NAKUUSAmi
pingaarnertut siunertaavoq FN-ip Meeqqat pillugit isumaqatigiissutaata
tunngiviata naleqartitaasalu ilisimaneqarnerulernissaat, taamaalilluni
malinneqalernissaanut tunngavissiisinnaalerluni. Nunarsuarmi aaqqissuussat
meeqqanut tunngasut annersaattut UNICEFip suliassaraa meeqqat pisinnaatitaaffii
ataqqineqarlutillu maleruarneqarnissaat, meeraanermi inersimasuunermilu
pitsaanerpaamik tunngavissiisuummata.
Ukioq manna NAKUUSAp Nakuusaaqqanut ilinniartitsisunut seminarertitsinissaa pissaaq 2-3 september Hotel Kangerlussuaq.
Kikkut peqataassappat?
NAKUUSAp
Nakuusaaqqat ilinniartitsisui tamaasa seminarertitsinissamut qaaqquai. Taakku
saniatigut ilinniartitsisut Nakuusaaqqanut ilinniartitsisunngorniarlutik
aallartisartut aamma qaaqqusaapput, kiisalu Kommunini tamani
attaveqaataasartut.
Taamaalilluta neriuutigaarput peqataasut iluminni nuna tamaat akimorlugu FN-ip Meeqqat pillugit isumaqatigiissutaasa atuarfinni atuutsillugu suliaqarnissamut tunngatillugu isumassarsiorfigisinnaassagaat.
Kissaatigaarput nalunaarfigineqarumaarluta kingusinnerpaamik 6. maj 2024.
Imarisai
Seminarerneq
ulluni marlunni ingerlanneqassaaq. Ulluni marlunni FN-ip Meeqqat Pillugit
isumaqatigiissutaanik paasinninnissaq anguniarneqassaaq, artikelinullu
ataasiakkaanik itinerusumik sammisaqartoqassalluni. Meeqqat pisinnaatitaaffii
pillugit paatsoorneqarsinnaasut pillugit qanorlu ilinniartitsissutit atuarfiup
iluani piviusunngortinneqarsinnaanersut eqqartuissaagut. Atuarfiit akornanni
misilittakkanik paarlaaqatigiissaagut, atuarfiillu assigiinngitsut
tusarfigissavagut qanoq atuarfimminni Nakuusaaqqat ingerlattarneraat.
Ilinniartitsisut qanoq ilillutik Nakuusaaqqat sullissinnaanerlugit
assersuuterpassuaqarumaarpoq. Nakuusaaqqat siunissami qanoq inissisimassanersut
qanorlu ililluta ataatsimut suliassanik kivitseqatigiissinnaanerluta
eqqartussavarput.
Atuarfissinnit ilinniartitsisut peqataasut ilisimasaqalissapput kommuniminnik suleqatiminnut ingerlateqqitassaminnik. Asseqanngitsumik suleqatit nuna akimorlugu naapissinnaassavaat misilittakkaminnik, ilisimasaminnillu paarlaasseqatigiissapput sulianullu tunngasunik nutaanik attaveqaateqalissallutik.
Erseqqinnerusumik paasissutissat
Kikkut NAKUUSAp seminarertitsinissaanut
peqataassanersut kingusinnerpaamik 6. maj nalunaaruteqarnissassinnut
qilanaarpugut.
Peqataanissamut nalunaarfissaq: https://forms.office.com/e/ift3v4JDhw
NAKUUSAp seminarertitsinissaanut pilersaarusiaq
ilinniartitsisunut atuarfiillu pisortaannut augustimi nassiussuunneqassaaq
Pisariaqartillugu NAKUUSA, atuarfiit pisortaa
ilinniartitsisullu attaveqatigiittassapput
Inussiarnersumik inuulluaqqusilluta
Mie Skou Larsen, NAKUUSAmi suliniutini suleqataasoq
info@nakuusa.gl / 583820
Nakuusaaqaanik paasisaqarusunneruguit uani atuarit: nakuusa.gl
