Silasisa iliuuseqarlutalu - lad os tage del i klimakampen
"Silasisa iliuuseqarlutalu –Lad os tage del i klimakampen" sapaatip-akunnerani 8. klassimit 10. klassimut atuartunit sammineqartartuuvoq. Atuartut Kalaallit Nunaanni klimaagentinngornissartik eqqarsaatigalugu meeqqat pisinnaatitaaffii klimallu allanngoriartornerisa Issittumut nunarsuarmullu kingunerluutissai pillugit ilikkagaqassapput.
Atuartut klimaagentinngortinngortinneqarnissaat tamatumani siunertarineqarpoq. Klimaagenti tassaavoq klimap allanngoriartornera pillugu ilisimasalik ilisimasaminik allanut ingerlatitseqqittartoq aamma/imaluunniit klimap allanngoriartorneranik unikaallatsitseqataanissani siunertaralugu iliuuseqartartoq.
Ilinniartitsissutissat suliassartaalu atorlugit atuartut makkunannga piginnaanngussapput
- FN-ip Meeqqat pillugit isumaqatigiissutaata pingaassusia oqaluttuarisinnaanngorlugu
- Silap pissusia pillugu oqallinnermi meeqqat paasitinneqarnissaminnik, tusarniaavigineqarnissaminnik peqataatinneqarnissaminnillu pisinnaatitaaffeqartut paasisinnaanngorlugu
- Silap pissusia pillugu suliaqarnermi akisussaaffik assigiinngitsunut tutsinneqarsinnaasoq tamattalu nammineq iliuutsivut akisussaaffigigivut paasisinnaanngorlugu
- Silap pissusiata allanngoriartornera pinngortitap nammineq pilersitaa aammalu inunnit pilersinneqartoq oqaluttuarisinnaanngorlugit, qanorlu Issittumi nunarsuarmilu tamarmi pinngortitamut, avatangiisinut inuiaqatigiinnullu sunniuteqarnersut oqaluttuarisinnaanngorlugit
- Klimaaftryk suunersoq nassuiarsinnaanngorlugu nunattalu klimaaftrykia suunersoq oqaluttuaralugu
- CO2-mik toqqaannartumik toqqaannanngitsumillu aniatitsinerup assigiinngissusia paasisinnaanngorlugu
- Silap pissusianut tunngasumik projektilioqataanermikkut klimaagentitut suliaqarsinnaanngornissaat
- Ilisimasaminnik ingerlatitseqqinnissaat aamma/imaluunniit iliuutsinik aallartitsinissaat, silap pissusiata
allanngoriartorneranut tunngasunik paasissutissiiumallutik, qanorlu allannguutit unikaallatsissinnaanerivut, iliuutsillu aalajangersimasut aallartillugit, taamaalilluni CO2-mik aniatitsinermut annikillisaaqataallutik.
Atuartitsinermi atortussat ukunani iserlusi aasinnaavasi:
