ATTAT nunatsinni meeqqat atuarfiini, ilinniarfinni aamma Majoriani IT-qarnermut suliassaqarfiup iluani sammisassanut neqeroorutinullu assigiinngitsunut ataatsimut taaguutaavoq. Sullississutit imaluunniit atortorissaarutit tamarmik immikkut immikkoortumik nassuiaanneqarlutillu ilisaritinneqarumaarput, massakkulli uani naatsumik ATTAT pillugu paasissutissiineruvoq.
ATTAT Ilinniartitaanermut Aqutsisoqarfiup ataaniippoq.
Siullertut ATTAT attaveqaataavoq meeqqat atuarfiinut tamanut, efterskolinut, GUX-inut, qitiusumik ilinniarfinnut aamma Majoriamut internetimik tunniussisartoq. Tusass attaveqaatit ingerlannissaannut iluarsartarnissaannullu akisussaavoq.
ATTAT Microsoft 365 licens-imik atuartunut, ilinniartunut ilinniartitsisunullu tamanut pilersitsissaaq.
ATTAT qarasaasiatigut sullississutinut assigiinngitsunut iserasuarsinnaanermut pisiortorsimavoq, taakkunanilu Unilogin-imik iserasuarneqarsinnaallutik, ilaatigut makkuusinnaapput; Infomedia, Ritzau/Scanpics aammalu Filmcentralen.
ATTAT supportitut, ilisimasanik aammalu ineriartortitsinermut ataatsimut iserasuarfiussaaq aammalu ilinniarfinni IT-kkut atuisunut supportitut inissisimassalluni.
ATTAT Aningaasanut inatsimmi konto 40.90.08-kkut aningaasalersorneqarpoq aammalu ukiumut atuisunit akilerneqartarluni, taakkuuppullu atuarfiit aammalu allat ATTAT-mmut attaveqartut. Atuisutut akiliassaq atuarfiup issusaa aammalu atuartoqarnera naapertorlugu inissinneqartarput.
Om ATTAT
Kingullermik nutarterneqarpoq: 20. december 2024