Oktobarip 28-anni Kalaallit Nunaanni nal. quliniit aqqanermut Kalaallit Illuata Odensemiittup atuartut ilinniartitsisullu Kalaallit Nunaanniittut atuanngitsoortarneq atugarliornerlu pillugit akeqanngitsumik isiginnaartitsinissamut qaaqquai.
Oqaluttuarineqartut atuartunut ilinniartitsisunullu assingusunik misigisaqarsimasunut, taamatulluunniit misigisaqarsimasunik ilisimannittunut ilisarnartarput. Taamaattumik takutitsinermut atatillugu atugarliorneq pillugu oqaloqatigiinnissaq periarfissaavoq.
Takutitsineq isiginnaartitsisarfinni isiginnaartitsisulerluni isiginnaagassiatut isiginnaagassianngilaq, isiginnaartitsinissamili inuit misigisalersaartillugit oqaluttuartinneqassapput.
Isiginnaartitsinerup kingornagut isiginnaartut oqaluttuartunut sms-erlutik apeqquteqarnissaminnut periarfissinneqarumaarput. Aamma atuartitsinermi atortussanik isiginnaartitsinerup kingornagut atuarfimmi suliarineqarsinnaasunik ineriartortitsisoqarsimavoq.
Taakku 13-inik ukiulinnut angajulliusunullu naleqqussagaapput.
Atuartitsinermi atortussat aamma isiginnaartitsinermut paasissutissat uaniipput: https://www.contact.dk/forestilling/tag-dig-sammen/
Peqataanissamut isissutissat akeqanngitsut uani inniminnikkit: https://billetto.dk/en/e/tag-dig-sammen-tickets-481574/
Apeqqutissaqaruit suliniummi aqutsisoq Helena Aviaja Eley helena@contact.dk-imut allallutit imaluunniit +45 26 31 20 54-imut sianerlutit aperisinnaavat.
Ilinniartitaanermut, Kultureqarnermut, Timersornermut Ilageeqarnermullu Naalakkersuisup Danmark-imi efterskolit aamma fagskolit namminersortut tikeraarsimavai
Tamakkerlugu atuarukPimmatiginnittarneq ajoraluartumik suli ajornartorsiutaavoq – aamma Kalaallit Nunaanni. Taamaammat Ilinniartitaanermut Aqutsisoqarfik Isumaginninnermullu Aqutsisoqarfik Mary Fonden aamma Red Barnet peqatigalugit Kalaallit Nunaanni qinngasaarisarnermik akiuineq peqatigiillutik annertusaaffiginiarpaat. Tamanna qinngasaarisarnermut akiuinermi suliniut Kammagiitta aqqutigalugu ingerlanneqassaaq.
Tamakkerlugu atuarukNuuk Internationale Friskolemi 6. klassimi atuartuusut teknologiimi paasinninnerup nutaaliornerullu silarsuaat pulataarfigivissorpaat. Ukiaaneranimi DR Ultrap atuartitsissutigisaanut atatillugu nammineerlutik flippermaskiinaliorlutik suliaqarfigilluakkaminnik ilikkagaqarfigilluakkaminnillu projekteqarput.
Tamakkerlugu atuarukMatematikkimi pinngortitalerinermilu atuartitsisarpit? Atuartitsissutini taakkunani ilisimasaqarnerulernissat atuartitsininnilu atorsinnaasavit qaffasinnerulernissaat soqutigiviuk? Taamaappat Nuummi ulluni 29. februar - 2. marsimi Pikialaartitsinissamut peqataanissamut nalunaarit.
Tamakkerlugu atuaruk