airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Misilitsinnerit pillugu

Fagini alloriarfinni misilitsiffigineqartuni ilikkagassatut siunertarineqartut tunngavigalugit atuartup atuarnerminit ilikkarsimasaanik nalilersuinermut alloriarfinni misilitsinneq atorneqartarpoq. Alloriarfinni misilitsinnerit ukiut tamaasa apriilimi pisarput, naleqq. Ukiumut pilersaarut.
Misilitsinnermi suliassat

Misilitsinneq soraarummeernerunngilaq – censoreqassaangilaq aamma karaktereqassanngilaq. Misilitsinneq atorneqassaaq atuartut ataasiakkaat piginnaasaannik suliaannullu tunngatillugu ineriartornerannik naliliinissamut, misilitsinerullu inernera atuartunut ataasiakkanut atuartitsinermut pilersaarusiornermullu tunngaviussallutik.

3. Klassit ukunani alloriarfimmi misilitsissapput:

  • Kalaallisut
  • Danskisut
  • Matematikki

Sungiusaatit

7. klassit ukunani alloriarfimmi misilitsissapput

  • Kalaallisut
  • Danskisut
  • Tuluttut
  • Matematikki

Sungiusaatit

Misilitsissutissat suliassanik ajornanngitsunik ajornarnerusunillu imaqassapput atuartut assigiinngitsut tamaasa eqqarsaatigalugit. Naatsorsuutigineqanngilaq atuartut tamarmik suliassat naammassisinnaassagaat. Atuartut kaammattorneqassapput ilungersuullugit, pisinnaasartillu tamaat atorlugu suliassat suliariniarsarissagaat. Misilitsinnerup inernera atorneqassaaq atuartup suliassaminut pisinnaanera ataatsimut isigalugu, qaffasissusiata nalillerneqarnissaanut, kingornalu atuartup atuartitaanissaanut toraagaqarluni pilersaarusiornissaanut.

Naliliinissamut sakkussat allat

Alloriarfinni misilitsinneq periarfissat arlallit ilagiinnarpaat:

  • Angusakka
  • Nammineq suliamik saqqummiinerit – 3. klassit
  • Sammisamik aaliangersimasumik suliaqarneq – 7. klassit

Misilitsinnerit inerneri qulaanilu allassimasut atorneqassapput atuartup suliassaminut pisinnaanera ataatsimut isigalugu, qaffasissusiata nalilerneqarnissaanut, kingornalu atuartup atuartitaanissaanut toraagaqarluni pilersaarusiornissaanut.


Ukiumut pilersaarut - Alloriarfinni misilitsinnerit
Takuuk
Ullorsiut 2021/2022
Takuuk
Immersugassat
Takukkit
Atuarfimmi naliliissutit
Takukkit
Kingullermik nutarterneqarpoq: 4. oktober 2021