airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Dash & Dot

Dash & Dot robottiupput marluk programmeerersinnaasatit. Dash robottiuvoq angisooq aqussinnaasat, taannalu sanguffinnut tamanut ingerlasinnaavoq, niaqquni kaajallatsissinnaavaa, qulleerai ikissinnaapput, nipiliorsinnaavoq aammalu Dot takusinnaallugulu tusaasinnaavaa. Dot tassaavoq robotti mikineq aalasinnaanngittoq maluginiutinilli ulikkaartoq. Dot-ip Dash takusinnaavaa namminerlu aalanini malugisinnaallugu "accelerometer"-eqarami. Attartornermi Dash & Dot-it pingasuusarput USB-kabilimillu immiutit ilaallutik. Paasissutissat amerlanerusut Dash & Dot pillugit videuliami takukkit.Dash & Dot atorlugit sammisassat PDF-inngorlugit ataani aasinnaavatit.  

Dash & Dot-imut sammisassat ingerlannerisigut robottit atornissaannut tulleriissaartumik ilitsersuunneqassaatit. Apps-it atorlugit robottit aqunneqarsinnaapput pitsaanerpaavorlu robottimut ataatsimut iPad/tablet ataaseq atorneqarpat. Apps-it sorliit qanorlu atorneqarsinnaanersut PDF-imi takusinnaavatit. Dash & Dot aallunnerisigut atuartup piginnaasassat assigiinngittut ilinniartarpai, tassaasut attaveqatigiissinnaaneq, suleqatigiissinnaaneq, programmeeriineq (koderineq), ilisimasassanik nutaanik sanarfineq, IT atorlugu ilinniarneq, ajornartorsiummik aaqqiisinnaaneq aammalu nalilersuineq.

Dash & Dot nukarlerniit qummut atorneqarsinnaapput, faginilu tamani.

Malugiuk Dash & Dot batteriivi nammineq immersussagakkit USB-kabelit atorlugit. Uani Dash & Dot attartukkit.

Sammisassat takukkit (PDF).

Manumina Jakobsen

Siammarterinermi atorniarnermilu siunnersorti

(+299) 34 62 05

maja@nanoq.gl

Ane-Kathrine Petersen

IT-didaktikki

(+299) 34 62 03

akpe@nanoq.gl

iserasuaat.gl-mut ingerlaqqiffissat

Fagit atuartitsinerlu
Takuuk
Ilinniusiorfiup ibogia
Takuuk
Apple Teacher
Takuuk
Ilinniusianik atorit
Atorit
Kingullermik nutarterneqarpoq: 28. december 2020