AtuaRaket
AtuaRaket LæseRakettenip kalaallisoortaraa faginik tapertariissitsilluni atuartitsinermi atortussaqqissoq, soorlu oqaatsinik atuartitsinermi, inuiaqatigiilerinermi, upperisarsiornermi isumalioqqissaarnermilu, sumiiffimmi qinigassiissutit pillugit sammisaqarnermi kiisalu inuttut inerikkiartornermut piukkunnartoq.
LæseRaketten aamma AtuaRaket atuartitsinermi atortussaapput arlalinnut atorneqarsinnaasut, soorlu ullormut sapaatip-akunneranulluunniit immikkut sammisaqarfiusunut faginillu tapertariissitsilluni atuartitsinermi. Atortussat Oxfam Ibisimit aamma Hele Verden i Skolemit saqqummersitaapput, quppernernilu ukunani atuartut atuagaat aamma ilinniartitsisumut ilitsersuutit atuartunut suliassiissutitallit kalaallisut allassimasut aasinnaavatit – qallunaatuui tuluttuuilu uani aaneqarsinnaapput: https://heleverdeniskole.dk/bibliotek/laeseraket-arkiv/
AtuaRaket 2023
Ukioq AtuaRaketip Ghanap
avannaa tungaaliaqatigissavaasi – Afrikap Kitaani demokratiskimik ingerlasut
siullersaannut. Nuna kuultinik, kakaoimik uuliamillu ulikkaarpoq, pisuussutilli
oqimaaqatigiinngitsumik agguarneqarsimapput.
Atuakkami meeqqat tassani
nunallit tusagaqarfigissavasi. Aamma takorluukkialersaarutinik titartakkanillu
alutornartunik imaqarpoq.
AtuaRaket 2021
Illit nammineq 2020-mi atuartussaanak misiginikuuat. Corunamik nappaalanersuup kikkut tamaasa sunnernikuuai. Nunarsuarmi tamarmi atuarfiit matoorarput atuartullu angerlarartitaallutik. Atuartut amerlanerpaat angerlarsimaffimminni atuartinneqanngillat. Aamma suli amerlasuut naluaat atuarfimmut uteqqissinnaajumaarnerlutik.
AtuaRaket 2020
Ukioq manna AtuaRaket Ugandaliarpoq. Nuna alinaatsorujussuaq Afrikap Kangiata qeqqaniittoq. Nuna panertunik narsarsuaqarpoq, naggorissunik nunaateqarfeqarluni, kusanartunik qaqqarsuaqarluni tasersuaqarlunilu. Tupinnanngitsumik nuna Afrikap Sapangaanik ateruseqartinneqarpoq. Ugandali aamma nunaavoq unamminartorpassuarnik atugassaqarfiusoq. Nunarsuarmi nunat piitsuunerpaat ilagaat oqaluttuassartaali akerleriinnernik, innuttaasut imminnut sorsuunnerannik inuiannillu nungusaanermik ilaqarpoq.
Kingullermik nutarterneqarpoq: 18. august 2025