Qupperneq una Danmarkimi efterskolernermut tunngavoq. Qupperneq meeqqat atuarfianni angajullernut ilinniartitsisutut siunnersuisartutut/ilitsersuisartutut inissisimasunut aamma Danmarkimi efterskolertussat angajoqqaavinut saaffiginnippoq, aammattaarli ilaqutariinnut attaveqaataasartunut Danmarkimilu efterskolinut naapertuuttuulluni.
Efterskolerneq meeqqap angajoqqaavisa efterskolillu namminneq akunnerminni susassaqarfigisarivaat.
Efterskolinut Ingerlatsivik Namminersorlutik Oqartussat ataanni Ilinniiartitaanermut Aqutsisoqarfimmi immikkoortortaqarfiusup ilaatigut Danmarkimi efterskolernissamut tapiissutit allaffissornikkut isumagisarpai aamma efterskolertussat aallartinnissaannut atatillugu Danmarkimut angalanissat aaqqissuuttarlugit.
Danmarkimi Kalaallit Illuini ilinniagaqartunik ilitsersuisartut ilaqutariinnut efterskolertut attaveqaataannut, angajoqqaanut efterskolinullu pingaarnertut attaveqarnissaq isumagisarpaat. Tamatuma saniatigut ilinniagaqartunik ilitsersuisartut ilaatigut Danmarkimi efterskolertunik ilinniagaqarnissamik ilitsersuineq aamma ilinniartut ukiup atuarfiusup naanerani angerlamut angalanissaasa aaqqissuunnissaat isumagisarpaat.
Atuartumut angajoqqaatut oqartussaasut atuartup efterskolernissaa qinnuteqaatigissavaat (quppernermi uani angajoqqaanik taaneqartut).
Quppernerup matuma siunertaraa:
- meeqqat atuarfianni efterskolertarneq pillugu ilitsersuisarnerup patajaallisarnissaa – atuartunut angajoqqaanullu naleqqiullugu
- angajoqqaat atuartullu efterskolimik toqqaanissaminnut periarfissaannik pitsanngorsaanissaq
- efterskolinut qinnuteqartarneq pillugu paasissutissiinissaq
- Danmarkimi efterskolernermut tapiissutinik qinnuteqartarneq pillugu paasissutissiinissaq
- Danmarkimi efterskolerneq pillugu paasissutissiinissaq – efterskolernissamut piareersarnermut Danmarkimilu najugaqarnermut tunngatillugu
Danmarkimi efterskolernissaq pillugu paaserusutat tamaasa nittartakkami uani nassaarinngikkaanni nammineerluni ujartuinissaq pingaaruteqarpoq efterskolit pillugit paasissutissat nalinginnaasut pineqarpata imaluunniit efterskoli aalajangersimasoq pillugu paasissutissat pineqarpata.
Danmarkimi efterskolerneq pillugu apeqqutissaqaraanni Efterskolinut Ingerlatsivik imaaluunniit Danmarkimi Kalaallit Illui attavigineqarsinnaapput.
Nittartakkap matuma imarisaanut tunngaviuvoq: Danmarkimi efterskolertarnermut tapiissutit pillugit Namminersorlutik Oqartussat nalunaarutaat nr. 6, 4. juli 2019-imeersoq.
Nutaarsiassat
Efterskolenut ingerlatsivik Ilinniakkamik saqqumersitsisoqarnerani alakkarsiuk
Ilinniartitaanermut Aqutsisoqarfiup efterskolenut ingerlatsivia, ilinniartitaaneq pillugu paasititsiniaanermut 2022-mi ingerlatsisoqarnissaanut, ilinniakkamik saqqummersitsisoqarnissamut peqataassaaq.
Tamakkerlugu atuaruk
Silasisa iliuuseqarlutalu - Lad os tage del i klimakampen
Siorna Kalaallit Nunatsinni atuartut angajulliit ilinniartitsisutillu ”Silasisa iliuuseqarlutalu - Lad os tage del i klimakampen”-imik ingerlatsillarmata eqqamavisiuk? Taamatut iluatsilluartumik ingerlatsisimaneq aammaloqqilerparput. Tamatumuuna ilinniusiat nutarsakkat atorlugit. Qaa atuarfissi ukioq manna aamma peqataatissiuk.
Tamakkerlugu atuaruk
Logoliornermik unammisitsineq Pimmatiginninneq akiorniarlugu periusissiaq aallaavigalugu
Ilinniartitaanermut Aqutsisoqarfiup meeqqat inuusuttullu meeqqanut suli atualinngitsunut paaqqinnittarfiini, meeqqat atuarfiini inuusuttullu ilinniarfiiniittut, logoliornermik unammeqataanissamut qaaqquai. Logomi ´Neriunneq, toqqissisimaneq ataatsimoornerlu´ ersersinneqassapput.
Tamakkerlugu atuaruk Tamaasa takukkit