Ingerlatsinissaq pillugu
MISSION ULTRA:SPACE-mut tikilluarit!
DR-ip nittartagaani video takuuk UANI tassanilu takullugu qanoq atuartuutitillu unamminermut peqataasinnaanerlusi.
Tunuliaqutaa
August 2023-mi qallunaaq avataarsualiartartoq Andreas Mogensen ukiup affaa nunat tamalaat avataarsuani stationianni ISS-imiissaaq.
Andreas-ip nassarpaa ’BBC micro:bit’ Naalagaaffeqatigiinnilu atuartut tamaasa kaammattorlugit misileraanerminnik ISS-mut nassiussinissaannik, taamaalillutillu unamminermut 'MISSION ULTRA:SPACE'-mut peqataanissaannik.
Immikkoortuni (kategorier) assigiinngitsuni pingasuni ajugaasoq toqqarneqassaaq. Ajugaasut pingasut misileraanerat avataarsuarmi stationimi ISS-imi Andreas Mogensenimit filmiliarineqarlunilu misileqqinneqassaaq.
Siunertaq
- Atuartut avataarsuanik soqutigisaqalernissaat.
- Nunarsuatsinniilluni avataarsuanilu stationimiilluni pinngortitamik ilisimatusarnerup assigiinngissusaanik ilisimasaqalernissaq.
- Atuartut takorluuisinnaalerlutillu isumassarsitinneqassapput.
- Qarasaasiaaqqap BBC micro:bit-ip kode-lernissaa pisinnaasaqarfigilissavaat.
MALUGIUK: Peqataassagaanni BBC micro:bit-ip kodernissaa pillugu ilisimasaqareertariaqanngilaq.
Ingerlannera
Atuartitsinermi atortussiat pinngortitamik ilisimatusarnermi periuseq aallaavigalugu suliaapput, tamatumani atuartut sulinerminni ’takorluuitinneqassapput’, paasissutissanik katersissapput, hypotese-mik oqaasertaliissapput (hypotese = isuma naammattumik uppernarsaatissaqanngikkallartoq) misileraanerlu ingerlatissallugu.
Atuartut suliassani nuuttaqattaarsinnaapput, alloriarfiit 1-imiit 6-imut toortarlugit, atuartut quppernerata saqqaani uani: 5.-7. klasse aamma 8.-9. klasse. Alloriarfik 6 naammassigunikku atuartut misileraaneq naammassissavaat.
Malugiuk atuartut namminneerlutik misileraanertik unammisitsisunut nassiussinnaanngimmaasuk. Tamanna illit inersimasutut isumagissavat. Tunniussinissamut killissaliussaq: ataasinngorneq 9. oktober 2023.
Misileraanersi nassiuguk UNA TOORLUGU.
Unamminermi piumasaqaatit atuakkit UANI.
(Piumasaqaatit naqinneqarnissaat inassutigaarput.)
Ilinniartitsisumut
Atuartitsissut: Pinngortitalerineq/teknologii aamma fysik/kemi
Alloriarfik: 5.-9. klasse
Lektionit: 6
Ilinniartitsisumut ilitsersuut - 5.-7. klasse
Ilinniartitsisumut ilitsersuut - 8.-9. klasse
PDF naqitassaq:
Kode-t aallarniutaasussat
BBC micro:bit avataarsuani susinnaava?
Arki isumassassiffissaq (alloriarfik 4)
Atuartumut
Atuartup quppernerata saqqaa alloriarfiilllu 1-6 (5.-7. klasse)
Atuartut quppernerata saqqaa alloriarfiillu 1-6 (8.-9. klasse)
Missionsark (PDF)
Missionsark (Wordimik allaffigineqarsinnaasoq)