngortitaanissaanut innersuussissaaq. Atuarfiup pisortaata ilinniartitsisut nalunaarsimasut allattorsimaffiat namminerlu allattukkani Ilinniartitaanermut Aqutsisoqarfimmut, censoriusussanik ataqatigiissaarisussanut, nassiuttarpai. Kikkut censoriunissaannut allattorsimaffik atuarfiit pisortaannut, ilinniartitsisunut ilisimatitsisussaasunut, utertinneqartarput.

Censoriutitaanissamut piumasaqaatit piginnaaneqarfigisassallu

Suliamut ilisimasaqarneq, ilakkuminartuuneq assigiinngitsutigullu suleqateqarnissamut piginnaaneqarneq taama sulinissami pisariaqartinneqarput.

Atuartitsissummi ataatsimi censoriutitaanissamut piumasaqaatit piginnaassuseqarfigisassallu makku naammassineqarsimassapput:

  • Ilinniartitsisoq kalaallit kulturiannut, meeqqat atuarfiannut, inatsisinut, tamatumunnga ilanngullugu meeqqat atuarfianni inaarutaasumik naliliineq pillugu nalunaarut, misilitsittarnermullu tunngassuteqartut allat pillugit ilisimasaqassaaq.
  • Ilinniartitsisoq misilitsinnissap tungaanut atuartitsinermik naammassisaqarsimassaaq.
  • Ilinniartitsisoq ukiut pingasut kingulliit iluanni, klassimik/holdimik 10. klassimi misilitsinnissap tungaanut atuartitsisimassaaq.
  • Ilinniartitsisoq kinguneqarluartumik suleqateqarsinnaassaaq, tusarnaarsinnaassaaq, aamma fagimi nalilersuinermut tunngavigineqartussat najoqqutaralugit atuartup naammassisaanik nalilersueqataasinnaassaaq.

Censoriutitatut sulininni suliamut pædagogikkimilu piumasaqaatit saniatigut inuttut piginnaaneqarnissat, soorlu oqaloqateqarsinnaanermut piginnaaneqarnissat, isumaqatiginninniarnissamut kajumissuseqarnissat, inussiarnersuunissat ikiuiumatussuseqarnissallu piumasaqaataavoq.


Censorinik pikkorissaanerit
Aqutsisoqarfik ukiat tamaasa censorinik pikkorissartitsisarpoq, taamaalillutik censorit inatsisit meeqqat atuarfiinilu misilitsinnerni ingerlatseriaatsit pillugit paasissutissanik nutaanik pissarsillutillu censoreqatiminnut allanut attaveqaateqarsinnaalersarput. Censoriutitatut ivertinneqarnissat sioqqullugu ivertinneqarnerpillu kingorna ikinnerpaamik ataasiarlutit pikkorissarnernut peqataasimanissat naatsorsuutigineqarpoq.
Censoriutitaaneq pitsaassutsimik qaffassaaneruvoq
Ilinniartitsisumik censorinngortitsineq ilinniartitsisup piginnaasaasa pitsaassusiannik qaffassaaneruvoq. Nalilersuisartunik nutaanik oqaloqateqarnikkut suleqateqarnikkullu ilinniartitsisup piginnaassuseqarnera qaffassarneqartarpoq, aammalu ilisimasat misilittakkallu nutaat ilinniartitsisumit piginnaasaqarnerulersimasumit atuarfimmut utertinneqartarput.
Censorkorps - ukiumi atuarfiusumi censoriusussat

Nalunaarsimasut tamarmik censoriusussat allattorsimaffiannut ilanngunneqassapput. Ilinniartitsisut toqqaannartumik akissutisissanngillat. Aqutsisoqarfik toqqaassaaq, pisariaqartitsineq malillugu aaqqissuussissaaq, aamma atuarfinnut censoriusussat allattorsimaffiannik nassiussissaaq.

Allattorsimaffiit piffissani ukunani nittartakkamut ikkunneqassapput:

  • Januaarip naanerani oqaluttariarsorluni misilitsinnerni
  • Marsip naanerani allattariarsorluni misilitsinnerni


Misilitsinnerit naammassisimatsiartut censori allakkatigut nalunaarummik paasiuminartumik peqqissaarussamillu naalakkersuisoqarfimmut nassiussissaaq.


Biggi Nielsen

Inaarutaasumik misilitsinneq

(+299) 34 62 17

bign@nanoq.gl

Gry Vold

Inaarutaasumik misilitsinneq

(+299) 34 62 94

gryv@nanoq.gl

Censoreqarneq karakteriliinerlu
Takuuk
Qitiusumit censoriutitat 2020
Takukkit
Misilitsinnernut ullorsiutit
Takukkit
Misilitsinnermut ilitsersuutit
Takukkit
Kingullermik nutarterneqarpoq: 20. juli 2020