airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Microbit atorlugu atuartitsinissamut siunnersuutit

Quppernermi uani microbit atorlugu sammisassatut siunnersuutit nanisinnaavatit. Microbit atorlugu atuartut kodiliornermik, suleqateqarsinnaanermik eqqarsaatigisarialinnillu suliaqarsinnaanermik piginnaanngorsassapput. Microbit Ilinniartitaanermut Aqutsisoqarfiup ilinniutinik atukkiussisarfiatigut
atorniarneqarsinnaavoq.
Malugiuk sammisassat ilaanni immikkut atortoqarnissaq pisariaqarmat, atortussallu taakku Ilinniartitaanermut Aqutsisoqarfiup atukkiussisarfiatiguttaaq atorniarneqarsinnaammata.
Microbit iPadimut atassusilernera

UANI  microbit ipadimut atassusilernissaanut videu ilitsersuut takusinnaavat.

Microbit - aallarniut

Microbitimik aallarniut atorlugu atuartut microbit atorlugu kodiliornermi ilisimasassanik tunngaviusunik ilisimasaqalersinnaapput.

PDF-imi uani suliassat ajornarsiartortunut pingasunut agguarneqarsimapput. Qorsuit ajornanngitsuupput, sungaartut ajornarnerit tulliullutik, aappalaartullu ajornarnerpaallutik.

Suliassat takukkit (PDF).


Ilitsersuutit isiginnaagassat

Teksperimentet.dk-mi ilitsersuutit isiginnaagassat microbit atorlugu kodiliornermut tunngasut nanisinnaavatit.

Microbit atorlugu kodiliornermut ilitsersuutit qallunaatut kalaallisullu oqaasertalersukkat uaniipput:
"Til eleven" - "Mellemtrin 3. - 6. klasse" - "Grønt forløb" - "DAG 1 & 2".

Tassani ilitsersuutit qallunaatut oqaasertallit microbitip ilisarnaataa Kalaallit Nunaata erfalasuanik ilisarnaasigaanngitsoq toqqarlugu isiginnaarsinnaavatit imaluunniit kalaallisut oqaasertalersukkat isiginnaarniarukkit microbitip ilisarnaataa Kalaallit Nunaata erfalasuanik ilisarnaasigaq toqqarlugu isiginnaarsinnaavatit.

Isiginnaagassiani microbit computerimut atassuserneqarpoq. Uani isiginnaagassiami takusinnaavat microbitiutit iPadernut qanoq atassusissanerlugu.

Microbit stop:bitalik

Taanna atuartunut agguaassassanngorlugu anisinneqarsinnaavoq. Sammisassami tassani stop:bit pussuttartuusallu (krokodillenæb) tallimat pisariaqartinneqarput. Sammisassap taassuma samminnginnerani atuartut micro:bit pillugu ilisimasassanik tunngaviusunik ilisimasaqariissapput.

Sammisaqarnermi tassani atuartut stop:bit atorlugu angalasunut nalunaaqqutip kodiliorfiginissaa suliassallu isumaliutigisinnaanissaa ilinniassavaat.

Ilitsersuut takuuk (PDF)

Ane-Kathrine Petersen

IT-didaktikki

(+299) 34 62 03

akpe@nanoq.gl

Manumina Jakobsen

Siammarterinermi atorniarnermilu siunnersorti

(+299) 34 62 05

maja@nanoq.gl

Kingullermik nutarterneqarpoq: 20. septembari 2021