airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Aasaanerani atuarfik pinngortitamik ilisimatusarnermut tunngasoq

JSEP Science Camp 


Atuartut oqaluttuarput

Pinngortitamik ilisimatusarnermi aasaanerani atuarfimmi ilinniarnertuunngorniat pikkorissut 20-it USA-meersut, Danmarkimeersut, Kalaallit Nunaanneersuullu peqataassapput.

Pinngortitaq pinngortitami suliaraarput. Atuarfimmiippallaanngilagut atuakkerivallaarnatalu. Sermersuit, Sermersuaq, ujaqqat/ atortussiat, naasut/ uumasut allallu amerlasuut suliarisarpagut.

Nunat tamalaani eqimattakkuutaani sulivugut. Suleqatigiikkaangatta nuannisartaqaagut, arctic sciece pillugu ilikkagaqangaatsiartarlutalu kiisalu inuit allaninngaanneersut naapittarlugit. Suliniutigut suliarisarpagut namminerlu aalajangertarlugu suut misissorusunnerlugit ilikkarusunnerlugillu. 

Ilinniartitsisut nunani pingasuninngaanneersuni atuartullu inuusuttut Darthmouth Universityminngaanneersut USA-mi suleqatigaagut. Pissanganartorujussuuvoq kajumissuseqarnarlunilu ilimmarfimmi ilinniartunit USA-meersunit ilitsersuunneqarluni.

Twitter, Facebook Youtubelu atorlugu videonik sanasarpugut. Ilinniarnikuusagut misiginikuusagullu nuannersut inunnut allanut oqaluttuarissallugit atortarpagut.

Videopajuk assersuut uaniippoq. Suliniutitta ilaat pillugu video sanaarinikuusarput: https://www.youtube.com/watch?v=t_lbWHrfolM.

Uaniipporlu musikvideo tissinartoq Sermersuup qaarpiaaniit Summimit sanaarinikuusarput:  https://www.youtube.com/watch?v=12Wkx8buM6U

Paasissutissat

Aasaanerani atuarfik tuluttut ingerlavoq, Joint Science in Education Projectimik (JSEP) taaguuteqarpoq imikkoortortaqarlunilu marlunnik. Sapaatit akunnerit marluk siulliit  Kangerlussuaq Science Field Schoolimik (KSFS) taaguuteqarpoq, sapaatip akunneralu kingulleq Science Education Weekimik (SEW) taaguuteqarluni. KSFS Kalaallit Nunaanniit aqunneqarpoq SEW-ilu USA-miit aqunneqarluni. Kalaallit atuartut qulit KSFS-imi peqataassapput kingornalu tallimat quliusunit SEW-mut ingerlaqqissallutik.

Anguniakkat

  • Kalaallit pinngortitamik ilisimatusarneq pillugu misissuinermi ilinniarneq
  • Pinngortitamut ilisimatusarnermut soqutiginninneq annertusillugu
  • GUX kingorna pinngortitamik ilisimatusarnermi ilinniagaq ilinnialernissaannut kajumissaarineq
  • Nunat tamalaani attaveqaqatigiinnerni kammattaartornissaq, assersuutigalugu ilinniaqqinnissamut atorneqarsinnaasut
  • Tuluttut piginnaasat nukittorsarnissai

Peqataanissamut suut piumasaqaataappat?

  • GUX- imi atuarputit pinngortitamillu ilisimatusarneq, peqqissutsimut tunngasunik teknikkikkulluunniit tunngasunik sammisaqarlutit
  • Pinngortitamik ilisimatusarneq pissangagivat
  • Pinngortitamik ilisimatusarneq pikkoriffigaat
  • Immaqa pinngortitamik ilisimatusarnerup iluani ilinniarnermik ingerlaqqiffiusumik ilinniarniarnissannut pilersaaruteqarputit
  • Tulutttut oqalloripputit. Atuartitsinerup annersaasa tuluttut ingerlanneqassaaq, eqimattakkaarnermilu tuluttut oqaluttut peqatigalugit sulisoqartarpoq. Ullormut sammisassat kalaallisut qallunaatullu ingerlanneqartassapput, attaveqatigiinnerulli ilarujussua tuluttut ingerlanneqartassalluni.
  • Aasaanerani atuarfimmi pilersaarutit tamaasa ilaaffiginissai

Dato (foreløbig)
29. juni til 19. juli 2021. Første og sidste dag er rejsedage. Datoerne kan rykkes 1-2 dage i begge ender

KSFS

KSFS efterskoletoqqami Kangerlussuarmi inissisimavoq ulluinnarnilu ”real scientists”, Amerikamiut taama oqaatigisarpaat, pulaassallugit angalaartarpugut. Ilisimatuut Sermersuaq qanoq aatsiginersoq misissortarpaat qanorlu silap pissusiata allanngoriartornera naasut uumasullu sunnerai.

Avataaniit tikittut eqimattakkuutaarlutik sulisarput. Ataatsimiinneraniillu ilisimatuut peqatigalugit namminerlu misissuisimanerminni tunngavigalugit eqimattakkuutaartut apeqqut ataaseq qitiusumik malissavaat. Eqimattakkuutaartulli nammineerlutik isumasiussavaat. Annerusumik misissuilluni sulisoqartarpoq, misigisimasallu tungaatigut “hands on” atorlugu ilisimatitsisoqartarluni, annikinnerusumillu teoriimut tunngasunik ilinniutinik sulisoqartarluni.

KSFSYoutube kontoqarpoq. Atuartut video-t sanaaraat: http://www.youtube.com/channel/UCgMQ4_RH8ZzMgm1_ESjV47Q

Assersuutitsialaat marluk uaniipput, takutilluarpaalu KSFS-imi sulerisarnerluta:

KSFS Ilinniartitaanermut Naalakkersuisoqarfimmit, Kasper Buskimit aqunneqarpoq. Ulluinnarni ilinniarfeqarfinni sammisaqartitsinermit Ilinniartitaanermut Naalakkersuisoqarfimmut ataqatigiissaarisarpoq, siornatigullu uumassuseqartulerinermi kemimilu GUX Aasianni ilinniartitsinikuulluni.

SEW
US Air Guardimut ilaallutik Sermersuup qaavanukassapput, 3.300 meterisut qatsitsigisumiittumut. Ilisimatusarfittulli najugarineqartoq Summit tikeraarlugu. Summit-mut angalaneq puigunaatsuuvoq. Video tissinartoq takuuk. Atuartunit rel="noopener noreferrer" misissuisartunillu rel="noopener noreferrer" Summit- imi 2014-imi suliarineqartoq: https://www.youtube.com/watch?v=12Wkx8buM6U  

Amerikamiut Dartmouth University Erica Wallstromilu una pilersaarusiaq aquppaat, KSFS-imit sivitsuineruvoq.

Pilersaarut
Pilersaarut 2018 uani

Aningaasaqarneq
Atuartut kalaallit Kangerlussuarmut Kangerlussuarmiillu angalanerat, aamma Kangerlussuarmiinnerminni nerisassat ineqarfillu akilerneqassapput. Atuartut nammineerlutik kaasarfimmiussat nassassavaat.

Timmisartumut bilitsi
Flybilletter bestilles af skolen. 

Udgiften mellemregnes: 

Departementet for uddannelse
JSEP Sommerskole
Postboks 1029
3900 Nuuk
GLN: 5790001954338
Angiv tekst: "Flybilletter JSEP 40.01.08"


Peqataasunut oqaluttuarnissamut piumasaqaat
Atuartut Kangerlussuarmiinnerminni misigisatik pillugu videonik power points- inillu sanassapput. Sananeqartut saqqummiisassatut atuartut atuarfianni aasaanerani atuanngiffik qaangiuppat atorneqassapput. Atuartut misigisatik oqaluttuarinissaat piumasaqaataavoq, misigisatik atuarfiup iluaqutiginiassammassuk.

Ussassaarinermi atortussat 
Uani plakatit pdf-itut takuneqarsinnaapput. Kiisalu Youtube- imi video- gut atuartullu siornatigut peqataanikut innersuunneqarput.

Inissat amerlassusaat:

Ataaniittut malittarisassaapput amerlassusaallu nikissinnaapput, atuarfinni pissutsit apeqqutaatillugit.

GUX Aasiaat: Atuartut marluk KSFS-imi inissaqarput, ataaseq SEW-imi ingerlaqqissaaq
GUX Sisimiut: Atuartut pingasut KSFS-imi inissaqarput, ataaseq SEW-imi ingerlaqqissaaq
GUX Nuuk: Atuartut pingasut KSFS-imi inissaqarput, ataaseq SEW-imi ingerlaqqissaaq
GUX Qaqortoq: Atuartut marluk KSFS-imi inissaqarput, ataaseq SEW-imi ingerlaqqissaaq

Atuartunik allatsitsineq

Nalunaarfissaq ulloq kingulleq tassaavoq marsip 31-ani  kabu@nanoq[dot]gl-imut. 

Kalaallit Nunaanni ilinniarnertuunngorniarfinni tamani aaqqissuisup atuartunit toqqaanneq allatsitsinerlu akisussaaffigaa. Saniatigut aaqqissuisup atuartut misigisatik pillugu atuarfimminni saqqummiinnissaat akisussaaffigaa.

Allatsinnermi ilinniartitsisoq attavigisassaq paasissutissanik naleqq. unaIlinniartitaanermut Naalakkersuisoqarfimmutnassiusissaaq (atuartut tamarmik allaqqassapput).

Paasissutissat pisariaqartitat tassaapput ateq, najugaqarfik, inuuiit, suiaassuseq, mail, oqarasuaat, Facebook, Kalaallit Nunaanni timmisartumik angalanissamut pilersaarut kissaatigineqartoq, pasip normua, atisat angissusaat (S, M, L, XL), skuut angissusaat sapigarineqarsinnaasullu.

Aammattaaq atuartut ataasiakkaat tuluttut imminnut ilisaritissapput, juunip aallaqqaataaniitinnagu Facebook gruppe- utsinni.

 

Amerikamiut atuartut uani qinnuteqartarput https://dickey.dartmouth.edu/arctic-environment/jsep-and-jase

Danmarkimi Undervisningsministereret atuarfik Geovidenskab- mik neqeroortussaq toqqartarpaa. Atuartunik toqqaanissaq atuarfimmi ataqatigiissaarineqartarpoq. 

Kingullermik nutarterneqarpoq: 10. januar 2021