airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

GUX-imik misissueqqinneq

GUX-imi 2017-imiit 2022-mut ilinniarnermi susoqarnissaa uani takutinneqarpoq.

Quick links (sukkasuumik isissutissat) (tamarmik Iserasuaammut isissutissamik pisariaqartitsiffiupput)

Paasissutissiiffik

Sulinermi malitassat 

Pilersaarutinut aallartinneqareersunut nassuiaatit

Ineriartortitsinernut naammassisani pissarsiat

Tunuliaqut

Ilinniarnertuunngorniarfinni aaqqissuusseqqinneq 2012-imeersoq tassaavoq ilinniarnertuunngorniarfiit Danmarkimiikkunnaarlutik Nunatsinnut nuunneqarnerisa kingorna ilinniarnertuunngorniarfinnut inatsiseqarfiulersoq siulleq, tamannalu ataqatigiissumik ilinniartitaanerup atulernissaani kissaatinut ilaasoq.  Ilinniagassaqarfiit tamarmik immikkoorlutik malitassanik tunngaviusunik suleriaatsinillu suliaqartussaapput, taamaaliornikkut qaffasissutsit immikkoorlutik qaffasissutsit siuliiniittut ilaartorsinnaassammatigik, ilinniartullu piginnaasatik atortutillu toqqaannartumik ingerlateqqissinnaanerannik misigitillugit.  Taamaaliornikkut amerlanerit ilikkagaqarnerusinnaassagaluarput, ilinniarnermilu angusassatut anguniagassat ataatsimut kivitsiffigalugit.

Ilinniarnertuunngorniarfinni aaqqissuusseqqinnermi ilinniarnertuunngorniarfiit ilinniartumik pingaartitsisut pilersinnissaat pingaarnertut anguniagaasimavoq.  GUX aqqutigalugu amerlanerit nasartaartalernissaat qulakkeerniagaasimavoq, tamannalu aqqutigalugu ilinniartup siusinnerusukkut sulerisimanera apeqqutaatinnagu pitsaanerusumik angusaqarsinnaanera qitiutillugu.  Anguniakkat assigiit aallaavigalugit aqutsisut, qitiusumik allattoqarfik, naalakkersuinermik suliallit, ilinniartitsisut, atuartut angajoqqaallu suleqatigiittussaallutik.  Suut anguniagaassanersut nalorngisigineqartussaanngilaq, ilinniartullu inerisarlugit suleqatigiittoqartussaalluni. 

Atuarneq 2017-imi aallartimmalli ukiut tallimat ingerlareernikuupput, GUX-imillu naliliineq Epinion-imit suliarineqartoq aallaavigalugu aammalu atuartunut, ilinniartitsisunut, aqutsisunut, sulianut siunnersortitut ilisimasalinnut aamma Ilinniartitaanermut Naalakkersuisoqarfimmut tusarniaareernikkut ilinniarnerup 2017-imiit 2022-mut ingerlanissaanut misissueqqinnissaq ammaanneqarpoq.  Ukiut tallimat nutaat pilersaarutinik ineriartortitsiffiusunik, nalilersuinernik aallartitsiffiusussat ilinniakkanillu iluarsiiffiusussat aallartipput. 

GUX2022-mi anguniagassat 

- GUX-imi ilinniartitaanerit 2017-2022 ineriartortittuarnissaat

- ilinniarnermi siunertarineqartunik aallaaveqarnissaq

- ineriartortitsiuarnermi pitsaassutsit, aaqqissussamik aallaaveqarluni sulinerit ammasuunissallu qulakkeerlugit

- ilisimatusarnermik tunngaveqarluni suleriaaseqarnissaq

- Ilisimasanik avitseqatigiittarnissaq

GUX-imik misissuisimaneq 2022 pillugu GUX revision 2022 infopakke paasissutissaqarfik pissarsiareriarlugu ilinniarnermi ilinniarneqartussanut assigiinngitsunut tunngavigineqartut siunertarineqartullu paasisaqarfigikkit.

Sulinermi malitassat

GUX-imi ilinniarnermi siunertarineqartut aallaavigalugit januar 2017-imiit ilinniartuniit, ilinniartitsisuniit, aqutsisuniit, sulianut siunnersortaasuniit aamma IKIIN-imiit ilinniarnerup iluarsiiffigeqqinnissaanut immikkoortunut pingaartitanut siunnersuutinik takkuttoqarsimavoq.  Sulinermi malinneqartussanut siunnersuutit tamakku ilanngunneqarsimapput, tamannalu aqqutigalugu GUX2022-mi pilersaarutinut ineriartortitsiffiusussanut tunngavissanut ilaassallutik.  Sulinermi malitassaniittut ineriartortitsiuarnermi suliassaqarfinnut atuarfiit malitassaannut tunngaviliissapput.  Sulinermi malitassat najukkani suleqatigiissitanut tunngavittut atorneqassapput.

GUX-imik misissuineq 2022 sulinermi malitassat pissarsiarikkit (zip) (isissutissaq pisariaqarpoq). 

Ineriartortitsinissamut pilersaarutit

Ineriartortitsinissamut pilersaarutinut tamanut iserit (isissutissaq pisariaqarpoq).  Pilersaarutinut nassuiaatinut immersuiffiit aamma tassani nassaassaapput.

Sulinermi malitassat assigiinngitsutigut pingaarnersiugaapput.  Ilaat sulinermi "malinneqarsinnaassapput" ilaallu sulinermi "malittariaqartussaassallutik" 1-imik 2-millu pingaarnersiorneqarlutik. Atuarfimmi najukkami aqutsisut nalilissavaat sulinermi malitassat sorliit qaqugu suliarineqassanersut, pingaartitaavorlu pilersaarusiortuni ilaasortat aallaaviatigut pilersaarummut ineriartortitsiffiusumut nammineq piumassusertik malillugu peqataasarnissaat. 

Ineriartortitsiffiusunik pilersaarutit ilisimatuut suliallillu pilersaarutaannut saaffiginnittuussapput.  Aallaqqaataaniilli najukkami ajornartorsiutaasumik toqqaasoqassaaq ulluinnarni sulinerup allanngortinnissaanik pisariaqartitsisumik.  Pilersaarummut nassuiaat IKIIN-imit ilusilersorneqarlunilu akuersissutigineqassaaq.  Maanna suleqatigiissitap sulinissani aallartissinnaanngorpaa.  Sulinermi tassani, aamma siulianiittumut tunngatillugu, suleqatigiissitat kajumissaarneqassapput pilersaarutertik ilisimatusarnermik aallaaveqaqqullugu.  Oqinnersaani aallaavigineqartussani ilinniarnertuunngorniarfiit ilisimatusarfiginerat allanilu pilersaarutini ineriartortitsiffiusuni misilittakkat aallaaviusinnaapput, oqimaannersaanilu ilisimatuumik ikiortissarsiortoqarsinnaavoq, taannalu suleqatigiinnik pisoq sioqqullugu, pinerani kinguneratigullu suleqateqartillugu.   

Pilersaarutip nassuiarnerat immersuiffissami aalajangersimasumi qarasaasiami allagaatitut suliarineqassaaq.  Pilersaarutip nassuiarnera atuarfiup najukkami GUX2022-mut ataqatigiissaarisua suleqatigalugu ilusilersorneqassaaq.  Pilersaarutip nassuiarneranut isummernissamut tunngavissiat naammasseriikkat Ilinniartitaanermut Naalakkersuisoqarfimmut akuerisassanngorlugit nassiunneqassapput.   

Tamanna aqqutigalugu qanoq pisoqarnera paasiuminarnerussaaq, tassanilu peqataasut tamarmik imminnut immersoqatigiillutik.

Ilisimasanik avitseqateqartarneq

Suliallu naammassinerani suleqatigiissitat nioqqutissamik suliaminni ilisimasanik avitsiffiusunik ingerlatitseqqiffiusunillu suliaqassapput.  Nioqqutissaq taanna Ilinniartitaanermut Naalakkersuisoqarfimmut inassutitut aamma atorneqassaaq siunissami ilinniarnerup iluarsiiffiginissaanut atugassatut. 

GUX2022-mi nioqqutissanut iserfissaq (isissutissaq pisariaqarpoq).

Nioqqutissamut sinaakkutissamut iserfissaq pilersaarutip nassuiarneranut immersuiffissami takutinneqarpoq.  Isumassarsiorfissat uaniipput: https://www.sdu.dk/~/media/Files/Om_SDU/Centre/C_CFS/Didaktisk%20innovation_A5.pdf.

Kingullermik nutarterneqarpoq: 02. marts 2020