airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Sammisat app

Sammisat – Majoriami ilinniartitsinermut atortorissaarut
Sammisat – Majoriami ilinniartitsinermut atortorissaarut

Sammisat tassaavoq Majoriami ilinniartitsisunut iPad’imi ilinniartitsinermut app’i, taanna iluaqusiullugu ilinniartitsisoq ilinniartitsinissamut ingerlatassanik pilersitsillunilu ilinniartitsinermik ingerlatsisinnaalluni. Sammisanut aamma ilinniartunut app’eqarpoq, android’inut iPhoninilu smarttelefoninut Suliakka’mik taaneqartartoq.

Majoriami ilinniartitsisunut:

Sammisat app iTunesimit downloaderuk. Isissutissamik qinussaaq ammarukku, tassalu taanna Majoriami aqutsisunit pissavat.

Atortorissaarutit atuisunut atoruminarsakkat

Sammisaniippoq boardi atortorissaarutinik sisamat tikillugit imaqarsinnaasoq, ilinniartitsisorlu ilinniartitsinermik ingerlataqarnermi ataatsimi boardsit arlallit ilanngussinnaavai. Boardsini atortorissaarutit tamarmik ilusilersugaareersimapput, taamaalilluni inississuinissaminut ilinniartitsisoq piffissaajassanani, taamaallaalli ilinniartitsinermi sulianik sammisatigut imarisassat sammissallugit. Tamatumuuna app’ip piaartumik savisuumillu suliaqarfiginissaa paasisassaavoq.

Sammisat app’imi nukittussuseq atuisunut atoruminarsagaaniippoq, kiisalu atortorissaarutini atorneqarsinnaasuni. Ilinniartitsinerup aaqqissuunnissaanut atortorissaarutit tassaapput: Video, YouTube, Google, Assiliartat, Suliassat, Nipimik immiussinerit minnerunngitsumillu ilikkagassatut anguniakkat.

Ilikkagassatut anguniakkat atortorissaarutitut
Sammisat’ni fagini qallunaatut, tuluttut, matematikki, kalaallisut aamma temafagimi ilikkagassatut anguniakkat ilanngunneqarput. Ilikkagassatut anguniagaq sorleq aallaavigalugu ilinniartitsisoqarneranik ilinniartitsinerup siunertaanik nassuiaasoqarsinnaaneranik tamanna isumaqarpoq. Boardigisamut ilikkagassatut anguniakkanik ilanngussinikkut ilinniartitsinermut suna piviusutut siunertarpiaaneranik ilinniartup ilisimasaqarnissaanut aamma periarfissiivoq, aammattaarli aamma ilinniartitsisumut, ilinniartitsinerminik aaqqissuussinissaanut periarfissiilluni. Ilinniartitsisup atortussaatini allanit agguaassimappagit tamanna aamma ilikkagassatut anguniagaq sorleq atorneqarnersoq takuneqarsinnaalissaaq, taamaalillunilu ilinniartitsisup akornanni paarlaasseqatigiissutaasumik isumassarsisarneq pinngorpoq. Atuisartunut allanut nassiunneratigut, imaluunniit kikkunnit tamanit takuneqarsinnaasunngorlugu tamanut saqqummiunneratigut ilinniartitsisup atortussaatimi siammarternissaat toqqarsinnaavaa.
Atortussat aamma ilisimasanik siammarterineq
Majoriami atuagarsornikkut piginnaanngorsaanermik ingerlassaniittuni saaffigisanut, tassaasunut inersimasut inuusunnerusunut sammititaasuni nunami namminermi ilinniartitsissutinik peqannginneranik Majoriami ilinniartitsisut immikkut ittunik unammillerfeqarput. Naatsumik oqaatigalugu taakkununnga Inerisaaveqaraniluunniit Ilinniusiorfeqanngilaq. Ilinniartitsisulli imminnut slides’iutiminnik nassiussisinnaanerisigut Sammisat atortussanik paarlaasseqatigiinnermik ilisimasanillu siammarterinermik periarfissiipput, aammattaaq app’imi kikkunnut tamanut ammasumi katersaatini atortussat tamanut saqqummiunneratigut siammarterisoqarsinnaavoq. Tassaasinnaapput ataortussat nammineq ineriartortitat, imaluunniit internettimit pissarsiarisat. Aamma ilinniartitsup allap ilinniartitsinermik ingerlatarisaanit slides’inik assilisaqarluni atortussat imminik pigilersinnissaat periarfissaavoq. Ilinniartitsisumit allamit ilinniartitsisup atortussat aaneqaraangat aallerfigisaq tamanna pillugu nalunaarfigineqassaaq, taamaalilluni suut tamarmik takuneqarsinnaasarlutik.
Ilinniartumut app’i, Suliakka

Ilinniartitsisunut allanut, ilinniartuutinut imaluunniit gruppikkaanut ilinniartitsisup ilinniartitsinermik ingerlatassaatini siammartersinnaavai, kiisalu Lektion aqqutigalugu ilinniartuutiminut suliassiissutit nassiussinnaallugit, taakkulu ilinniartup Suliakkat iPhonimi imaluunniit Android app’ikkut suliarisinnaavai.

Suliakka tassaavoq iPhonini aamma Androidini smartphonesiniilluni ilinniartunut app’i ilusilersugaq. Tassaavoq ilinniartumut sulinissamut aallaavissaq, tassani ilinniartup namminersuutitut ilanngussat suussutsinut immikkoortitikkanik suliarisinnaallugit. Ilanngussaq tassaasinnaavoq Allakkiat, Ilinniagassat, Anguniakkat, Logbogi, Namminersuutaasoq imaluunniit Nassiussassaq.

Suliassat ammarlugillu suliarisassat

App’i marlunnik feeds’eqarpoq, aappaa tassaalluni ilinniartup namminersuutigisatut ilanngussaa, aappaa tassaalluni ilinniartitsisumit tiguneqartutut Suliassat. Suliassani ilinniartup ilinniartitsisup Lektion’ia ammarsinnaavaa (Boards’it), suliassaq ammarlugulu suliarisinnaallugu, taannalu ilinniartitsisup Sammisat iPad app’ianut tunniuteqqinneqarsinnaavoq.

Ilanngussat aamma Suliassanik suliaqarnerup ilinniartumut atortorissaarutit makku neqeroorutigai: Allataq, assilisaq, assilisap inissinnera, videoliorneq, videoliap inissinnera, nipip immiunnera, link boksi, assilisaq (aamma qalipaatit katitigaanerinik imalik, kiisalu assilisamik inissiineq).

Teknologiimik nutaamik atuinissamut tunngavitsialak

Ilinniartitsisunik ilinniartunillu suut suliaqartitsisarnerini allannguuteqarneq misigaarput. Meeraanerminniilli ilinniartut kinguaariit nutaat allatanik, assilisanik, videonik, nipimik, linksinik qarasaasiamilu atorsinnaatitanik assilisanik suliaqarnissamut piginnaaneqareersut.

Sammisani aallaavissiap atortorissaarutit savituut, toqqammavissallu pilersitsiviusut sammisarai, taamaalillutik ilinniartitsisoq ilinniartorlu imarisaanik suliaqarsinnaalerlutik.

Sammisat tassaavoq suliani sammisat imarisaannut tunngasoq. Imarisanik pilersuerpiarneq tassaavoq Sammisat’nik immikkoortitsisoq, ilinniartitsinermi atortussanik ineriartortitaqarlunilu katersuinermik ingerlassamik pisariillisaallunilu nukittorsaasimammat.

Kingullermik nutarterneqarpoq: 02. marts 2020