Corona killilersuinerlu

Corona killilersuinerlu

Ukioq 2020–imi Covid19 -ip nunarsuarmi tuniluunnera Majoriami ilinniartunik Danmarkimi højskolertarneq ingerlatamut misillerfigineqarsimaqaaq. Ilinniartunut, Majoriaqarfinnut, ilinniartitaanernut, angajoqqaannut, GCDH-mut højskolinullu ilinniartunik tigoraarusukkaluartunut.
Ajornerpaaffiani, upernaaq 2020, ilinniartut 39-vit Qallunaat Nunaani højskolersimagaluarput.
Arlallit nunatsinnut angerlaannarput, ilinniartut 31-viunnanngorlutillu. Ukiaanerani 2020-mi ilinniartut 13-nit nutaat Dk-mi atualerput. Ukioq manna 2021-mi ilinniartut taammaallat arfinillit (6) højskolinut pingasunut atualerput. Ukiut tallimat matuma siorna Qallunaat Nunaani højskolertartut ilinniartut 57–missaani aallartillutillu naammassisarsimagaluartut.
Naalakkersuisut, GCDH–lu juni 2020 innersuussisimapput Majoriaqarfimmi Qallunaat Nunaannut ilinniariartartut atuariartittarnerat utaqqisilaaqqullugit.
Maannakkut Qallunaat Nunaat ammaqqinnikuuvoq, nalunngikkaluarlugu ullut tamaasa tunillatsittut amerlassusai allanngoraanavissut (okt. 2021) soorlu 600-800 akornanni. Kisitsisit allanngoraanavipput. Maannakkut inuusuttut, meeqqallu akornanni tuniluunneq ingerlavoq, tassami kapitinneqanngitsut taakkunannga amerlagamik.
Piumasaqaatit kingullermiit oqilisaaffigineqaraluarlutit, aammalumi Nunatsinniit innuttaasugut (Kalaallit Nunaanniit) malittarisassat qallunaat nunaaniikkutta Qallunaat Nunaani oqartussanik malitsinneqartussat malinneqassapput, taammaammat ilinniartunngortussat, Majoriamilu sullissisut allatut piumaffigineqarnissaat pisariaqarsinnaavoq.
Taammaammat Naalakkersuisoqarfimmit (ISN), GCDH-minngaanniillu innersuusseqqissinnaalissaagut Majoriami højskolertarnermut aaqqiissutaasumik Qallunaat Nunaani højskolertarneq atoqqinnerulerneqarsinnaassasoq, tassungalu killiffitsinniit, inuusuttuaqqat Qallunaat Nunaani højskolertarneq pilersaarusiorlugu aallartinneqarsinnaassaaq. Soorlu aasamiit 2022.
Ilinniartussat toqqissinarnerpaammik isumannanngitsumik, eqqissimanartumillu tunineqassappata Qallunaat Nunaannukannginnerminik, innersuukkusussavarput Ilinniartussaq aallannginnerminik marloriaq tamakkiisumik Covid19 -mut akiuussutissamik kapitittariaqassasut . Aammattaaq højskolimiit suliniutaasartut soorlu nunanut allanut takusassarsiornerit pisarmata, tassani killerlersuutit akimmisaarfiusut allarluinnaasarlutit.
Majoriaqarfinni aqqutissiuisut toqqissinerullutit sulisinnaalissapput, ilinniartut DK-Højskolertut Dk-mi mattussaasarnerit, napparsimaleriasaarnerit pinaveersaartinniarlugit .
Uku paasissutissat kingulliit højskoolit peqatigiiffianiit nittartagaanniit www.hojskolerne.dk imaluunniit www.ffd.dk-mi takuneqarsinnaavoq/ Issuaaneq
10.sept 2021 kingorna Covid19-mut misissortittarneq.
Eqqikkaaneq
Maannakkumiit qitiusumiit højskoliniit malittarisassaqarunnaarpoq.
Højskoolit aallaavigineqassapput misissuiviit tamanut ammasartut misissortinnissamut (test) atorneqartassasut. Atuarfiit (højskoolit aamma sukkasuummik misissortinneq (lyntest) atorneqartussatut toqqarsinnaavaat. Atuarfiup nammineq toqqaannartumik misissuinissamut atortorissaarutinik pisisinnaavoq imaluunniit atortunik sinneqartunik utertitassaanngitsunik peqalernermik misissuisinnaalissallutik.
Højskoolit nammineq nalilissavaa suut najoqutassat atuarfimmut atussagaat aammalu paasissutissat pisariaqavissut sorliit peqqinnissaqarfimmiit aaneqartassasut.
Højskoolit nammineq immikkut malittarisassanik piumasaqaatinik nutaanik sukaterisinnaapput tassani piumasaqaatigalugu, misissortinneq ( test) coronapas, qanermullu assiaqutit atorneqassanersut.
Højskoolini maannakkut pisoq .
08 september 2021
Covid-19-mut najoqqutaasut 10-september 2021 atorunnaarput.

Kultureqarnermik ministeriaqarfik ( Qaallunaat Nunaani ) nalunaaruteqarpoq, Najoqqutassat piviusoortut Qallunaat Nunaanni højskolinut Covid-19-mut tunngasut atorunnaartut, ukununnga pineqartut, tuniluuttarnerit nassaariniarneranik, testertittarneq il.i .

Taamaammat højskoli pineqartoq atuarfitta matugallassagaluarpat, højskoli nammineq malittarisassiliussaaq soorlu tuniluuttoqalissappat aammalu testertarnerit malinneqartassallutit.
19.10.2021

---

Aamma atuarsinnaavatit