Tuluit oqaasii
Tuluit oqaasii fagiuvoq atuartut 4. klassiniit 10. klassinut ingerlattassaat. Uani paasisaqarfigikkit Tuluit oqaasiini atuartitsinerup siunertaa, atuartitsinermut pilersaarusiat, isumassarsiorfiit aammalu Tuluit oqaasiini misilitsinnernut tunngasut.
Siunertaa
Atuartitsinerup siunertaraa atuartut pisuni naapertuuttuni tuluit oqaasiinik allatanik oqaluinnarluni atorneqartunik paasinnillutillu atuisinnaanngortillugit piginnaasaqalersinnissaat. Atuartitsinerup aammattaaq atuartut ilikkagassani allani ilikkariartornerannilu tunngavisseeqataaffigissavai.
Namminersornerullutik Oqartussat nalunaarutaanni alloriarfiit atuartitsissutillu siunertaat, ilikkagassatullu anguniagassat kap. 5-mi atuakkit.
Ikaarsaariarnermi aalajangersagaq ilanngunneqarpoq, taannalu malillugu atuartut ukiumi atuarfiusumi 2023-2024-mi 8. klassimi klassimiluunniit qaffasinnerusumi aallartittut, nalunaarummi pisoqqami aalajangersakkat naapertorlugit atuartinneqassapput. Imaappoq nalunaarut nutaaq taamaallaat atuutissasoq atuartunut ukiumi atuarfiusumi 2023-2024-mi 1.-7. klassini atualersunut.
Attavissaq
Sigurd Kastrup Solvig
Atuarfinnut siunnersorti Danskit oqaasii, Tuluit oqaasii, Allamiut oqaasii oqaatsit pingajuattut, IT
(+299) 34 62 15
Inatsisit
- Atuarfik pillugu Inatsisartut inatsisaat pillugu Namminersorlutik Oqartussat nalunaarutaat nr. 19, 27. april 2023-imersoq
- Atuarfik pillugu Inatsisartut inatsississaattut siunnersuut nr. 15, 3. December 2012-imeersoq
- Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat nr. 16, 24. juuni 2003-meersoq
- Atuarfimmi naliliisarneq uppernarsaasiortarnerlu pillugit Namminersornerullutik Oqartussat nalunaarutaat nr. 2, 9. januar 2009-meersoq
- Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaat nr. 3, 9. januar 2009-meersoq
Kingullermik nutarterneqarpoq: 12. maj 2023