Atuartitsissutissat
Ingerlasimanermut nassuiaat (Qallunaatut)
Ilinniagassap ilisaritinneqarnera
Anguniakkat atuartullu kajumissusiat
Nunarsuup kissatsikkiartorneranit ajornartorsiutit maanna pingaartinneqartorujussuupput Kalaallillu Nunaat sammineqartorujussuulluni, Nunatsinnimmi nunarsuup kissatsikkiartorneranut ajornartorsiutit ersarinnersaammata. Atuartut namminneerlutik allanngoriartortut misigisarpaat atuartitsinermilu taakku allannguutit ilisimasaqarfiginerulissavaat taakkununngalu suut pissutaanersut.
Atuartut ilikkagassaannik nalinginnaasunik atuartinneqarnerisigut uumasoqatigiiaat katitigaanerat peqataaffigisartik pillugu ilisimasaqarnerulissapput taakkulu uumassusillit uumasoqatigiiaat qanoq imminnut sunniuteqaqatigiittarnerat ilisimaqarfiginerulissallugit. Atuartut taakku pillugit ilikkakkatik atorlugit avatangiisini uumasut pillugit isummersussapput qanorlu avatangiisinut sunniuteqartarnerminnik paasinnissinnaalerlutik.
Atuartitsinerup ingerlanissaa agguataarnertaqassaaq atuartullu peqataalluartinneqassallutik, tassa atuartut atuartitsissutigineqartuni suliassanik namminneerlutik suliaqartassapput. Suliassat arlallit assassorluni suliassaapput, atuartullu namminneerlutik molekylenik inuussutissat taakkulu katitigaanerisa sananeqaataannik pilersitsiortussallutik.
Atuartitsinerup ingerlanerani uumassusilerinermi oqaatsinut allattorsimaffiliortoqassaaq. Taanna allattorsimaffik atuartunit kalaallisut qallunaatullu nutarterneqartarsinnaassaaq.
Atuartitsinerup ingerlanerani siuariartortoqassaaq, tassa atuartitsinerni siullerni uumassusilerinermi ilisimasat sammineqassapput atuartitsinernilu kingullerni nunarsuup kissatsikkiartornerani kingunerit pillugit isummersortarnermut ilisimasanullu tunngasut sammineqassapput.
Suliat annertusineqarnissaannut atortunillu allanik ilanngussinissamut periarfissaqarpoq.
Atuartitsinermi Kalaallit Nunaanni naasut alliartornerat naasullu issittumut naleqqussarneri sammineqarsinnaapput.
Atuartitsinerup ingerlanerani karsimi kaarsilimmi taartumi qaamasumilu kiisalu issortalimmi 02 aamma C02 uuttortarneqassapput, fotosyntese anersaartornerlu qanoq sunniuteqarnersut takuniarlugit. Misileraanermi uuttuutit uumassusilerinermut tunngassuteqanngitsunut saatinneqarsinnaapput silalu ajunngippat silami sumiiffinni aalajangersimasuni (in situ) naasut uuttortarneqarsinnaapput.
Piumasaqaatit
Atuartitsinissaq uumassusilerineq C-mut tulluussagaammat atuartunut immikkut piumasaqaatitaqanngilaq. Taamaakkaluartoq cellet sananeqaataat pillugit ilisimasaqarneq, misileraanissamut inissititerisinnaaneq kiisalu pissarsianik apeqqusersuisinnaaneq iluaqutaassapput.
Ilikkagassatut pilersaarutinik akuersaarneq Ilikkagassatut anguniakkat
a) uumassusilerinermi teoriinik suleriaatsinillu nassuiaaneq,
b) uumassusilerinermi paasissutissanik pissarsiffissanit assigiinngitsunit pissarsineq taakkualu pitsaassusaannik nalilersuineq,
c) uumassusilerinermi misileraanermi aallaavissatut paasiuminartunik naatsorsuusiorneq,
d) pinngortitami laboratoriemilu uumassusilerinermi paasissutissanik misileraalluni katersineq suliaqarnerlu,
e) uumassusilerinermi misissuinikkut paasisanik atuineq suliaqarnerlu nalunaarusiornermillu nalunaarsueriaatsinillu misilittaaneq,
f) taaguutinik uumassusilerinermi pissutsinut tunngasunik atuinikkut oqaluttariarsornikkut allattariarsornikkullu oqaasinngortitsisinnaaneq aamma
g) uumassusilerinermut atatillugu inuttut inuiaqatigiitullu ajornartorsiutinik oqallinneq.
Sammisaq qitiusoq
a) eukaryote cellet,
b) cellet sananeqaataat atuuffiilu taakkulu aalajangersimasut suleriaasaat
h) Uumasoqatigiiaat sananeqaataat atuuffiilu, soorlu nerisaqaqatigiit tulleriaarnerat, nukiit kaaviiaarnerat (stofkredsløb), nukiit ingerlaarfii i) uumasoqatigiiaat aalajangersimasut, Kalaallit Nunaanni nunarsuullu sinnerani,
i) tappiorannartut uumasoqatigiiaanut sunniutaat,
k) uumasoqatigiiaat inuit suliaannut sunniutaat aamma
l) avatangiisimik illersuineq pinngortitamilu piujuartitsisumik atuineq nunatsinni pissutsit pingaartillugit.
Assigiinngitsunik suliallit suleqatigiinnissaannut isumassarsiat
Atuartitsinermi geografimut tunngasut ilanngussuunneqarsinnaapput, geografimi nunarsuup kissatsikkiartorneranut pissutaasut kingunerisassaalu sammineqarnerussallutik. Atuartitsinermi inuiaqatigiilerineq akunnermuliunneqarsinnaavoq, taamaaliornikkullu nunarsuup kissatsikkiartornerata kiisalu Kalaallit Nunaata nunarsuup silaannaa pillugu politikia inuiaqatigiinni pissutsinut kingunerisaat oqallisigineqarsinnaallutik.
Semesterimi inissisimaneq
Atuartitsinermi piffissap atuarfiusup naanerani inissisimappat iluaqutaasinnaavoq, tassami seqineq nuisanerusarmat silalu ajunnginnerussalluni.