Julekortinik ikittartunik assigiinngitsunik sanasinnaanngussaatit, ataatsimik sanallutit misilereerukku.
Julekortimik ilitsersuummiittup assiganik sanassaguit, atortut tulliuttut atorfissaqartippatit:
- LED
- Knapcellebatteri, ass. CR2032
- Aluminiumsfolia
- Qiuutit
- Liimmi
- Qalipaatit, ass. tuschit
- Skabelonit; julekorti og innaallagissap kaaviiaarfia
LED-it karsi sammisassiivimmiipput "Nukissaq innaallagiarlu", Ilinniusiorfiup Kalaallit Nunaanni atuarfeqarfinnut tamanut nassiunnikuusaani.
LED-it saviup kajungerisartaqarput plussiusunik minusiusunillu. Niuusaa takineq plussiuvoq naannerlu minusiulluni. Knapcellebatteriit aluminiumsfoliallu pisiniarfinni pisiarneqarsinnaapput. Knapcellebatteriit aammattaaq plussiusunik minusiusunillu sammiveqarput. Sammivik minusiusoq maniilanneruvoq. Aluminiumsfolia innaallagissamit aqqutigineqarsinnaasuuvoq, ledningitullu atuuffeqarluni. Aluminiumsfoliap LED aammalu batterii imminnut attaveqalertittarpai.
