Ilinniartitaanermut Aqutsisoqarfiup portali nutaaq, Kalaallit Nunaanni meeqqat atuarfianni atuartuusut digitaliusuni naleqquttumik ileqqoqarneq pillugu ilisimasaqarnissaannik qulakkeerinneqataaffiusussaq, pilersippaa. Taamaalillutit illit ilinniartitsisutut atuartuutinnut ajornaatsumik akeqanngitsumillu atuartitsinermi atortussat modulinut sisamanut avinneqarsimasut naammassitissinnaalerpatit.
WiFive tassaavoq atuartitsinermi atortussaq modulinut sisamanut avinneqarsimasoq aamma TDC Groupimit Danske Skoleeleverimiillu digitaliusuni ataqatigiilluarnissamut tunngatillugu ineriartortinneqarsimasoq. Atuartut akulliit digitaliusutigut ataqatigiinnerisa nukittorsarnissaat matumani angorusunneqarpoq.
Modulini makku sammineqarput:
”Atuartitsinermi atortussat nuannarineqarluartut kalaallisut saqqummersissinnaagatsigit nuannaarutigaara, Kalaallit Nunaannimi atuartut taakku pigisariaqarpaat. Atortussat suliaralugillu misilerarsimavagut, taakkununngalu tunngatillugu nuannersuinnarnik tusartarsimavunga. Qallunaatuui 12.000-erlutik aaneqarsimapput.” Esther Vyff, Danske Skoleeleverimi siulittaasuusoq, oqarpoq.
Portalip Kalaallit Nunaanni atulersinneqarneranut Ilinniartitaanermut Aqutsisoqarfiup pisortaa Simon Lennert ima oqaaseqarpoq: ”Internetip, mobilit, qarasaasiallu inuusuttut inuuneranni pingaarutilimmik inissisimanerisa nalaanniippugut, taamaattumik piffissaatillugu digitaliusutigut ileqqorissaarnissaannik ilinniartitsinissarput pingaaruteqarpoq. Atuartitsinermi atortussat allanngueqataallutillu atuarnerup nalaani ataqatigiilluarnermik atugarissaarnermillu pilersitseqataanissaat neriuutigaarput.”
Portali akeqanngitsuuvoq, ilinniartitsisuniillu Kalaallit Nunaanniittunit tamanit wifive.dk-mut iserluni Kalaallit Nunaata erfalasua toorlugu akeqanngitsumik aaneqarsinnaalluni. Ilinniartitaanermut Aqutsisoqarfiup WiFive 2019-imi suleqatigilersimavaa periusissiamullu Atuarfik Digitaliusumut atatillugu digitaliusuni naleqquttumik ileqqoqarnissamik suliniut aallarnisarsimallugu.
Paasisaqarnerorusuttut IT-mik atuinermi siunnersortimut Ane-Kathrine Petersenimut akpe@nanoq.gl-imut allallutik attaveqarsinnaapput.
Ilinniartitaanermut, Kultureqarnermut, Timersornermut Ilageeqarnermullu Naalakkersuisup Danmark-imi efterskolit aamma fagskolit namminersortut tikeraarsimavai
Tamakkerlugu atuarukPimmatiginnittarneq ajoraluartumik suli ajornartorsiutaavoq – aamma Kalaallit Nunaanni. Taamaammat Ilinniartitaanermut Aqutsisoqarfik Isumaginninnermullu Aqutsisoqarfik Mary Fonden aamma Red Barnet peqatigalugit Kalaallit Nunaanni qinngasaarisarnermik akiuineq peqatigiillutik annertusaaffiginiarpaat. Tamanna qinngasaarisarnermut akiuinermi suliniut Kammagiitta aqqutigalugu ingerlanneqassaaq.
Tamakkerlugu atuarukNuuk Internationale Friskolemi 6. klassimi atuartuusut teknologiimi paasinninnerup nutaaliornerullu silarsuaat pulataarfigivissorpaat. Ukiaaneranimi DR Ultrap atuartitsissutigisaanut atatillugu nammineerlutik flippermaskiinaliorlutik suliaqarfigilluakkaminnik ilikkagaqarfigilluakkaminnillu projekteqarput.
Tamakkerlugu atuarukMatematikkimi pinngortitalerinermilu atuartitsisarpit? Atuartitsissutini taakkunani ilisimasaqarnerulernissat atuartitsininnilu atorsinnaasavit qaffasinnerulernissaat soqutigiviuk? Taamaappat Nuummi ulluni 29. februar - 2. marsimi Pikialaartitsinissamut peqataanissamut nalunaarit.
Tamakkerlugu atuarukKanali ilinniartitsisunit tamanit atorneqarsinnaavoq. Tassaavorlu atuarfiit immikkut atugaqarlutik misilitsittussanik misilitsitsisarnerminni misilittakkatik pillugit attaveqaqatigiiffigisartagassaat digitaliusoq.
Tamakkerlugu atuaruk