Ilinniartitsinermik sulialinnit FN Byenimeersunit akeqanngitsumik tikeraarneqassamaarneq

Atuarfik tunngaviliiffik

Atuartut ilinniartitsinikkut suleqatigiiffiullunilu tiguartisimanartukkut nunarsuarmi anguniakkat ulluinnarni inuunermut qanoq ilaatiginerat pillugu ilisimasaqarnerulissapput.

Atuartut sumiiffigisartakkaminni (pingaartumik atuarfimminni) avatangiisii pingaartissavavut, atuarfiullu piujuartitsiniarnermik tunngaveqarnerusup pilersinneqarnissaanut atuartut isumaat isumassarsiaallu ilaatissallugit. Sammisat assigiinngitsut, ass. isumalluutinik atuineq, atugarissaarneq, elevrådit atuuffiat pinngortitarlu atuarfiup avataaniittoq, pingaartillugit sammiumaarpavut.

Ilinniartitsinermi siunertarineqarpoq atuartut sumiiffigisaminni avatangiisiminnut peqatigiillutik iliuuseqarnerusinnaanerminnik misiginissaat – paasissagaallu nunarsuarmi anguniakkat atuartut ulluinnaannuttaaq attuumassuteqarmata.

Ilinniartitsinerup sivisussusissaa: 1,5 tiimit
Ilinniartinneqartussat: Angajullerni atuartut

Inuusuttut ilinniarfii

Nunarsuup piujuartitsiniarfiunerunissaanut nunarsuarmi anguniakkat inuillu pisinnaataaffii kattuffinnit, suliffeqarfinnit susassaqartunillu allanit qanoq atorneqarneqarsinnaanersut inuusuttut ilinniarfiini ilinniartuusut paasiniassavaat.

Sammisaqarnermi nutaaliorfiusumi matumani ilinniartut imminnut naalagarissapput aalajangiisuusarlutillu, taamaaliornermikkullu inuiaqatigiinnik piujuartitsiniarnerulersitsisinnaanertik akisussaaffeqarnerulersitsisinnaanertillu takutissallugu. Eqimattakkuutaartinneqassapput saqqummiussassaminnillu – pitchimik – suliaqassallutik, tassani nammineerlutik nunarsuarmi anguniakkanik, inuit pisinnaatitaaffiinik nunarsuullu pitsaanerulersinneqarnissaanut takorluukkaminnik atuissallutik.

Ilinniartitsinerup sivisussusissaa: 2,0 tiimit
Ilinniartinneqartussat: Ilinniarnertuunngorniat

Paasissutissat: 

Ullut (qulakkeerneqarumaarput): 6-12 apriili 2024
Sumi: Nuuk aamma/imaluunniit Sisimiut Kangerlussuarluunniit
Akia: Akeqanngilaq

Soqutiginnippit?
Soqutiginninnerminnik ersersitsisunik katerseqqaarniarallarpugut, taamaattumik soqutiginnikkuit immersugassaq una immersussavat: https://forms.office.com/e/t55DpRfjPb

Soqutiginnittut tamaasa piaarnerpaamik attavigiumaarpavut.

Uunga iserlutit ilinniartitsinermik suliaqartarnerput pillugu paasisaqarnerusinnaavutit atuartitsinermilu atortussat akeqanngitsut arlalissuit nanisinnaallugit: www.un.dk/skoler

Paasisaqarnerorusuttunut attaveqarfissaq:

Aamma atuarsinnaavatit