airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Misilitsinnerup ingerlanneqarnera

Alloriarfinni militsinneq qanoq ingerlanneqassanersoq uani atuarsinnaavat.
Tikilluaqqusineq ilisarititsinerlu

Alloriarfinni misilitsinnerit aallartissapput tikilluaqqusinermik atuartunullu ilitsersuinermik. Atuartut tamarmik ikiorneqassapput suliassiissutip akiffissaata saavata eqqortumik immersornissaannut aammalu alloriarfimmi misilitsinnerup ilitsersuutaa eqqartorlugu. Ilinniartitsisumut Ilitsersuut sukumiisoq nassuiaassaaq, alloriarfinni aqutsisunut nutaanut ilinniartitsisunullu misilitsinnissamut ilitsersuinermi.

Tikilluaqqusineq ilitsersuinernerlu minutsit 10-t missaannik sivisussuseqassaaq.

Ilinniartitsisumut ilitsersuut alloriarfinni misilitsinnerit pillugit

Atortorissaarutit
Alloriarfinni oqaatsinut tunngasuni misilitsinnernut atuartut aqerluusamik piiaammillu tunineqassapput, matematikkimi pappilissat allaqqaarfissat aamma tunniunneqassapput. Allorfinni misilitsinnerni atuartut atortunik allanik nassarnissaat inerteqqutaavoq.
Atuartoq inortuippat
Allorfinni misilitsinnernut atuartoq inortuipppat, atuarfiup pisortaata aaliangissavaa atuartoq peqataasinnaanersoq imaluunniit immikkut alloriarfinni misilitsinnissamut utaqqissanersoq ukiumi kingusinnerusumut pisussamut.
Atuartoq piariiaarpat
Atuartut piariiaartut, iniminniiginnassapput. Suliatik misissoqissinnaavat imaluunniit suliassamik tapertamik suliaqarsinnaapput. Suliassaq tapertaq alloriarfimmi misilitsinnermut ilaanngilaq, atuartullu piginnaasaanik naliliinermut ilaasussaanani.
Atuartoq peqquserluttuliorpat

Alloriarfimmi misilitsinneq atuartut namminneerlutik akisussaavaat. Atuartoq misilitsissummi suliassanut ataasiakkaanut imaluunniit arlalinnut peqquserlulluni ikiortissarsiorsimappat, atuartup akissutai tamarmik atorsinnaajunnaassapput, atuarfiullu atuartoq alloriarfimmi immikkut ittumik misilitsinnissamut allatsissavaa.

Napparsimaneq, peqannginneq takkutinngitsoornerlu

Napparsimaneq peqannginnerlu

Napparsimaneq, silamik peqquteqarneq imaluunniit ilaqutariinni pissutsit peqqutigalugit atuartoq takkutinngippat, atuarfiup isumagissavaa atuartup alloriarfimmi immikkut misilitsinnissamut allatsinnissaa. Atuartoq misilitsinnerup ingerlanerani napparsimalissappat, angerlartinneqassaaq alloriarfimmilu immikkut misilitsinnissamut allatsinneqassaaq.

Takkutinngitsoorneq

Atuartoq alloriarfimmi misilitsinnissamut ataatsimut imaluunniit arlalinnut takkutinngitsoorpat, atuarfiup paasiniassavaa sumik peqquteqarnersoq. Kingornalu aaliangerlugu atuartoq misilitsinngitsuussanersoq imaluunniit alloriarfimmi immikkut misilitsinnissamut peqataassanersoq imaluunniit nammineq suliaminik saqqummiissanersoq.
Atuartunik nalunaarsuiffit
Ukiumoortumik pilersaarut
Takuuk
Ullorsiut 2022/2023
Takuuk
Immersugassat
Takukkit
Atuarfimmi naliliissutit
Takukkit
Kingullermik nutarterneqarpoq: 3. marts 2021