airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Suleqatigiit angalasartut nutaat meeqqanik suli atualersimanngitsunik sumiginnaasarnerup pinaveersaartinneqarnissaanik suliaqassapput

Suleqatigiit angalasartussat taakkua tikitaminni kommunit ulluunerani neqerooruteqarfiini sulisut aqutsisullu qanimut suleqatigisassavaat.
27. maj 2021

Suleqatigiit angalasartussat, meeqqat suli atualersimanngitsut sumiginnarneqarnissaminnut aarlerinartumiittut aamma sumiginnarneqarsimasut siusinaartumik paasineqartarnissaannik sullinneqartarnissaannillu suliaqartussat, tassaapput Ida Mathiassen Andersen, Hector Lennert Sørensen aamma Ellen Bang Bourup.

Suleqatigiit ilaatigut perorsaasunik kommunillu sullissiviini sulisunik pikkorissaaqqinnermik piginnaasaannillu ineriartortitseqqinnermik kiisalu siunnersuinermik suliaqarnerup, Kalaallit Nunaanni ulluunerani neqerooruteqarfinni meeqqanik sumiginnarneqartunik sullissinerannut ikiuutaasinnaasup, ineriartortinnissaanik qulakkeerinnissapput. Suleqatigiit ulluunerani neqerooruteqarfinni sulisunik siunnersuillutillu pikkorissaaqqiineri ulluunerani neqerooruteqarfinni tikeraarneqartuni pisassapput, aammalu siunnersorneqarlutillu sullinneqartussat tassaassapput sulisut aqutsisuilu.

Suleqatigiit angalasartussat suliassaat nalunaarusiami allassimapput
Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu kalaallit qallunaallu oqartussaasoqarfiisa assigiinngitsunik suliallit akornanni suleqatigiinneq

Paasisaqarneruniaruit pisortap tullia Kaali Olsen uunga attavigiuk kaol@nanoq.gl