airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Maanna matematikkimi pinngortitalerinermilu pikialaartitsinissamut nalunaarsinnaanngorpusi

Pikialaartitsineq matematikkimi pinngortitalerinermilu Pikialaartitsineq Meeqqat atuarfianni, ilinniarnertuunngorniarfinni, inuussutissarsiutigalugu ilinniarfeqarfinni ilinniartitsisunngorniarfimmiluunniit matematikimi pinngortitalerinermilu ilinniartitsisunut saaffiginnittuuvoq.
5. december 2023

Meeqqat atuarfianni, ilinniarnertuunngorniarfinni, inuussutissarsiutigalugu ilinniarfeqarfinni ilinniartitsisunngorniarfimmiluunniit matematikimi pinngortitalerinermilu ilinniartitsisuuit?

Ilisimasanik isumassarsianillu nutaanik atuartitsinissannut pissarsiaqariartorit. Pikialaartitsinermi saqqummiisoqartassaaq, workshopertoqartassaaq saqqummersitsisoqarlunilu. Tamakku ikiuutinik digitaliusunit aallaaveqassapput.

Makku peqataaffigiartukkit tusarnaariarlugillu: Thinking Classroom, koderineq, silami atuartitsineq kiisalu akuutissaateqarfissinni torersaaneq pillugit tusagaqariartorit. Misileraanerit tigussaasut pinngortitalerinermilu alutornartunik takussutissiisut aamma sammisassat allat pissanganarsinnaasut peqataaffigiartukkit.

Pikialaartitsinermut peqataaneq akeqanngilaq. Peqataaniartut Nuup avataaneersut namminneq angalaneq, ineqarneq nerisaqarnerlu isumagalugulu akilissavaat. Pikialaartitsinerulli nalaani ullup qeqqarsiuteqarlunilu unillatsiarnerni sutugassaqassaat.

Ullut:
29. februar - 2. marts 2024

Sumiiffissaq:
Ilimmarfik, Nuuk

Aaqqissuisut:
Ilinniartitaanermut Aqutsisoqarfik aamma Ilinniartitsinermik ilisimatusarfik (Ilinniarfissuaq).

Nalunaarfissaq:  Aaguk (Word)

Programi: Aaguk (pdf)

Ane Fleischer

Atuarfinnut siunnersorti Pinngortitalerineq, Matematikki

(+299) 34 62 02

afle@nanoq.gl


Aamma atuarsinnaavatit