Ukiup atuarfiusup ingerlanerani efterskolimut allamut nuunneq

Ukiup atuarfiusup ingerlanerani atuartoq efterskolimut allamut nuussappat, isumaginissaa tamaat angajoqqaat namminneq akisussaaffigissavaat. Ukiup atuarfiusup ingerlanerani efterskolimut allamut nuunnerit taamaallaat qaqutigorluinnaq pisariaqarput, pisariaqarluinnaraangallu aatsaat, assersuutigalugu atuartup ingerlalluarnissaa pissutigalugu.

Angajoqqaat eqqumaffigisariaqarpaat efterskolimut allamut nuunnermut atatillugu immikkut akiligassaqartoqalersinnaanera, soorlu makkununnga:

Efterskolimut atuartup qimataanut, ikerinnakkut uninnermut akiliut
Atuartup efterskoleriligassaanut nalunaarnermi akiliut qularnaveeqqutillu.

Efterskolip regioniani Kalaallit Illuat aamma Efterskolinut Ingerlatsivik, atuartup efterskolimut nuunnerani tamatigut ilisimatinneqartassapput, tamanna pissaaq immersugassaq uaniittoq atorlugu Danmarkimi efterskolimut allamut nuunneq.

Ukiup atuarfiusup ingerlanerani efterskolimut allamut nuunnermi aningaasartuutit kr. 10.000 – 15.000-inik annertussuseqarsinnaapput, taakkualu angajoqqaat namminneq akiligassaraat – aamma Namminersorlutik Oqartussanit atuartup efterskolerneranut tapiissutinik pisaraluaruniluunniit.