Atuagaq ilinniartitsinermilu atortussaq ilinniartitsissummi inuttut ineriartorneq nukarlernut akullernullu ineriartortinneqarnikuuvoq. Ilinniartitsinermi atortussaniipput atuakkamik ilisarititsineq ilinniartitsinermilu atortussaq kiisalu nalunaaquttap akunnerini sisamani ilinniartitsinermut ilitsersuut. Nalunaaquttap akunnerani ilinniartitsinernut tamanut ilinniartitsissummi inuttut ineriartorneq ilinniartitsinermi anguaniagaq ataaseq arlallilluunniit ilaapput.
Atuakkami ilinniartitsinermilu atortuni pineqarput kikkut tamarmik inissaqassasut kikkullu tamarmik ikinnguteqarnissaq atorfissaqartikkaat. Ilinniartitsinermi atortut innarluuteqarnerup suuneranik atuartut oqaloqatiginissaannut atorneqarsinnaapput. Taamaaliluni inuiaqatigiinni assigiinngitsuunitsinnik aammalu inuit tamaasa ataqqineqassasut ataqqillugillu iliuuseqarfigineqarnissaat pingaaruteqartoq pitsaanerusumik paasinnissapput.
