airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Allamiut oqaasiisa pingajuanni misilitsinneq

Allamiut oqaasiisa pingajuanni misilitsinneq atuartup nammineq misilitsiffigissallugu toqqagarivaa. Atuartup atuarunnaartussap toqqarsinnaavaa Allamiut oqaasiisa pingajuanni oqaluttariarsorluni misilitsinnissaq, pinngitsoorani misilitsiffissat ingerlanneqartussat tapullugit.
Misilitsinnermut paasissutissat

Allamiut oqaasiisa pingajuanni misilitsinnermut ilaapput piareersarneq aamma saqqummiussineq, kisimiillunilu saqqumiussassaallutik. Misilitsinneq oqaatsit pineqartut atorlugit ingerlanneqassaaq, pingaartinneqassaarlu atuartup oqariartaatsit nalinginnaasut ulluinnarnilu oqaatsit atorlugit nalunaaruteqarsinnaanera.

Pisassiissutit

Misilitsinnermut pisassiissutigineqassapput allaaserisanik quppernerit nalinginnaasut 30-40-t, allaaserisanut pisassiissutaasunut uku ilaassapput:

Takorluukkiat
Takorluukkiaanngitsut
Nalunaaruteqariaatsit allat pisassiissutigineqassapput
Suliassiissutini aallaavigineqassapput ilikkagassatut anguniakkat taakkunaniillu tamatigoortumik imaqassallutik. Misilitsinnermi suliassiissutit ataasiakkaat tassaassapput oqaatsit pineqartut atorlugit allatat aamma oqaluinnarluni saqqummiussat, assilissanik taputartuussanik ilaqartinneqarsinnaasut,
atuartitsinermilu atorneqarsimasuussanatik.

Misilitsinnerup ingerlanneqarnera atortorissaarutillu

Piareersarnissamut minutsit 20-40-t piffissaliunneqassapput, saqqummiussinermut karakteeriliinermullu minutsit 20-t piffissaliunneqarlutik.

Atuartoq piareersarnermi nalaani allataqarsinnaavoq namminerlu allatani ordbogillu atorsinnaallugit. Allatat saqqummiussinermi nassarneqarsinnaapput.

Misilitsinnerup ingerlanerani atuartup suliassiissut nassuiaateqarfigissavaa, tamannalu pillugu oqaloqatigiittoqassaaq.

Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaanni atuarneqarsinnaavoq -  kap. 9, ยง 71 aamma 72.

Misilitsinnermut ilitsersuut

Allamiut oqaasiinik atuartitsissummi misilitsissutinut ilitsersuutip uuma siunertaraa, meeqqat atuarfianni inaarutaasumik naliliinerit pillugit Namminersornerullutik Oqartussat nalunaarutaanni misilitsinnerni piumasaqaatit ersarissarnissaat itisilernissaallu.

Ilitsersuutip misilitsinnerni piumasaqaatit ersarissarneqarnerisa saniatigut Allamiut oqaasiini misilitsissutit suliarineqarnerinut imarisaannullu assersuutit arlallit kiisalu atuartitseriaatsit siunnersueriaatsillu inassutigineqartut imarivai.

Ilitsersuut

Ilikkagassatut pilersaarutit
Takuuk
Allattoriarsorluni misilitsinnerit 2022
Takuuk
Oqaluttariarsorluni misilitsinnerit 2022
Takuuk
Censoreqarneq karakteriliinerlu
Takuuk
Kingullermik nutarterneqarpoq: 2. november 2020