airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Ilinniusiat atorneqarsinnaasut

Ilinniartitaanermik Aqutsisoqarfik ilinniusianik katersaateqarpoq atuartitsinermi atorneqarsinnaasunik.
Ilinniusiat tassaapput ilinniartunit, ilinniartitsisunit, atuarfiillu aqutsisuinit aammalu meeqqat angerlarsimaffiini sulisunit atuartitsinermut atatillugu Siammaavimmit atorneqarsinnaasut.
Atorniartarneq nutaaq - MitCFU

Aggustip aallaqqaataa 2022 aallarnerfigalugu Ilinniartitaanermut Aqutsisoqarfiup atuartitsinermi atortussanik atorniartitsisarnermut periuseq nutaaq atulerpaa – http://www.mitcfu.dk/

Qanoq atuisunngortoqartarpa?

Ilinniartitsisut ilinniartitsisunngorniallu tamarmik unilogin-eqarput. Unilogin-eqaruit atuartitsinermi atortussanik katersaatigisatsinnik atorniarsinnaaleriissaatit.
Unilogin-imik ajornartorsiuteqaruit atuarfiup qarasaasialerisua attavigiuk.

Atortussat qanoq atorneqartarpat?

Ilitsersuutini matuma ataaniittuni paasisaqarnerusinnaavutit:

MitCFU login

MitCFU atorniarneq

Malugiuk atortussat atorniarneqarsinnaasut tamakkerlugit periutsimut nutaamut suli nuunnginnatsigit. Atortussat atorniakkatit MitCFU-mi nanisinnaanngikkukkit Siammaavimmi siunnersortinut allallutit sianerlutilluunniit saaffiginnigit, taava ikiussavatsigit.

Ilinniusiat atorneqarsinnaasut

Ilinniusiat tassaapput klassimut naammattunngorlugit atorneqarsinnaasut aamma ilinniusiat ataasiakkaat isumassarsiorfittut atorneqarsinnaasut.

Ilinniusianik atorniartarfik - 
Ilinniusiat klassimut naammattut imaluunniit arlariit 

  • Karsit aaliangersimasunik sammisassaqarnermut imallit
  • Ilinniusiat tigussaasut, -spil-it
  • Ilinniusiat  digitalimik teknoligimillu atuartitsinermi atorneqarsinnaasut

 

Ilinniusiat Paasissutissiisut/ Ilinniusiat ataasiakkaat

  • Ilinniusiat ataasiakkaat
  • Ilinniusiat tigussaasut, -spil-it

 

  
Atornermut taarsiititaanissamullu mailittarisassat

Atornermut piffissaliussat

  • Ilinniusiat – ullut 30-it

Atorneq aatsaat sivitsorneqarsinnaavoq atugassat allanik attartorniarneqarsimanngippata.
Atornissamut piffissaliussaq qaangerneqarsimappat, sivitsuisoqarsimanngippallu utertitseqqusinermik allagaqassaagut.

Taarsiititaanissaq

Siammaaviup naatsorsuutigaa atortut suulluunniit atortinneqartut tiguneqarnerattut isikkoqartillugit utertinneqassasut. Taarsiisoqarnissaanut piumasaqartoqassaaq atortut atorneqarsimasut

  • Annaaneqarsimappata
  • Aserorsimallutik imaluunniit amingaateqarlutik utertinneqarpata

Taarsiisoqarnissamut akileeqqusissut Siammaaviup atorniarsimasup suliffianut allassimasumut nassiutissavaa.


Nassitsineq

Biiliussineq


Ilinniartitaanermut Aqutsisoqarfik-up Nuummi atuarfinnut sapaatip akunneranut marloriarluni atorniakkanik aatsineq aallernerlu ingerlattarpaa.

  • Marlunngornermi tallimanngornermilu nal. 10-11.30.

Atortussanik aggiussititsiniaraanni kingusinnerpaamik akunnernik 24-nik sioqqutsilluni inniminniisoqarsimassaaq.

Umiarsuakkut/Timmisartukkut

Nuup avataanut ilinniusiat atorniakkat umiarsuakkut nassiunneqarnerusarput – ilinniusiat timmisartukkut taamaallaat nassiunneqartarput umiarsuakkoortinneqarnissaat ajornaraangat. Taamaattumik ilinniusianik atorniarnermi nassiunnerannut piffissamik atuinissaq naatsorsuutigineqassaaq, .

Nassitsinermut akit

Ilinniartitaanermut Aqutsisoqarfiup atuarfiillu nassitsineq avittarpaat, imaalillutik:

  • Ilinniartitaanermut Aqutsisoqarfiup atortut atorniartunut nassiunnerat akilertarpaat.
  • Atuarfiit atukkatik Ilinniartitaanermut Aqutsisoqarfik-mut utertinneri akilertarpaat.

Sófiârak Tobiassen

Teamleder/atuarfinnut siunnersorti Siammarterinermi atorniarnermilu

(+299) 34 62 79

soto@nanoq.gl

Ane Sofie P Heilmann

Atuarfinnut siunnersorti Siammarterinermi atorniarnermilu

(+299) 34 62 40

ansh@nanoq.gl

Kristina Rosing Lynge

Suliniummik ataqatigiissaarisoq

(+299) 34 61 64

krly@nanoq.gl

Ilinniusiat digitaliusut
Takukkit
Ilinniusiorfiup ilinniusiai
Takuuk
Online-ikkut isumassarsiorfiit
Takukkit
Fagit atuartitsinerlu
Takuuk
Kingullermik nutarterneqarpoq: 30. september 2022