Linkit:
Sungiusarnissamut atuartitsissutissat
Aallaaviit atuartitsinissamullu ilitsersuutit
nutaarsiassaq marts 2017 aamma suliat pillugit siunnersortit danskisut allattariarsornermi internetseqarnissamut misiligummut ilitsersuutaat atuaruk.
Siunnersuineq ilitsersuinerlu
Suliat pillugit siunnersortit misiligutit 1-ip malilersorneqarnera naapertorlugu siunnersuinerat ilitsersuinerallu atuakkit.
Atuartitsinissanut isummersuutit
atuartitsinissamut atugassat atuartut internetsimut attaveqarlutit misilitsittunut sungiusaatissaat atuartitsinissamut isumassarsiorfissami nassaarineqarsinnaapput.
Misiligutit pissarsiarinissaat
Misilitsissutit naammassereersut tamarmik atuarfiit serveriiniissapput ilinniartitsisunit attuumassuteqartunit takuneqarsinnaaniassammata. Taamaanngippat suliassat uani nassaarineqarsinnaapput: Misiliinerit siulii
Suliassat teknikkikkut suliarineqarnerat
Misilitsissutissat videonik nipinik imaqarput filitaqarput 150 MB-inillu initussuseqarlutik. Tamanna pissutigalugu misilitsissutissat misilitsinnermut atatillugu atuarfiup serveriinut inissinneqassapput. Misilitissutissat fili index html aqqutigalugu pissarsiarineqarsinnaapput. Malugiuk misilitsissutissat sungiusarnissamut atugassat USB assigisaaluunniit atorlugit agguaanneqarsinnaammata. Taamaaliortoqassappat misilitsissutissat fiili index html toorlugu pissarsiarineqarsinnaapputtaaq.
Misilitsinneq
Misilitsinneq ullunik marlunnik sioqqullugu misilitsissutissat aanissaannut linki rektorimut nassiunneqassaaq. Misilitsissutissat zip fiilinngorlugit aaneqassapput, puiarneqassapput atuarfiullu serverianut inissinneqassallutik. Misilitsissutissanut index html fiili mut linki Wiseflowimut ikkunneqassaaq misilitsinnissallu pisortatigoortumik aallartinnerani atuartoq isersinnaanngortinneqassaaq. Misilitsinnissap aallartinnginnerani misilitsissutigisassat isertuunneqassapput.
Ajutoortoqartillugu pilersaarut
Pisinnaasoq: Internetsimut isersinnaanngilluinnarneq
Suliassat interneqarluni naammassisassat sunnerneqassapput. Periarfissaanngilaq akineqarsinnaallutilli. Taamaallaat censorit naliliinissamut piumasaqaatit allanngorsimaneranik ilisimatinneqassapput.
Pisinnaasoq: Piffissap ilaani internetsimut isersinnaannginneq
Piffissap ilaani internetsi ajortissimappat Ilinniartitaanermut Naalakkersuisoqarfik isumaqatigineratigut atuartut misilitsinnerat sivitsorneqarsinnaavoq. Tamanna suliarineqartareerpoq, soorlu qamittoortoqartillugu.
Pisinnaasoq: Misilitsinnerup nalaani sivisuumik internetsi kigaassimavoq
Atuartut misilitsinnerup aallartinnginnerani ilisimatinneqarsimassapput, misilitsinnerup nalaani videonik annertuunik streamertanngippata pitsaanerussasoq. Iserfigineqartut nittartakkat allassimasuinnarnik imaqartuusariaqarput.
Pisinnaasoq: Serveri ajortippat
Serveri ajortillugu misilitsissutissat aaneqarsinnaanngillat. Taamaattoqartillugu atuarfiup misilitsissutissaq usb-mut toqqorsimasuutigissavaa, taamaaliornikkut atuartut serveri ajortissimatillugu (ilimananngilluinnarpoq) namminneerlutik misilitsissutissat qarasaasiaminnut ikkussinnaavaat.
Peqquserlunneq
Piaaraluni peqquserlunnermut atatillugu misilitsinneq sioqqullugu atuartut misilitsinnerup nalaani sociale mediat, chatterfiit assigisaalu attaveqaqatigiinnissamut atorneqaqqusaannginnerat pillugu ilisimateqqissaarneqassapput. Misilitsinnermi nakkutilliisut tamanna pillugu ilisimatinneqaqqissaartariaqarputtaaq. Unioqqutitsisoqartillugu tamanna atuarfimmi aqutsisunut ilisimatitsissutigineqapallassaaq.
Atuarfiit peqquserluttoqannginnissaa anguniarlugu iliuuseqarnissartik eqqarsaatigisariaqarpaat. Ajornartorsiut kiisalu iliuuserisat pillugit UniWisemik oqaloqateqartarnissaq kaammattuutigineqarpoq. Maj 2018 misissuinermi paasineqarpoq, UniWisep sakkussaq screen shottersinnasoq atuartullu sulerineranik malinnaasinnaasoq siunnerfiginngikkaa, pissutigalugu atuartut pikkorissut tamanna virtuel parallel desktop aqqutigalugu tamassumunnga isersinnaasut nalilerneqarmat. Tassunga taarsiullugu UniWise suliniuteqarpoq, soorlu paasissutissat annertuut copy/pasterneqartut nakkutigisinnaallugit kiisalu avatangiisini aqunneqarsinnaasuni nittartakkat ilaat marullugit imaluunniit aalajangersimasuinnaat iserfigineqarsinnaatillugit periarfissat. Uani paasisaqarnerugit http://uniwise.dk/2018/02/20/prevent-cheating/.Suliassaqarfimmi ineriartortoqaaq atuarfiillu kiisalu Naalakkersuisoqarfiit ineriartornermut malinnaasariaqarput.
Apeqqutit
Suliat pillugit apeqqutit suliat pillugit siunnersortimut Jan Bækimut nassiunneqassapput, teknikkimullu tunngasut Kasper Buskimut Ilinniartitaanermut Naalakkersuisoqarfimmeersumut nassiunneqassallutik.