Ilinniusiat atorneqarsinnaasut

Ilinniusiat tassaapput klassimut naammattunngorlugit atorneqarsinnaasut aamma ilinniusiat ataasiakkaat isumassarsiorfittut atorneqarsinnaasut.

Ilinniusiat Ataatsimoortut

• Ilinniusiat klassimut naammattut
• Karsit aaliangersimasunik sammisassaqarnermut imallit
• Ilinniusiat tigussaasut
• Ilinniusiat  digitalimik teknoligimillu atuartitsinermi atorneqarsinnaasut
• Spil-it
• Film-it

Ilinniusiat Paasissutissiisut

• Ilinniusiat ataasiakkaat
• Ilinniusiat tigussaasut
• Spil-it
• Film-it

Ilinniusiat Paasissutissiisut: Atortussanik ujaasigit

Ilinniartitaanermut Aqutsisoqarfik-up paasissutissiisarfia Siammaavik, meeqqat atuarfiini atuartunut atuartitsinermut atugassanik ilinniusianik atortitsisarneq ingerlataraa.

Ilinniatitsisunngorniat, ilinniartitsisut atuarfimmilu pisortat tamarmik Siammaavimmut attaveqarsinnaapput atortartutullu nalunaarsorneqarlutik, Siammaavik-milu ilinniusianik atorniarsinnaalerlutik.

Atortartunngorniaruit Siammaaviup paasissutissat uku pisariaqartippai:

• CPR-nr.
• Ateq
• Atuarfiup najugaa
• Mail-adresse
• Telefon-nr.

Atorniartartutut allatsinniaruit Siammaavik-mi sulisut sianerfigisinnaavatit imaluunniit allaffigalugit.

Atornermut piffissaliussat

• Filmit – ullut 14-it
• Atortut allat – ullut 30-it

Atorniarnerit sivitsorniarukku Siammaavik attavigissavat. Atorneq aatsaat sivitsorneqarsinnaavoq atugassat allanik attartorniarneqarsimanngippata.
Atornissamut piffissaliussaq qaangerneqarsimappat, sivitsuisoqarsimanngippallu utertitseqqusinermik allagaqassaagut.

Taarsiititaanissaq

Siammaaviup naatsorsuutigaa atortut suulluunniit atortinneqartut tiguneqarnerattut isikkoqartillugit utertinneqassasut. Taarsiisoqarnissaanut piumasaqartoqassaaq atortut atorneqarsimasut

• Annaaneqarsimappata
• Aserorsimallutik imaluunniit amingaateqarlutik utertinneqarpata

Taasiisoqarnissamut akileeqqusissut Siammaaviup atorniarsimasup suliffianut allassimasumut nassiutissavaa.

Biiliussineq

Ilinniartitaanermut Aqutsisoqarfik-up Nuummi atuarfinnut sapaatip akunneranut marloriarluni atorniakkanik aatsineq aallernerlu ingerlattarpaa.

• Marlunngornermi tallimanngornermilu nal. 10-11.30.

Atortussanik aggiussititsiniaraanni kingusinnerpaamik akunnernik 24-nik sioqqutsilluni inniminniisoqarsimassaaq.

Umiarsuakkut/Timmisartukkut

Nuup avataanut ilinniusiat atorniakkat umiarsuakkut nassiunneqarnerusarput – ilinniusiat timmisartukkut taamaallaat nassiunneqartarput umiarsuakkoortinneqarnissaat ajornaraangat. Taamaattumik ilinniusianik atorniarnermi nassiunnerannut piffissamik atuinissaq naatsorsuutigineqassaaq, .

Nassitsinermut akit

Ilinniartitaanermut Aqutsisoqarfiup atuarfiillu nassitsineq avittarpaat, imaalillutik:

• Ilinniartitaanermut Aqutsisoqarfiup atortut atorniartunut nassiunnerat akilertarpaat.
• Atuarfiit atukkatik Ilinniartitaanermut Aqutsisoqarfik-mut utertinneri akilertarpaat.