Ilinniartut efterskolerneranni inuusuttunut ilinniakkamik qinnuteqarneq

Kalaallit Illuisa kalaallit efterskolertut Kalaallit Nunaanni ilinniakkat pillugit ilitsersortarpaat. Kalaallit Illuisa ilaatigut efterskolernerup kingorna ilinniakkamik inuussutissarsiummillu toqqaanissaq pillugu paasititsiniaanerit ingerlattarpaat. Ilinniartup ilaqutariit attaveqaatai paasititsiniaalluni ataatsimiinnernut taamaattunut peqataasinnaapput.

Kalaallit Illuini ilinniagaqarnissamut ilitsersuisartut kalaallit ilinniartut namminersorlutik oqartussanik Danmarkimi efterskolernissaminnut tapiiffigineqarsimasut aamma ilinniartut namminerisaminnik aaqqisuussisimasut aammalu ilinniartut allat efterskolernertik sioqqutilaannguarlugu aalajangersimasumik Kalaallit Nunaanni najugaqarsimasut ilitsersortarpaat.
Namminerisaminnik aaqqississuussisimasut ilinniartullu allat efterskolernertik sioqqutilaannguarlugu Kalaallit Nunaanni aalajangersimasumik najugaqarsimasut ilitsersorneqarnissaminnik pisariaqartitsigunik namminneq Kalaallit illuanut saaffiginnissapput.

Aammattaaq ilinniagaqarnissamut ilitsersuisartut efterskolinit ilinniartuutitik kalaallit pillugit apeqqutissaqartunit saaffigineqarsinnaapput.

Kalaallit efterskolertut efterskoliminni inuussutissarsiutitaarnissamik ilinniagaqarnissamillu ilitsersuinernut aamma efterskolemiit ikaarsaariarnissaq siunertaralugu efterskolip ingerlatsinerinut ilinniartutulli allatut aammattaaq peqataasarput.

Ilinniartut angajoqqaallu Kalaallit Nunaanni inuusuttunit ilinniarneqarsinnaasut pillugit uani paasiniaasinnaapput: Sullissivik.gl aamma Sunngu.gl. Taakkunani takuneqarsinnaapput qanoq iliorluni Kalaallit Nunaanni inuusuttunut ilinniakkanut qinnuteqartoqarsinnaanersoq.
Aammattaaq ilinniakkat, qinnuteqarnermut periutsit aamma ilinniakkanik toqqaanissamut paasissutissat isumassarsiallu digitaliusumik kalaallisut pissarsiarineqarsinnaapput uani: aqqut.gl. Elektroniskimik ilitsersuisarfik attavigineqarsinnaavoq email-ikkut, chat-ikkut imaluunniit oqarasuaatikkut.

Kalaallit ilinniartut aammattaaq Danmarkimi inuusuttunut ilinniakkanik qinnuteqarsinnaapput aamma Danmarkimi inuusuttunut ilinniakkat pillugit paasiniaasoqarsinnaavoq uani: UddannelsesGuiden uuma ataani: Uddannelser til unge. Nittartakkamiipputtaaq angajoqqaanut immikkut paasissutissat aamma inuusuttunut ilinniakkat pillugit siunnersuutit – immikkoortoq taanna Kalaallit Nunaanni ilinniakkanut atatillugu aammattaaq naapertuuppoq.
Kalaallit Illuini ilinniagaqarnissamik ilitsersuisartut ilinniartup inuusuttunut ilinniakkamik qinnuteqarneranut tunngatillugu ilitsersuisinnaapput.
Angajoqqaat namminneq meerartik sinnerlugu qinnuteqarniarpata qinnuteqarfissaq digitalimik immersorneqassaaq (NemID atorlugu) imaluunniit ilinniartup angerlarsimaffittut illoqarfigisaani Majoria-mut nassiunneqassalluni, tassanissaaq qinnuteqarnermi immersugassaq uani aaneqarsinnaasoq pillugu ikiorsiisoqarsinnaavoq.
Majoriat tamarmiusut pillugit takussutissiaq uaniippoq.

Inuusuttunut ilinniakkamik qinnuteqarnermi efterskolimit oqaaseqaammik ilanngussinissaq isumassarsiatsialaavoq.

Inuusuttunut ilinnakkanik ulloq qinnuteqarfissaq kingulleq ukiut tamaasa tassaavoq 1. marts.

Inuusuttunut ilinniakkanik toqqaaniarnermi linkit iluaqutaasinnaasut:

GUX, den gymnasiale uddannelse i Grønland tassani ilinniarnertuunngorniarnerup imarisai piumasaqaatillu takuneqarsinnaapput.
Din nye hverdag på en gymnasial uddannelse ilinniarnertuunngorniarfimmi ulluinnarisaq oqaluttuarineqarpoq*.
Dit valg meeqqat atuarfiata kingorna ilinniakkat sammivii tassani takusinnaavatit *.
Din nye hverdag på en erhvervsuddannelse inuussutissarsiummik ilinniarnermi ulluinnarisaq oqaluttuarineqarpoq *.
Uddannelsesguiden - dine styrker nukittuffiit ilisimallugit atoruminarnerupput. Atuartup meeqqat atuarfiat/efterskoli naammassisussanngoruniuk nukittuffimmi suunerisa qanorlu atornissaasa ilisimanissaat iluaqutigissavaa*.
AQQUT Nuna Tamakkerlugu Ilitsersuisarfik
Afprøvning i Grønland til værnepligt inuusuttut 18-ileereersimasut Kalaallit Nunaanni najugallit sakkutuutut ilinniagaqarnissamut misilitsissinnaapput.
Introduktion til ungdomsuddannelserne - til unge og forældre* Tassaniipput inuusuttunut ilinniakkat pillugit isumassarsiorfissat aamma ilinniagaqalernissamut piumasaqaatit qinnuteqarnissarlu pillugit paasissutissat. Angajoqqaanut videoqarlunilu allaaserisaqarpoq meeqqaminnik qanoq ilinniakkamik toqqaaniarnerani ikiorsiisinnaanerannik oqaluttuartunik.

* Atortussiat qallunaatuujupput Danmarkimi ilinniakkat aallaavigalugit taakkulu arlalitsigut Kalaallit Nunaanni ilinniakkat ingerlasarnerinut assingupput.