airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Issittumi tarnikkut peqqissuseq pillugu oqallinnermi inuusuttut oqalliseqataanissaat politikkerip kissaatigaa

Aaja Chemnitz Larsenip atuarfeqarfiit Issittumeersut tamaasa inuusuttut tarnimikkut peqqissusiisa qanoq nukittorsarneqarsinnaanerinut siunnersuuteqaqataaqqullugit peqatiserai.
8. november 2021

Aaja Chemnitz Larsen Arctic Parlamentariansimi siulittaasutut suliniummik tarnikkut peqqissutsip qanoq iliorluni nukittorsarneqarnissaa pillugu atuartut Issittumeersut siunnersuutaannik katersuinermik suliaqarfiusussamik akisussaasuulerpoq.

Suliniutip qulequtaa imaappoq:

”What does mental health mean to you, and what would strengthen your mental health?” (Tarnikkut peqqissuseq ilinnut qanoq isumaqarpa, suullu tarnikkut peqqissutsit nukittorsassavaa?)

Suliniummi inuusuttuaqqat 14-init 16-inut ukiullit tarnikkut peqqissuseq pillugu siunnersuuteqartussatut eqqarsaatigineqarput. Saqqummiusseriaatsit assigiinngitsut atorlugit atuartut siunnersuutiminnik tunniussisinnaapput – soorlu podcastiliorlutik, videuliorlutik, allaaserinnillutik, oqallissaarummik allagaqarlutik assigisaannilluunniit saqqummiussillutik – siunnersuutigineqartussallu tamarmik tuluttut oqaasertalerneqarumaarput.

Suliniummi tunniussivissatut killigitinneqartoq tassaavoq decembarip ulluisa 3-at, atuartullu tamarmik Ane Nebelimut ane.nebel@ft.dk-imut emailikkut wetransfer.com-ikkulluunniit nassiussillutik tunniussissapput.

Iserfissat

Ilinniartitsisumut atuartumullu ilitsersuut
Arctic Parlamentariansip nittartagaa
Arctic Parlamentariansip Facebookia
Sermitsiaq.ag