Matumaniipput Meeqqat atuarfiani angajullernut, efterskolenut Ilinniarnertuunngorniarfinnullu atuartitsissutini kalaallisut, qallunaatut, tuluttut inuiaqatigiilerinermilu allattariarsorluni suliakkiutitut siunnersuutit. Suliassat assigiimmik sammisaqarput. Siulliit marluk Meeqqat atuarfiani angajullernut efterskolertunullu tulluarsagaapput, taakku arlaat atuartuutinnut tulluartitatit suliakkiutigisinnaavatit. Suliassaq kingulleq ilinniarnertuunngornianut tulluarsagaavoq.
Suliakkiut atuartunut nalinginnaasumik tunniunneqassaaq, atuartorli ilisimatinneqassaaq suliaq Ilinniartitaanermut Aqutsisoqarfiup inuusuttuuneq pillugu ilisimatusarnermut atussagaa. Atuartut sualiamik ilisimatusaatitut atugassanngorlugit nassiutequnngippatigit tamanna ataqqineqartariaqarpoq. Atuartut ilinniartullu namminneq oqaatsit toqqissisimaffiginerusatik atorlugit suliaqassapput, tassa kalaallisut, qallunaatut tuluttulluunniit.
Atuartut kisimiillutik suleqateqarlutilluunniit suliaqarsinnaapput. Suleqatigiit akissarsissagunik akissarsiaq caferutissaassaaq ataatsimulluunniit nuannaarutaasinnaassalluni.
Suliaq pilersitarluunniit kingusinnerpaamik maajip 15-ani nassiunneqassaaq.
Ilinniartitsisut Teams aqqutigalugu nassiussissapput. Unilogin Teamsimut isissutaassaaq, Teamsimullu ilaasortanngornermi g5oou92 koderineqassalluni.
Suliassaq nassiussinissarluunniit pillugu apeqqutissaqaruit Ilinniartitaanermut aqutsisoqarfimmut Karen Mathiesenimut mailersinnaavutit kama@nanoq.gl
Teamsikkut tunniussinissaq pillugu apeqqutissaqaruit Ilinniartitaanermut aqutsisoqarfimmut Manumina Jakobsenimut mailersinnaavutit: maja@nanoq.gl 346205-mulluunniit sianerlutit.
Nassiunneqartut Kalaallit Nunaata matoqqanerani inuusuttut atugaat / atugarliornertut misigisaat paaserusullugit suliatsinnut ilaatinneqassapput.
"Pilersitsineq pitsaassuserluunniit immikkuullarissoq" qulequtaralugu suliat pingasut akissarsitinneqassapput. Atuartut akissarsitinneqartut akuersitinnerisigut tamanut nalunaarutigineqassapput:
Coronaqarnerani Kalaallit Nunaanata matunera ilinnut qanoq ippa? Coronaqarnerani inuunerit allaaseriuk: Misigisatit, eqqarsaatitit, misigissutsitit maqaasinerillu.
Apeqqutit tulliuttut isumassarsiorfissatut atorsinnaavatit:
a) Internetikkut atuarneq qanoq ippa? Pitsaaqutai pitsaanngequtaalu?
b) Coronaqanngikkallarnerani pissutsinik maqaasisaqarpit? Aappiuppat suut?
c) Ikinngutitit qanoq attavigisarpigit?
d) Coronaqarnerani internetimut akunnerit katillugit qassit ullormut atortarpigit?
e) Coronaqarnerani attaveqaatit suut atortorujussuuigit?
f) Angerlarsimaffimmi ilaquttat ilaginerujussui qanoq igaagit?
Allannak allatut takutitserusukkuit assimik videomilluunniit tunniussisinnaavutit, assersuutingalugu qulequtserlugu "Coronap nalaata ilaani inuunera". Aamma titartaasinnaavutit, qalipaallutit nipilersuusiorlutilluunniit. Kalaallit Nunaata matoqqanerani illit tunginnit misigisavit ingerlateqqinnissai pingaarnerupput.
Misigisatit pillugit allaaserinnigit ilanngitikkillu qanoq innerit, misigissutsitit, eqqarsaatitit, maqaasisatit Kalaallit Nunaatalu matoqqanerani ilinnut iluaqutaasut. Ilanngutikkillu nunap ammaqqinnissaanut qilanaarisatit.
Apeqqutit tulliuttut isumassarsiorfissatut atorsinnaavatit:
a) Coronaqarnerani inuusuttuuneq qanoq ippa?
b) Atuarnerup internetikkut ingerlanneqarnerata qanoq innera oqaluttuarisinnaaviuk? Pitsaaqutai pitsaanngequtai?
c) Suna maqaasinerpaaviuk?
d) Ikinnguteqarnerit qanoq aalluppiuk?
e) Angerlarsimanerujussaq qanoq ippa?
f) Matumani attaveqaatit suut atorneruigit, timitalimmillu allanik takusarpit?
Allannak allatut takutitserusukkuit assimik videomilluunniit tunniussisinnaavutit, assersuutingalugu qulequtserlugu "Coronap nalaata ilaani inuunera". Aamma titartaasinnaavutit, qalipaallutit nipilersuusiorlutilluunniit. Kalaallit Nunaata matoqqanerani illit tunginnit misigisavit ingerlateqqinnissai pingaarnerupput.
Socialpsykologip inuiaqatigiinni nutaanerusuni inuusuttuuneq meeraanermit inersimasunngornermut ikaarsaarnertut nassuiarpaa, piffissaq nammineerusussuseqarneruvoq. Ilinniagaqarnerit inooqataanermilu misigisassarsiornerit, soorlu festit, asannilersoornerit tamakkersornerillu ilisarnaataapput.
Coronaqarnerata nalaani ilinniarfimmiittoqarsinnaannginnerata inuusuttoqatillu ilagisinnaannginnerisa nalaani inuusuttut inuunertik qanoq ingerlappaat?
Essayilianni (allaaserinninninni) Coronaqanngikkallarnerani Coronaqarneranilu inuusuttuunermi pissutsit qanoq iginerlugit ilanngutissavatit, kiisalu Kalaallit Nunaata matoqqanerani nammineq misigisatit oqaluttuaralugit.
Allannak allatut takutitserusukkuit assimik videomilluunniit tunniussisinnaavutit, assersuutingalugu qulequtserlugu "Coronap nalaata ilaani inuunera". Aamma titartaasinnaavutit, qalipaallutit nipilersuusiorlutilluunniit. Kalaallit Nunaata matoqqanerani illit tunginnit misigisavit ingerlateqqinnissai pingaarnerupput.
Karen Mathiesen
Teamleder/atuarfinnut siunnersorti Pimmatiginninneq akiorniarlugu periusissiaq
(+299) 34 62 10