ATTAT november 2013-imi Tusassilu internetimik atuineq pillugu isumaqatigiissusiorpoq. Isumaqatigiissummut ilaavoq ATTAT piffissami atuarfiusumi internetimut atuinissamut tunngatillugu periarfissagissaarnerulernera, piffissallu atuarfiusup avataani attaveqaatigut piginnaasit annertuumik apparterujussuarneqarneri. Tusassip ulluunerani attaveqaatitigut piginnaasai sippoqqasarput, atuarnerulli kingorna inuit atuarfimmiit suliffimmiillu angerlaraangata atuineq qaffakkiartuinnartarluni. Tamatumunga atatillugu ATTAT-netti Tusass-imut nuunneqarpoq, taamaasillunilu serverigut tamarmik aammalu atuisunut tamanut internettimut attaveqartoqannginneranut tunngatillugu il.il. sullilernikuullugit.
Isumaqatigiissut una isumaqarpoq, nunatsinni atuarfiit ilinniarfiusullu pitsaanerusumik attaveqaateqalernissaat aallunneqartualissasoq. Tusass ukiumi 2018-miilli søkablip annertusineqarnerata kingorna internettimut attaveqaatit annertuserujussuarpaat.
Taamaasilluni attaveqaatitigut paasissutissanik nassiussisarneq annertunerusoq pilersinnaalernera ilimagineqarpoq, taamaattorli nassiuttakkat anneruneruleriartornerat ilatigalugu pisariaqartinneqartoq annertusiartornissaa ilimagineqarpoq.
Matoorinerit
ATTAT-kkut attaveq siornatigut videonik isiginnaartarfiit aammalu social mediat assigiinngitsut (ass. Youtube aamma Facebook), proxyserverit avataaneersut, filinik nassiussisartut avataaneersut il.il. internettikkut attaveqarniarneq killeqarpallaarsimanera pissutigalugu matooqqasarsimavaat. Aammattaaq nittartakkat porno-noortut spillertarfiillu matoornikuupput.
Internetikkulli attaveqaatit pitsanngornerisa kinguneranik ATTAT Tusass aamma atuisut ilagalugit (taakkunani kommunit aamma ilinniarfiit) aalajangersimapput Facebook, YouTube il.il. ammaqqinniarlugit.
Atuarfiit piumagunik nittartakkanut soorlu Facebook-imut matooreqqusisinnaapput.
