airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Logoliornermik unammisitsineq Pimmatiginninneq akiorniarlugu periusissiaq aallaavigalugu

Ilinniartitaanermut Aqutsisoqarfiup meeqqat inuusuttullu meeqqanut suli atualinngitsunut paaqqinnittarfiini, meeqqat atuarfiini inuusuttullu ilinniarfiiniittut, logoliornermik unammeqataanissamut qaaqquai. Logomi ´Neriunneq, toqqissisimaneq ataatsimoornerlu´ ersersinneqassapput.
1. september 2022

Ulloq 23. august 2022 Ilinniartitaanermut Aqutsisoqarfiup nuna tamakkerlugu pimmatiginninneq akiorniarlugu periusissiaq, meeqqanut suli atualinngitsunut paaqqinnittarfiinut, meeqqat atuarfiinut inuusuttullu ilinniarfiinut atuuttussaq saqqummiuppaa. Periusissiap piviusunngortinneqarnissaata ingerlanneqarnerani logo atorneqassaaq.
Periusissiaq unammeqataanissamullu ilitsersuut ataani linkini aaneqarsinnaapput.

Unammisitsineq oktobarip 20-ianut ingerlanneqassaaq, logoliat tamarmik Ilinniartitaanermut Aqutsisoqarfimmut e-mailikkut Teamsikkulluunniit nassiunneqassallutik.

Teamsikkut nassiussinissamut, videoliaq ataaniittoq takuuk.

MALUGIUK! Video ilitsersuutaavoq siusinnerusukkut allamut suliamik tunniussinikkut atorneqarnikoq – logoliassi nassiunnissaanut kode atugassat tassaavoq n1yjtwb.

Iserfissat

Pimmatiginninneq akiorniarlugu periusissiaq
Logoliornermik unammisitsineq meeqqanut suli atualinngitsunut paaqqinnittarfinni
Logoliornermik unammisitsineq meeqqat atuarfii inuusuttullu ilinniarfii

Annertunerusumik paasisaqarniaruit attavigiuk:
Skolekonsulent Karen Mathiesen
E-mail: kama@nanoq.gl
Oqarasuaaq: 34 62 10

Strategi mod mobning

Aamma atuarsinnaavatit