30. april 2020
Bibliotekkerput pequusivippullu atuisunut ammaqqipput
16. april 2020
Ilinniartitaanermut Naalakkersuisup Ane Lone Baggerip siunnersuineratigut Naalakkersuisut aalajangerput, meeqqat atuarfianni 10. klassimi inaarutaasumik misilitsinnerit taamaatinnarneqarnissaannik nalunaarut atulersinniarlugu.
15. april 2020
Naalakkersuisoqarfimmiit inaarutaasumik misilitsittoqassanersoq pillugu suliassaq pingaarutilittut Naalakkersuisunit Naalakkersuisoqarfimmiillu ingerlanneqartoq ilisimatitsissutaavoq, piffissamilu qaninnerpaami nalorninarunnaassasoq oqaatigineqarluni.
14. april 2020
Corona peqqutaalluni allattariarsornermi misilitsissutinut censoriusussanut allattorsimaffik suli avammut saqqummiunneqanngilaq.
Allattorsimaffik atuarfinnut censorissanullu martsip naalernerani nassiussorneqareertussaagaluaq nassiunneqarumaarpoq Ilinniartitaanermut Aqutsisoqarfiup pisortaa nalunaarfigineqareeriarutta.
12. april 2020
Nalunaarutigissavarput virusimik tunillaassuunnissaq pinaveersaartinniarlugu Siammaavik (ilinniusianik atorniartarfik) kiisalu Ilinniusiorfiup ilinniusiaanik (lageri) inniminniisarfik taamaallaat oqarasuaatikkut emailikkullu attavigineqarsinnaagallassammata. Tassa atorniartarfitsinnik lagerimillu atuisunut matoqqagallassapput.
Siammaavimmi atorniartartut ilinniusianik atorniarunik nittartakkanut ukunnunnga iserlutik atorusutaminnik misissuisinnaapput:
http://booking.inerisaavik.gl/libraryweb/simpel.aspx?bibID=%7bBE3C5B95-2456-45B2-AC43-611FFEEFF991%7d
http://info.inerisaavik.gl/infoweb/start_frame_ew.aspx?bib=Inerisaavik,%20Informationsamlingen
Ilinniusiat atorusutat allattoriarlugit uunga nassiunneqassapput ila@nanoq.gl.
Ilinniusiorfiup ilinniusiaanik inniminneerusukkuit una linkeq aqqutigalugu inniminnigassat immersuiffissarlu nassaarisinnaavatit:
https://iserasuaat.gl/Emner/Folkeskole/Bestil%20undervisningsmaterialer?sc_lang=kl-GL
Immersugaq uunga nassiunneqassaaq: ila@nanoq.gl
Ilinniartitaanermut, Kultureqarnermut, Timersornermut Ilageeqarnermullu Naalakkersuisup Danmark-imi efterskolit aamma fagskolit namminersortut tikeraarsimavai
Tamakkerlugu atuarukPimmatiginnittarneq ajoraluartumik suli ajornartorsiutaavoq – aamma Kalaallit Nunaanni. Taamaammat Ilinniartitaanermut Aqutsisoqarfik Isumaginninnermullu Aqutsisoqarfik Mary Fonden aamma Red Barnet peqatigalugit Kalaallit Nunaanni qinngasaarisarnermik akiuineq peqatigiillutik annertusaaffiginiarpaat. Tamanna qinngasaarisarnermut akiuinermi suliniut Kammagiitta aqqutigalugu ingerlanneqassaaq.
Tamakkerlugu atuarukNuuk Internationale Friskolemi 6. klassimi atuartuusut teknologiimi paasinninnerup nutaaliornerullu silarsuaat pulataarfigivissorpaat. Ukiaaneranimi DR Ultrap atuartitsissutigisaanut atatillugu nammineerlutik flippermaskiinaliorlutik suliaqarfigilluakkaminnik ilikkagaqarfigilluakkaminnillu projekteqarput.
Tamakkerlugu atuarukMatematikkimi pinngortitalerinermilu atuartitsisarpit? Atuartitsissutini taakkunani ilisimasaqarnerulernissat atuartitsininnilu atorsinnaasavit qaffasinnerulernissaat soqutigiviuk? Taamaappat Nuummi ulluni 29. februar - 2. marsimi Pikialaartitsinissamut peqataanissamut nalunaarit.
Tamakkerlugu atuarukKanali ilinniartitsisunit tamanit atorneqarsinnaavoq. Tassaavorlu atuarfiit immikkut atugaqarlutik misilitsittussanik misilitsitsisarnerminni misilittakkatik pillugit attaveqaqatigiiffigisartagassaat digitaliusoq.
Tamakkerlugu atuaruk