airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Claus Hasle Larsen

Qallunaat oqaasiinik ilinniartitsissutini siunnersorti. 
 
Attaveqarfissaq
Claus Hasle Larsen
GUX Nuuk/Qeqqani Ilinniarnertuunngorniarfik
Postboks 1067
3900 Nuuk

claus.hasle.larsen@attat.gl

 

Fagini tusagassiuutilerinermi qallunaatoornermilu nuna tamakkerlugu

Syddansk Universitetimit Odensemiittumit 2005-imi Cand.mag.-tut naammassivunga, Nordisk Sprog og Litteratur (pingaarnertut) aammalu Anvendt Visuel Kommunikation (tapertaasusut) ilinniagaralugit. 2005-imit 2007-ip tungaanut SDU-mi Center for Medievidenskabip immikkoortortaqarfiani ilinniartitsisuuvunga, 2007-imiillu 2018-ip tungaanut TV2-mi DR-imilu tusagassiortutut aallakaatitassiornermilu sulisutut atorfeqarpunga. 2018-imi ilaquttakka peqatigalugit Nuummut nuuppugut GUX Nuummilu qallunaatoornermi tusagassiuutilerinermilu ilinniartitsisalerpunga, kiisalu juni 2020-mi atuartitsissuteqarsinnaanermik ilinniarnera naammassivara.
GUX Nuummi LR-formandiusimavunga sulisunullu sinniisuullunga. Nuummi Filmiliortarfiup siulersuisuanni ilaasortaavunga.
Juli 2020-mi fagini tusagassiuutilerinermi qallunaatoornermilu nuna tamakkerlugu ataqatigiissaarisutut atorfinitsinneqarpunga.


Qallunaatoorneq

Qallunaatoornermi nuna tamakkerlugu ataqatigiissaarisutut suliassakka ilaatigut tassaapput
1) Kalaallit Nunaanni ilinniarnertuunngorniarfinni sisamaasuni suliassaqaqatigiit peqatigalugit fagip qallunaatoornerup ineriartortinnissaa
2) Ilinniarnertuunngorniarfinni aaqqissuusseqqinnermi qitiutinneqartut, tassa suliassaqaqatigiit assigiinngitsut suleqatigiinnissaat, oqaatsit aappaannik ilinniartitsineq aammalu kulturi tunngavigalugu ilinniarneq il.il. atulersinneqarnissaat.
3) Soraarummeernermi angusat ukiukkaartumillu misissuinerup inerneri naliliiffigalugit, suliallu taakku pillugit IKIN-imut ilisimatitsissuteqarneq.
4) Atuakkat isumassarsiallu nutaat pillugit suliassaqaqatigiinnut ilisimatitsissuteqartarneq aammalu suliassaqaqatigiit isumassarsiaannik ingerlatitseqqittarneq.
Anguniakkakka tassaapput Kalaallit Nunaanni qallunaatoortitsisartunut qanimut attaveqarnissaq, taamaaliornikkullu ilinniarnertuunngorniarfinni sisamani suliassaqaqatigiit ilinniartunik tapersersuinissaminnut ikioqatigiilersinniarlugit, tamannalu pikkorissunut sanngiitsunullu iluaqutaassaaq, aamma qallunaatoortitsinermi isumassatsialannik avitseqatigiittarnissaq faginilu qallunaatoornermi kalaallisoornermilu suleqatigiittoqarnissaa

Tusagassiuutilerineq

Tusagassiuutilerinermi nuna tamakkerlugu ataqatigiissaarisutut suliassakka ilaatigut tassaapput
1) Kalaallit Nunaanni ilinniarnertuunngorniarfinni sisamaasuni suliassaqaqatigiit peqatigalugit fagip tusagassiuutilerinerup ineriartortinnissaa
2) Ilinniarnertuunngorniarfinni aaqqissuusseqqinnermi qitiutinneqartut, tassa suliassaqaqatigiit assigiinngitsut suleqatigiinnissaat, oqaatsit aappaannik ilinniartitsineq aammalu kulturi tunngavigalugu ilinniarneq il.il. atulersinneqarnissaat.
3) Soraarummeernermi angusat naliliiffiginissaat
4) Atuakkat isumassarsiallu nutaat pillugit suliassaqaqatigiinnut ilisimatitsissuteqartarneq aammalu suliassaqaqatigiit isumassarsiaannik ingerlatitseqqittarneq.
5) Fagip tusagassiuutilerinerup aammalu Kalaallit Nunaanni Issittumilu tusagassiuutilerisartut filmiliortartullu akornanni attaveqalernissaannut ikiueqataaneqTusagassiuutilerinermi anguniakkakka tassaapput fagip nutaanik pilersitsisinnaasutut nukittorsarnissaa, ilinniartut fagini assigiinngitsuni tamatigoornissaannut tapersersuisuunissaa aammalu ilinniartut piginnaasaqarnerit ilinniarnertuunngoreernerminni suliniutinut annertuunut ikaarsaarnissaminnut kajumissuseqalernissaat. Tassunga atatillugu ilinniarnertuunngorniarfiit aamma Kalaallit Nunaanni/Issittumi filmiliortartut tusagassiuutitigullu suliaqartartut imminnut attaveqalernissaat anguniarusuppara.