Film X Animation

Film X animation appiuvoq akeqanngitsoq, atoruminartoq meeqqanullu naleqquttoq. Film X atorlugu atuartut animationiliornissaminnut periarfissaqarput. Appi iluaqutigalugu atuartup atortussiat inuttallu uummartissinnaavai, oqaluttualiorlunilu aalatitsinermini, nipilernerani assitaliinermilu.

Film X pillugu paasisaqarnerugit atuartitsinissannullu fagimut tunngasunik isumassarsiorlutit.

Atuartut animationilioraangamik piginnaasat makku atorlugillu sungiusartarpaat: suleqatigiinneq, nutaaliorsinnaaneq, attaveqaqatigiinneq imminullu nalilerneq.

Film X animationi alloriarfinni faginilu tamani atorsinnaavoq.

Atuartut atuakkialerinermi sammisaqartillutik soorlu avatangiisinik inuttaasunillu eqqartuisinnaapput. Oqaatsinik sammisaqarnermi atuartut oqaatsit atorsinnaasaat annertusarneqassapput. Pinngortitalerinermi atuartut soorlu fotosyntese nassuiarsinnaavaat takutilluguluunniit, matematikkimilu formelit assigiinngitsut qanoq atorneqartarnersut takussutissanngorsinnaavaat.

Film X pillugu paasisaqarnerugit (PDF).

Ane-Kathrine Petersen

Atuarfinnut siunnersorti IT-didaktikki

(+299) 34 62 03

akpe@nanoq.gl