Sillimmateqarneq

Angajoqqaat akisussaaffigaat meeqqamik efterskolernerani naammattumik sillimmateqartinnissaa. Tamannattaaq atuuppoq atuarfiup aaqqissuussaanik angalanerusinnaasunut sillimmateqarnissamut atatillugu.

Meeqqat 18-it inorlugit ukiullit tamarmik angajoqqaamik sillimmataannut ilaapput – aammattaaq Danmarkimi efterskolimiinnerminni. Inatsisit tunngavigalugit meeraq suli angerlarsimaffimmini najugaqartuummat, ilaqutariit tunngaviusumik/pigisanut sillimmataat atuuppoq, tamatumunnga ilanngullugu akisussaanermut sillimmaserneq, meeraq efterskolimi najugaqaraluarpalluunniit.

Efterskolit atuartuutiminnut tunngasunik sillimmateqartarput. Sillimmatit sunut tunngasuunerat efterskolimiit efterskolimut nikerarsinnaapput.
Efterskoli atuartunut tunngasunik qanoq ittunik sillimmateqarnera aamma sillimmatinik qanoq ittunik angajoqqaanut inassuteqartarnerat pillugu aperineqarsinnaavoq. Tamatuma kingorna angajoqqaat namminneq sillimmasiisarfitsik saaffigissavaat, meeqqaminnut eqqortumik sillimmasiinissaq siunertaralugu.