Qulequtaa: Issittumi silap allanngorneri
Ilinniartitsissut: Uumasulerineq
Linki: https://www.nucleus.dk/boeger/trykte-boeger/klimaforandringer-i-arktis-detaljer
Alle kapitler (Dansk), Kapitel 1 (Kalaallisut)
Ilusilernera:
Atuakkiortut: Jesper Rugaard Mebus, Svend Erik Nielsen
ISBN: 978-87-92158-72-3
Silap allanngoriartornerani uumasoqarnermut tunngasut erseqqissaavigineqarnissaat sivisuumik amigaataasimavoq. Matumani allaaserisanit tamanna samminiarneqarpoq,
A-mik aamma B-mik piginnaanilinnut taanna atorneqarsinnaavoq, assersuutigalugu allaaserisat aallaavigalugit soraarummeernissamik piareersarnermut atatillugu.
Allaaserineqarnera:
Siulequt
2009-imi saqqummerpoq atuagaq Naturen og klimaændringerne i Nordøstgrønland(Kalaallit Nunaata Kangiani avannaani pinngortitaq aamma silap allanngorneri), taannalu ilisimatusarneq tunngavigalugu Kalaallit Nunaanni ilinniusiatut nuna tamakkerlugu najukkamilu pisariaqarmat saqqummiunneqarpoq. Atuakkami amigaatituaavoq tassani kapitalinut atatillugu ilitsersuutitut atorsinnaasunik assersuusiortoqarsimannginnera. Ilinniartitsininnut/-nitsinnut atatillugu taamatut amigaataasoq pissutigalugu atuagassat katersat atuakkanut tulliuttunut taaneqartut toqqaannartumik attuumassutillit pilernikuupput.
· Kalaallit Nunaata Kangiata avannaani pinngortitaq aamma silap allanngorneri
· Kalaallit Nunaanni uumassuseqarfiusut
· Kalallit Nunaata geologiiata allanngoriartornera
Ilinniutini geologiimi, uumassusilerinermi aamma kemimi suliniutit ingerlanneqarnerinut atatillugu atuagassat suliaapput, taamaattorli allanut atatillugu aamma atorneqarsinnaallutik. Taakku teknikikkut suliaqarnermi A-mik piginnaasaqartunut suliaapput, taamaattorli atugassiat ilai B-mik piginnaasaqartunit aamma atorneqarluarsinnaapput, tunngaviliunneqartariaqarporli atugassiat ilaannut uumassuseqarfiusut pillugit tunngaviatigut ilisimasaqarnissaq.
Ilinniarnertuunngorniarfimmi klassit akornanni ilisimasanik avitseqatigiissinnaaneq suliniummi isumaavoq, aamma ilisimatusarneq tunngavigalugu suliaqarnikkut atuartut tungaannit pissutsit assigiinngitsut arlallit assersuunneqarsinnaapput/misissorneqarsinnaapput. Tamanna ilisimatusarneq tunngavigalugu ilinniartitsinertut taavarput, suliakkiissutigineqassaarlu atuartut maanna pissutsinut pisunut aamma attuumassutilinnik ilisimatusarnermut tunngasunik suliaqarnissaat, ilisimatuut suliarisimasaannit angusanut sanilliunneqarsinnaasunik paasisatik nallersuunnissaat, kiisalu angusatik pillugit ilisimasaminnik allanik paarlaasseqatigiinnissaq
Neriuppugut tamanna suliniutinut nutaanut isumassarsisitsisinnaassasoq, ilinniartullu klassiminniit anillutik pinngortitami ilisimatuujusaartarnissaat. Taamatut ingerlatsineq illoqarfinni/nunani allani ilinniarnertuunngorniarfinni klassit allat ataatsikkut peqatigalugit ingerlanneqarsinnaavoq.
Taamatut suliniuteqarnermut atuagassat sisamat suliarineqarput: (“Nunap naqqani uumassuseqarfiusunik ilisimatuussutsikkut asimi suliaqarneq”) , , (Geologii pillugu ilisimatuussutsikkut asimi suliaqarneq”), aamma ”(Tatsini uumasulerineq ilisimatuussutsikkut asimi suliaqarneq”). . Atuagassat ataatsikkut immikkoortiterlugilluunniit atorneqarsinnaapput, asimilu suliaqarnermi ilitsersuutitut/sungiusaatitut. Atuagassat tamarmik ukunannga katitigaapput:
· Ilinniartitsisumut ilisarititsineq
· Filminut allaatigisanullu attuumassutilinnut atuagarsorneq pillugu immikkoortoq linksilik/QR-kodelik
· Ilinniartumut ilitsersuutit
Atugassiat taakku saqqummersinneqarnerannut atatillugu Namminersorlutik Oqartussat atortussiat ineriartortinnerinut aningaasaqarnikkut tapersersuisimanerannik aamma Kasper Busk aqqutigalugu siunnersorteqarnermut qutsavigerusuppavut.
Atugassiat ukunannga suliarineqarput:
Geologi - Søren Nielsen fra Htx/GU Sisimiut/GL
Naasunik ilinniarneq - Sine Madsen fra Htx/GU Sisimiut/GL
Tatsini uumassuseqarfiusut– Kit Nielsen uannga Htx Fredericia
Nunap naqqani uumassuseqarfiusut – Jakob Bach Andersen uannga Htx Fredericia (Projektansvarlig- jmb@eucl.dk
