Isumasioqatigiisitsineq ingerlanneqassaaq Nuummi ullut 4.-5.november 2022, Ilimmarfimmi.
Atuarfimmi ilinniarfeqarfinnilu kalaallisut atuartitsinermik suliaqartut (Atuarfik, GU, Ilinniarfissuaq & Oqaasilerinermik, atuakkialerinermik tusagassiuutilerinermillu immikkoortortaqarfik) suleqatigiillutik isumasioqatigiisitsissapput.
Isumasioqatigiinnermi ”Atuarneq” (læsning) tunngaviusumik sammineqassaaq, taassunga ilaallutik:
- Atuarnialerlaarneq
- Digitalimik atuarneq
- Atuariaatsit (genre-, periode, -dialogisk-, faglig læsning)
- Atuarusulersitsiniarneq (læselyst)
Isumasioqatigiisitsinermut peqataaneq akeqanngilaq, Nuulli avataaneersut peqataaniarunik namminneq angalaneq, ineqarneq nerisaqarnerlu akilissavaat. Isumasioqatigiisitsinerup nalaani nerisassat akeqassanngillat.
Isumasioqatigiisitsinermi saqqummiinerit ilaat immiunneqarnissaat siunertaavoq. Tamanna pillugu kingusinnerusukkut paasissutissiisoqarumaarpoq.
Isumasioqatigiisitsinerup nalaani atuakkanik saqqummersitsiviit saqqummiissapput, soorluttaaq Ilinniartitaanermut Aqutsisoqarfimmi Siammaavik nittarsaassissasoq.
Isumasioqatigiisitsinermi peqataarusuttut saqqummeerusuttullu kingusinnerpaamik 15.sept. 2022 nalunaassapput. Peqataasinnaasut killeqarput.
Immersugassat
Peqataanissamut immersugassaq
Isumasioqatigiisitsinermi saqqummeerusuttunut immersugassaq
Isumasioqatigiisitsineq pillugu sukumiinerusumik paasisaqarusuttut saaffiginnissinnaapput:
Mail: isumasioqatigiiffik@uni.gl
