ScratchJr

ScratchJr appiuvoq akeqanngitsoq atuartut nukarliit oqaluttuaaraliorfigisinnaallugulu blokkinik kodiliorfigisinnaasaat. Atuartut blokkinik ikkussuillutik inuttat aalatittassavaat, pissitsittarlugit, qititsittarlugit erinarsortittarlugillu. Aamma oqaatsiminnik nipinillu immiussisinnaapput. Appimi
ScratchJr-ip atornissaanut ilitsersuuteqarpoq.
ScratchJr-imi suliassat PDF-iutillugit ataani aasinnaavatit.

ScratchJr-ip atuartut nukarliit suli atuarsinnaalersimanngikkaluartut nutaaliornermik ataqatigiissumillu eqqarsalersissavai.

ScratchJr atuartunut nukarlernut naleqqussagaavoq kodiliornermulli ilitsersuutitut alloriarfinni tamani atorneqarsinnaalluni. Appi fagini tamani atorneqarsinnaavoq, atuartullu assersuutigalugu fagini oqaasileriffiusuni oqaatsinik oqaaseqatigiinnillu immiussillutik suliaqarsinnaapput. Pinngortitalerinermi atuartut ukiup qanoq ilineri silallu pissusii assigiinngitsut nutaaliaasumik assilianngortillugit takusassiarisinnaavaat. Inuttut ineriartornermi ilaquttat ataqatigiinnerat ilaqutariinnilu inissisimaneri assilianngorlugit takutissinnaavaat.

Suliassat takukkit (PDF).