airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Naqinnernik ilisarsisinnaangitsunut suliniut

Naqinnernik ilisarsisinnaanngitsutut ilimanaateqarsinnaasunut siusissikkut sullissisinnaasut siulliit allagartartaarput
24. april 2023

Tasiilami nunaqarfiinilu nukarlerni kalaallisut ilinniartitsisut, naqinnernik ilisarsisinnaanngitsutut ilimanaateqarsinnaasunik siusissukkut pasitsaassiniarnermut ikorfartuisinnaanermullu maanna allagartassartik tigusimalerpaat. Taamaaliornikkut siusissukkut ikorfartuisoqarsinnaaleqqullugu ineriartortitsinissamullu suliniuteqartoqarsinnaaleqqullugu.

Ilinniartitaanermut Aqutsisoqarfiup suliniut “Kalaallit Nunaanni atuartut naqinnernik ilisarsisinnaanngitsut” ukiuni arlaqalersuni ingerlappaa. Tassani siusissukkut pasitsaassiniutissatut 1.-3.klassimi atuartunut misiligutit kiisalu atuartitsinermi ikorfartuutitut atorneqarsinnaasut qitiusutut inerisarneqarput.  Ilisimatusarnerummi takutippaa, siusissukkummi iliuuseqarneq atuartut atuarsinnaaleriartornerannut annerpaamik sunniuttartoq. Erseqqissaatigineqassaaq misiligutit naqinnernik ilisarsisinnaanngitsunut naqissusiiniutaanatik siusissukkut takunninniutaammata.

Suliniummut atatillugu Ilinniartitaanermut Aqutsisoqarfiup piffissami 2022-2024 kommuneni atuarnermut sullissisut; nukarlerni kalaallisoortitsisut, immikkut atuartitsinermut siunnersortit kiisalu MISI-kunnit aallartitat pikkorissaaffigai. Taamaalillutik atuartunik atuarniarnikkut ajornartorsiutilinnik siusissukkut iliuuseqarnissaannut piginnaanngorsarneqarput.

Nunatsinni oqaatsigut, allattaaserput kalaallisullu atuartitsineq toqqammavigalugit inerisaanerit siulliit naammassinerat Ilinniartitaanermut Aqutsisoqarfiup nuannaarutigalugu oqaatigisinnaanngorpaa.

Ilinniartitsisunut atuarnikkullu sullissisunut pikkorissaanerit avinngarusimasunit aallarnerneqarput, siulliunneqarlutik Tasiilaq, Qaanaaq Upernavillu. Illoqarfiit sinneri malinnaatinneqarumaarput. 

Aamma atuarsinnaavatit