Paasisassarsiorluni angalanernut aningaasaliissutit

2016-imi upernaakkut Inatsisartut ataatsimiinneranni meeqqat atuarfiini akullerni angajullernilu siunnersuinermik suliniuteqartoqarnissaa akuersissutigineqarpoq. Suliniut aningaasaliissutinik agguagassiisarfittut paasisassarsiorluni angalanernut, suliffeqarfinnut pulaarnernut kiisalu siunissami atuartut Kalaallit Nunaanni ilinniarfissatut suliffissatullu periarfissaannut atatillugu atuartitsisoqarnissaanut kommuninit qinnuteqarfigineqarsinnaasunngorlugu aaqqitaavoq.

Paasisassarsiorluni angalanissaq meeqqat atuarfiini atuartunik akullernik angajullernillu ilinniartitaaneq inuussutissarsiornerlu pillugit pinngitsoorani siunnersuisussaanermut ilaatinneqassaaq.

Paasisassarsiorluni angalanissanut nalinginnaasunut aningaasaliissutinik qinnuteqartoqarsinnaanngilaq.

Aningaasaliissutinut qinnuteqartut paasisassarsiorlutik angalanissaminnut pilersaarusiornissaminnik angalanermillu sunik imaqarnissaanik namminneerlutik akisussaasuupput.

Nunaqarfinni isorliunerusunilu ilinniarnikkut suliffissaqarnikkullu periarfissakinnerusuni aammalu angallannikkut atugassarititaasut pissutigalugit paasisassarsiorluni angalanissamut atatillugu aningaasartuuteqarfiunerusartuni atuartunut paasisassarsiorlutik angalaniartunut pingaartumik tapiissuteqartoqartarpoq.

• Angalanissamut aningaasartuutivinnut – timmisartumut/umiarsuarmut billetinut angalanermilu aningaasartuutinut allanut, soorlu bussinut taxanulluunniit aningaasartuutinut

• Nerisaqarnermut – atuartumut ataatsimut ullormut 200 kronit.
  
  
• Ineqarnermut – pilersaarutaasut malillugit unnuinerit ilanngullugit. Angalanerup nalaani sapinngisamik akikinnerpaamik unnuisoqartassaaq.

Atuartut angalanerminni aningaasanik kaasarfimmiussaannik qinnuteqartoqarsinnaanngilaq.

Qinnuteqaatit ukuninnga imaqassaaq:

• Paasisassarsiorluni angalanermi siunertarineqartoq pillugu allaatigisaq.
• Angalanissamut pilersaarutitut siunnersuut.
• Paasisassarsiorluni angalanermi ilinniarfiit suliffeqarfiillu pulaarneqartussat allattorsimaffiat. Suliffeqarfinnut ilinniarfinnullu pulaarnerit saniatigut aaqqissuussanut paasisassarsiornermut naleqquttunut, soorlu Uddannelseskaravanimut (ilinniarneq pillugu paasissutissiiniarluni aaqqissuussamut), suliffiit pillugit saqqummersitsinernut allanullu peqataasoqarsinnaavoqAaqqissuussanut taamaattunut peqataanissamut atatillugu aningaasartuuteqassagaanni tapiiffigineqarnissamut qinnuteqartoqarsinnaavoq.
• Atuartut ilinniartitsisullu peqataasussat nalunaarsorsimaffiat:
  Peqataasussat tamarmik aqqi CPR-normuilu.
  Inersimasut peqataasussat tamarmik emailii mobiliisalu normui.
  Atuartut 18-nik ukioqanngimmata angajoqaaminnit allakkatigut akuersissummik peqartariaqarput.
  Tamanna peqataasunut allattorsimaffimmi atsiornerisigut pisinnaavoq
  imaluunniit angajoqqaanik ataatsimiinnermit imaqarniliami atsiornerisigut.
• Angalanermut, nerisaqarnermut, ineqarnermut allanullu aningaasartuutissanut missingersuutit allattorsimaffiat peqqissaarullugu suliaq
  Aningaasartuutissatut missingersuutit allattorsimaffianni meeqqat inersimasullu billetii pisiarineqartussat qanoq amerlatiginersut erseqqissumik nalunaarneqarsimassaaq (meeqqat 12-inik ukioq aleraangamik inersimasutut billeteqalertarput).

Paasisassarsiorluni angalaneq naammassippat aningaasartuutigineqarsimasunut naatsorsuutit inaarutaasut Ilinniartitaanermut Aqutsisoqarfimmut nassiunneqartussat suliarineqassapput.

1.  Qinnuteqarnissaq sioqqullugu atuarfiup pisortaanit kommunillu ilinniartitaanermut ingerlatsivianit akuersissummik pissarsisoqassaaq. Uppernarsaallu taanna qinnuteqaammut ilanngunneqassaaq.
2. Klassimi ilinniartitsisuusup/-sut aningaasaliissutinut qinnuteqaat suliarissavaa/-t.
3. Qinnuteqaat efterskole@nanoq.gl-imut nassiunneqassaaq. Uppernarsaatit tamaasa ilanngutissallugit eqqaamassavat. Emailimi qulequttatut ’Paasisassarsiorluni angalanissamut aningaasaliiffigineqarnissamik qinnuteqaat’ allassavat.