airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Projektimik suliaqarneq - 10 klasse

Projektilerinertaa
Projektilerinerup atuartoq projektimi pilersaarusiugaasimasumi qanoq suliaqarsinnaatiginersoq takussutissaqalersillugulu faginik arlariinnik aallaaveqarluni suliaqarsinnaalersissavaa.

Projektilerineq atuartut suliaqarnerminni ineriartortitaat pillugu saqqummiussinermik naammassineqassaaq. Atuartut suliaat projektilerinerup imarisaanut ilusianullu naleqquttuussapput.

Projektilerinerup aallartinnginnerani atuartut paasitinneqassapput suliap imarisaa, suliaqarnertaa atuartullu pilersitaminnik saqqummiussinerat nalilersuinermi tunngavigineqassasut.

Ilinniartitsisuusut peqatigalugit qulequttat pingaarnerit qulequtaaqqallu aalajangiunneqassapput, taakkununngalu ilanngunneqassapput ilinniagassat, periusissat, fagini arlariinni suleriusissat saqqummiusseriaatsillu.

Atuartut eqimattani amerlanerpaamik sisamanik inuttaqartuni suleqatigiissapput, suliartillu kalaallisut, qallunaatut, tuluttut oqaatsilluunniit allat toqqarsimasatik atorlugit allaaserissavaat. Projektip eqikkarnera oqaatsit oqaatsinit allaaserinninnermi atukkanit allaanerusut atorlugit allanneqassaaq.
Atuartunik ilitsersuineq 

Projektilerineq ulluinnarni atuartitsinerup ilagaa, ilinniartitsisuusorlu atuartut suliaqarnerisa nalaani ilitsersuisassaaq.

Makku pillugit ilitsersuinerup eqimattani suleqatigiit atorfissaqartitaminnik piumasaminnillu aallaaveqarnissaannut periarfississavai:

Sammisassap aallaaviata killilernera oqaasertalerneralu

  • Sammisassap aallaavia eqqarsaatigalugu suliassamik killiliineq
  • Suleriusissanik misissueriaarissanillu toqqaaneq atuinerlu
  • Imarisaanik periaatsinillu toqqaaneq atuinerlu
  • Paasissutissanik pissarsiffissanik atortussanillu toqqaaneq atuinerlu
  • Saqqummeeriaatsinik toqqaaneq atuinerlu
  • Suliamik pilersitsineq
  • Saqqummiussassap aaqqissuunnera naammassillugulu saqqummiunnera

Projektilerinerup ingerlarnga

Januaari naatinnagu

Atuartut ullut atuarfiusut marluk sammisassaminnik aalajangiussinissaminnut projektilerinerullu pilersaarusiorneranut atussavaat.
Tamatuma kingornagut atuartitsinerni nalinginnarni atuartut sapaatit-akunneri marluk atortussanik katersuinerminnut atussavaat.

Februaari naatinnagu

Atuartut ullut atuarfiusut tallimat sammisartik pillugu suliaqarnerminnut, suliap naammassinissaanut saqqummiussinissallu piareersarneranut atussavaat.
Inaarsaanermut nanginneritillugu eqimattakkaarlutik suliaqartut suliatik tamakkiisut saqqummiutissavaat.
Uani paasisaqarnerusinnaavutit misilitsinnermullu ilitsersuut aallugu

Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaanni atuarneqarsinnaavoq - kap. 7.

misilitsinnermut ilitsersuut

Ilinniusiorfiup inniminniisarfia
Takuuk
Laan materialer
Ilinniusiat atorneqarsinnaasut
Takukkit
Ilikkagassatut pilersaarutit
Projektimik suliaqarnermi misilitsinneq
Takuuk
Kingullermik nutarterneqarpoq: 10. marts 2021