Efterskoli sunaava?
Efterskoli Danmarkimi immikkut atuarfimmik aaqqissueriaasiuvoq, inuusuttut 14-it 18-illu akornanni ukiullit atuarfigisinnaasaat, meeqqat atuarfianni ukioq kingulleq imaluunniit ukiut kingulliit (8., 9. imaluunniit 10. klasse) efterskolimi ingerlanneqarsinnaallutik. Efterskolertut amerlanersaat ukioq ataaseq efterskolertarput 10. klassimi atuarlutik.
Ukiut tamaasa Danmarkimi inuusuttut 30.000-it missaat efterskolimi atuartarput, maannakkorpiarlu efterskolit 241-pput. Nalinginnaasumik efterskolerneq sapaatip-akunnerinik 41 – 42-nik sivisussuseqartarpoq.
Danmarkimi efterskolit saniatigut aamma Kalaallit Nunaanni marlunnik efterskoleqarpoq, tassalu Maniitsumi Efterskoli aamma Qasigiannguani Villads Villadsenip Efterskolia, aammattaaq Koreami Kujallermi Savalimmiunilu ataasiakkaanik efterskoleqarpoq.
Kalaallit atuartut siulliit 1964-imi Danmarkimi efterskolerput. Kalaallit Nunaanni efterskolit 2008-mi pilersinneqarput.
Namminersorlutik Oqartussat Danmarkimi Kalaallit Nunaannilu efterskolernermut tapiissuteqartarput.
Kalaallit efterskolertut nalinginnaasumik Danmarki tamakkerlugu efterskolinut siammaassimasarput. Ilaat efterskoliminni kalaalersatuaasarput, allalli arlalinnik kalaaleqateqarsinnaallutik.
Kalaallit efterskolertut amerlanersaasa meeqqat atuarfianni 10. klassi naammassereeraangamikku Danmarkimi efterskolernissartik toqqartarpaat – kisianni aamma 14-inik ukioqalersimagaanni imaluunniit 8. klassi naammassisimagaanni efterskolernissaq ajornanngilaq.
Danmarkimi efterskolit assigiinngeqaat. Assersuutigalugu efterskolit mikinerit 35-nik atuartoqartarput, anginerpaallu 600-t sinnerlugit atuartoqartarlutik. Efterskolit amerlanersaat 90 – 150-inik atuartoqartarput.
Aamma efterskolit atuartitsissutinik sammisassanillu neqeroorutigisartagaat assigiittanngillat.
Efterskolimi atuartut ulloq unnuarlu kaajallallugu ataatsimoortarput, tassani najugaqarlutik, nerisarlutik, atuartarlutik sunngiffimmilu ataatsimoortarlutik. Atuartut meeqqat atuarfiannisut ilinniartinneqartarput, kisiannili aamma nalinginnaasumik atuartitsissutit atuagarsorfiusut saniatigut, atuartitsissutit sammisassallu allat amerlasaqaat.
Efterskolernermi qitiutinneqartarput atuartut ilikkagassatigut, inooqatigiissutsikkut inuttullu ineriartornissaat.
Danmarkimi efterskolit atuartunit Nunatsinneersunit ilimagisarpaat, qallunaatut ima piginnaasaqartigissasut, qallunaat oqaasii ulluinnarni oqaatsitut atorsinnaallugit aamma atuartitsissutini tamani ilinniartitsinermut sammisassanilu ingerlataqarnermi malinnaanissamut qallunaat oqaasii atorsinnaallugit. Atuartut efterskolimi aallartinneranni ilimagisaanngilaq, kukkuneqanngitsumik qallunaat oqaasii paasisinnaallugillu oqaaserisinnaasassagaat – soorunami atuartup efterskolernermi ingerlanerani qallunaat oqaasiinik atuinerminik pitsanngorsaanissaa inissaqartinneqarpoq.
Efterskolimi inersimasoqartuaannarpoq, atuartut ingerlalluarnissaannik qularnaarisussanik aamma atuartut ataasiakkaat ilinniartitsisumik attaveqaateqarnissaat qularnaarneqartarpoq.
Danmarkimi efterskolit saniatigut aamma Kalaallit Nunaanni marlunnik efterskoleqarpoq, tassalu Maniitsumi Efterskoli aamma Qasigiannguani Villads Villadsenip Efterskolia, aammattaaq Koreami Kujallermi Savalimmiunilu ataasiakkaanik efterskoleqarpoq.
Kalaallit atuartut siulliit 1964-imi Danmarkimi efterskolerput. Kalaallit Nunaanni efterskolit 2008-mi pilersinneqarput.
Namminersorlutik Oqartussat Danmarkimi Kalaallit Nunaannilu efterskolernermut tapiissuteqartarput.
Kalaallit efterskolertut nalinginnaasumik Danmarki tamakkerlugu efterskolinut siammaassimasarput. Ilaat efterskoliminni kalaalersatuaasarput, allalli arlalinnik kalaaleqateqarsinnaallutik.
Kalaallit efterskolertut amerlanersaasa meeqqat atuarfianni 10. klassi naammassereeraangamikku Danmarkimi efterskolernissartik toqqartarpaat – kisianni aamma 14-inik ukioqalersimagaanni imaluunniit 8. klassi naammassisimagaanni efterskolernissaq ajornanngilaq.
Danmarkimi efterskolit assigiinngeqaat. Assersuutigalugu efterskolit mikinerit 35-nik atuartoqartarput, anginerpaallu 600-t sinnerlugit atuartoqartarlutik. Efterskolit amerlanersaat 90 – 150-inik atuartoqartarput.
Aamma efterskolit atuartitsissutinik sammisassanillu neqeroorutigisartagaat assigiittanngillat.
Efterskolimi atuartut ulloq unnuarlu kaajallallugu ataatsimoortarput, tassani najugaqarlutik, nerisarlutik, atuartarlutik sunngiffimmilu ataatsimoortarlutik. Atuartut meeqqat atuarfiannisut ilinniartinneqartarput, kisiannili aamma nalinginnaasumik atuartitsissutit atuagarsorfiusut saniatigut, atuartitsissutit sammisassallu allat amerlasaqaat.
Efterskolernermi qitiutinneqartarput atuartut ilikkagassatigut, inooqatigiissutsikkut inuttullu ineriartornissaat.
Danmarkimi efterskolit atuartunit Nunatsinneersunit ilimagisarpaat, qallunaatut ima piginnaasaqartigissasut, qallunaat oqaasii ulluinnarni oqaatsitut atorsinnaallugit aamma atuartitsissutini tamani ilinniartitsinermut sammisassanilu ingerlataqarnermi malinnaanissamut qallunaat oqaasii atorsinnaallugit. Atuartut efterskolimi aallartinneranni ilimagisaanngilaq, kukkuneqanngitsumik qallunaat oqaasii paasisinnaallugillu oqaaserisinnaasassagaat – soorunami atuartup efterskolernermi ingerlanerani qallunaat oqaasiinik atuinerminik pitsanngorsaanissaa inissaqartinneqarpoq.
Efterskolimi inersimasoqartuaannarpoq, atuartut ingerlalluarnissaannik qularnaarisussanik aamma atuartut ataasiakkaat ilinniartitsisumik attaveqaateqarnissaat qularnaarneqartarpoq.
Kingullermik nutarterneqarpoq: 28. april 2021